DUNGWVNC 33:1 - ASII LAKDAP Bible (BSI)

¹ Tatiwe raq Mosheq ma nguto, “Arba arwa laüwan ronglaq, ümnaq nai mungmaiqse ümniiraq Ejip mungwa tsuq wan laü thun kra. Laüta Ngi raq Abraham ma, Isak ma kiimaq Jakob ma nai tsangshiq saü asetiim ma mikuqha nguta kiqkham kuqkang mung kiiniishe laüwan ronglaq.

Hawa Naga Bible 2001

¹ Yehowa rueq Moshe muex ngoc, “Mnoz nuiyc mnoz rueq Ejip mungx wawc tvdung shvlx wvnc toq miq htenc kuex vruex hong vmaq kvtenc kaz wvnc vtueq, ngaz rueq Abraham, Esak, Yaku nuiyc tsuingshiq suiuz vsaz muex kuq phaungx ngoz tueq bomkhvmc vkuq mungx kvyuq kaz kuiuz.

DUNGWVNC 33:1 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 15:18

Kiijiishetiq kra akhing na kiijaq Tatiwe raq Abram rai tong ka shongto. Apaiq raq nguto, “Ngi raq ümsaü ümsetiim ma armung thun ara tlotli mikuqha nguta kiq khamkuq tiikang. Arka Ejip mung hiq rai maq pha wan raüta Euphretis Rai kiina saüli miraq.

RAPHA HIQWA LAK 26:1

Kanan mung na ram dong nongto. Arka kongkhuji Abraham pat na dongtaq kra jai thong she riito. Kiimaq Isak ka Philistain mung hokhamwe Abimelekh phana Gerar chela na kihoto.

RAPHA HIQWA LAK 26:3

Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.

RAPHA HIQWA LAK 28:10

Jakob ka Beersheba hiq wa tiido wanto. Raüta Haran hiq nü niishe wawanto.

RAPHA HIQWA LAK 50:24

Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”

DUNGWVNC 17:3

Shatmaq mungmaiqse ka khamnyang tsihea riito. Kiimaq tsangshiq raq Mosheq ma bot wan ruqli riito. Tsangshiq raq nguto, “Ümniiraq naishiq ka Ejip mung wa jam nguto tsuq wan laü? Naishiq ka kiimaq naisetiim ka kiimaq nai nyamse kong ka kham nyangtsi ma tiijiim baiq miitu sha tsuq wan laü?”

DUNGWVNC 32:1

Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”

DUNGWVNC 32:13

Ümjaq shisetiim Abraham, Isak, kiimaq Jakob ka tsan na tiitsanglaq. Kiimaq ümniiraq tsangshiq ma tsangsaü tsangsetiim ka ra na raiqsaiq diimtlaq kiikha mitiipaha nguta ramram kongphiq kiqkham kuqlaü kra tiimalaq. Kiimaq tsangshiq saüsetiim ma mung ashi ka wiita pattup pat-sa miitu tsangshiq tachong hupsam ma mikuqha nguta kiqkham kuq laü kra tsan na tiitsanglaq.”

DUNGWVNC 32:34

Ümchaü ümniika kilaq, laüta mungmaiqse ka Ngi raq ümriiba na shea wan chang ngutiiwa chong kang kiijaq shea wanlaq. Tsan na tiitsang shat riilaq, irase raq ümniika mishun shea wan. Shatmaq Ngi raq arnok arma tsangshiq ngarai kha na imo tiihoke akhing ka saü wantlo she.”

DUNGWVNC 32:7

Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.

LEWI 20:24

Shatmaq Ngi raq ara hiqpo hiqwin mung arka namshiq ma tachong hupsam miitu mikuqha nguta kiqkham kuq wan kang she. Krai mren Ngi raq namshiq ma mikuqha. Ngi ka Tatiwe namshiq Shiikeawe. Kiimaq Ngi raq namshiq ka maiq mung ahinti thun phong wa pong na arai latiishe tseatsiiq wan kang.

WEAWEA 11:12

Ngi raq tsangshiq ka phansang mang dea. Riimakla ngi raq tsangshiq ka chii mang dea! Riita ümniiraq ngi ka noboqti nyung ma jalata tsangshiq ka ijaq na do lata noshiisetiim kong ikha, ümniiraq mung ashi mikuqha nguta tsangtitiim ma kiqkham kuqlaü kra mung na saüli boq wan laq nguta jaram wa thaü tlaü?

Acts 7:36

Krai mren, Mosheq raq mungmaiqse ka Ejip mung wa tsuq wanto. Raüta, Khamshii Kham jong rai ka jin wanto. Raüta, kumtsaiphii lam maq, wiiroqblai mungmaiqse ka shea wanto. Apaiq raq tsangshiq ka awang chang nai amao chang jaqsham pahea sham raüta, kra lümaq tiichhii kuq wan raüta shunshea wanto.

TRI CHONGKE 1:8

Armung thun ara tiina Ngi Tatiwe raq, namtitiim Abraham, Isak, kiimaq Jakob ma kiimaq tsangsaütiim ma mikuqha nguta kiq kham kang kra. Warong laq. Lanta khat lanta jiiwan ronglaq.’”