DUNGWVNC 12:41 - ASII LAKDAP Bible (BSI) Rawii 430 ka nyito she angu ranaiq na, Tatiwe sengi maiq phan thun raq Ejip mung ka miimthüto. Hawa Naga Bible 2001 Wawc 430 mvrc tueq raungnuiyq kvkaq Yehowa miqsaz htenc rvtueq miqphvnx lotlaz Ejip mungx maq dung wvnc wuez tueq. |
Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”
Israilnok ka Ejip mung wa laüwan jai maq rawii shiblai ri wiiroq tiichat sijai maq, kiimaq Solomon raq Israil mung peng wan li maq rawii wiiblai she angu na, kra rawii phawan jai maq jipi lünai she angu na Jib jipi lüna, Solomon raq Shomjam hai jaqsham kra phaja wanto.
Tatiwe raq Sudan mung phenlabi ka Asa nai asengi maq tiikhat raüta tiitangto. Tsangshiq ka pintrangto.
Ümniika chap laüta Jajon ma tiihang mangchan mitiitsi haü; kriinyung ma tiihang mangchan tiitsi rahiq saütoshe; ümchaü ka kra akhing ka saüto.
Ümtiikiiwa Israilnok ka Ejip mung wa laüwantaq; ümtiikiiwa Jakob saüse phan raq pongmung wa laüwantaq,
Ara poi arka namshiq raq lang ronglaq. Jamkhano ngukla ara ranaiq na Ngi raq namshiqnok maiq phan thun ka Ejip mung wa tiidong wan kang. Pattup pat-sa na saüli namshiq raq ümchaü ranaiq arka poi klo lanta lang ratlo.
Rawiichii pat na ümse maiqwese raq ara poi lang tiikai arka jamlai liichum wiinya nguta wai raüla, ümniiraq apaiq ma akha bom ka mitre haü, ‘Tatiwe raq apaiq ningkun jonghea wokhong maq, nashiq ka Ejip mung na maiq dikong sikai kriiwa ana tsuq wanto.
Ara poi klo tiikai arka nashiq ma tsan na tiitsang wan miitu, najaq dang na jaqkhaq raü atiipakuq ikha. Riimakla nashiq khakam na apaq ikha sitlo. Ara lümaq nashiq raq tsan na tiitsang wan tiikai Tatiwe raq apaiq ningkun jonghea maq nashiq ka Ejip mung wa tsuq wanto nguta takwan tiikai.’”
Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.
Ara poi lang wan tlan arka namshiq ma tsan na tiitsang wan miitu jaq na jaqkhaq raü apaq ikha riimakla nam khakam na phanshi ra atiipakuq ikha miraq. Ara poi klotlan ara lümaq namshiq ma Tatiwe Thungtri raütu kra riishrii maq phat wan nong miitu kiimaq atsaü maq sidi raüta phat wan miitu akhing lam wan ashi miraq. Jamkhano ngukla Tatiwe raq apaiq ningkun jonghea maq namshiq ka Ejip mung wa tsuq wanto.
Ümchaü Ngi raq ümniika Ejip mung hokhamwe phana tiikitiikang. Kriika ümniiraq isenginok ka apaiq mungtan kiiwa ahin na tsuq wan miitu tiiki tiikang.”
Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.
Aron nai Mosheq ma Tatiwe raq akha chongto, “Israilnok maiq phan thun ka Ejip mung wa shea wan ronglaq.”
Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.
“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.
Arka namsaü namsetiim raq Tatiwe raq Israilnok ka Ejip mung wa tsuq wan raüta laü wantaq akhing na lam na joli tiip na jap wan raüta laü wanto nguta tsangshiq raq misap laq. Apaiq ka Tatiwe namshiq Shiikeawe.
Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.
Shiikeawe raq tsangshiq ka Ejip mung wa tsuq wanto; Apaiq ka tsangshiq tiiwongke rum wa minsaü pongwe ikha maiq thaütlo.
Israilnok ka Ejip mung wa Mosheq nai Aron wokhong maq laü wantaq akhing na maiqmii phan wela takiq na tsangshiq lamjap piitiip ka arjaq chongtlaq maiqhiq thun na tei wanto nguta chongtlo.
Namtsam ka Poi lomkai kirong liina. Ümchaü lak poi arka ngi lomki mangli. Ara jamkhano chongtiikang ngukla, ngi ma ranaiq akhing ka misaü shaqli.”
Kiijiishe, Jesuq raq tsangshiq bom ka akha treto, “Israilnok ma munglang wan mungtu jaqsham kewan kriika, ümtincho na kewan chang wa, kra akhing rahiq jipi ka, i We apaiq riili saptlo. Kriika namshiq raq brorii kai chang ka riimak. Kriika, apaiq raq thapthi chang li.
Krai mren, Mosheq raq mungmaiqse ka Ejip mung wa tsuq wanto. Raüta, Khamshii Kham jong rai ka jin wanto. Raüta, kumtsaiphii lam maq, wiiroqblai mungmaiqse ka shea wanto. Apaiq raq tsangshiq ka awang chang nai amao chang jaqsham pahea sham raüta, kra lümaq tiichhii kuq wan raüta shunshea wanto.
Mosheq raq Israilnok ma nguto, “Tatiwe üm Shiikeawe ka Tiichhiiwan Poi ka Abib jipi lü na lang laüta shrenglaq. Kra jipi lü na rawa shi akhing na apaiq raq nashiq ka Ejip mungwa tiichhii kuq wanto.
Apaiq raq namtitiim kra lungwii kha maq, apaiq raq namshiq ka tseatsiiq wanto. Kiimaq apaiq ningkun aheng kriimaq apaiq raq apumsii maq kiraüta namshiq ka Ejip mung kriiwa tsuq wanto.
Kra jai miishe, ngi raq Mosheq nai Aron tiikikang. Kiimaq ngi raq Ejip mungti ma chamchao jonghea tiisaü kang. Shatmaq ngi raq namshiq ka Ejip mung wa tsuq wan kang;
“Ngi ka namshiq phenlawe min riimang, kiimaq namshiq ma wesang min riimang. Ngi ka Tatiwe phenlabi pengti Ajong Phentuwe,” nguta treto. Kra tai raüta, Joshua ka kriiwe khaki na hiq na bumkisaq shomnoqto, Kiimaq, “Chaü lei, ngi ka ümdise. Ngi raq jamlai riichang wa?” nguta apaiq ma waito.