JOSHUA 5:14 - ASII LAKDAP Bible (BSI)

¹⁴ “Ngi ka namshiq phenlawe min riimang, kiimaq namshiq ma wesang min riimang. Ngi ka Tatiwe phenlabi pengti Ajong Phentuwe,” nguta treto. Kra tai raüta, Joshua ka kriiwe khaki na hiq na bumkisaq shomnoqto, Kiimaq, “Chaü lei, ngi ka ümdise. Ngi raq jamlai riichang wa?” nguta apaiq ma waito.

Hawa Naga Bible 2001

¹⁴ Kvruex waz rueq, “Mruex kox jix muinz rvmuq, ngaz kuex Yehowa nolaungx yungx muex yaungx vtueq kaz vraungx,” ngoz tueq tvralc tueq. Yoshua kuex ghaq nuex bumx vtueq nawk ruiux, “Taungjix lex, ngaz kuex mnvrc waz rvtauk. Mnoz rueq ngaz muex yvmx tvshuimc roc lac?” ngoz tueq tvralc tueq.

JOSHUA 5:14 Referencias Cruzadas

RAPHA HIQWA LAK 17:17

Abraham raq manto tiichhi atheaphi ka hiq na tiithanli bumto. Shatmaq apaiq raq akha tiima raüta anai rai she riito, “Maiq ka arawii shishi she kriiwe raq ase ka mihumlot shea? Kiimaq Sara ka wiiroq tiikaü she kriiraq ase ka mihumlot shea?”

RAPHA HIQWA LAK 17:3

Kiimaq Abram raq manto tiichhi atheaphi ka hiq na bumtlii bumto. Kiimaq Shiikeawe raq nguto,

2 SAMUEL 7:19

Riishatmaq min, O, Tati Rakaü Hiqwe lei, ümchaü hali ümniiraq kriithaq niimin jonghea apashe hali shamkuq wan nongtlaü. Ümniiraq rawiichii pat achat na ilai ila thun jonglu wan miitu kiqkham raüpot thun khakuq wan laü. Tati Rakaü Hiqwe lei, ümniiraq maiq weshi ma arthun ara tiichhi kuq laü she!

2 SAMUEL 7:20

Arthun arthaq na chan raüta, ngi raq ümniima jam lai she wa michongha! Ümniiraq ngi ümdise kri asap-haü.

Tvtsvmc 110:1

Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”

Tvtsvmc 24:10

Ara ajong hokhamwe ka juwa? Tangwantlii Tatiwe - ajong hokhamwe ka apaiq kata!

DUNGWVNC 4:10

Shatmaq Mosheq raq nguto, “Riimak, Tatiwe, ngi ka naq thaükiq. Ngi ka maiq ma bom chongketi riimak. Kiimaq ümniiraq ngi rai riibom tlaü ariiraq, ngi ka tsüwe tsitwe ma tiija mak. Ngi ka maiqrai riibom tsin mang we. Kiimaq agak agaq nai anang anamtiwe.”

DUNGWVNC 4:13

Shatmaq Mosheq raq treto, “Riimak, Tatiwe, mangchan laüta maiq ahinti tiikilaq.”

ISAIA 55:4

Ngi raq apaiq ka wela ma shongkang, kiimaq mangjong tlotli thaq na phentuwe ma shongkang, kiimaq apaiq lümaq Ngi raq tsangshiq ma iningkun tiichhikuq kang.

ISAIA 6:8

Kiijiishe ngi raq Tati raq akha nguto taikang, “Ngi raq juwa mitiikiha? Nashiq kiimwe ma juwa mija?” Kiijiishe ngi raq trekang, “Ngi mikikang! Ngi tiikiliina!”

EJEKIEL 3:23

Krai mren, ngi ka kra hiq thung tan kiiniishe kiho kang. Kiimaq kiijaq Tatiwe khushü ngao chhai nyii ka kongkhu ji na Chebar Raikii na chhikang kiikha chhikang. Ngi ka hiq na bumkisaq bum kikang.

DANIEL 10:13

Ngi ka Parsia munglangti rase hokham raq, raroq nai ri ranaiqshi ningtang hoto. Kiijiishe ajong rasetiim phong wa maiqla ashi, Maikel ka ngi phana kiraüta khrum kuqto. Jamkhano ngukla ngi ka Parsia mung na, ngi laqlaqse lishe tiichong kikang.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

DANIEL 8:11

Kiimaq kriiraq ramungtan na siti Hokhamwese phenlabi thun kra dongdii min teimak khat wanto. Kiimaq Hokhamse ma ranaiqtek nyamse honglu takuqtlaq kriimin wiitashe tiithaq baiqto. Kiimaq Shomjam kra wiitashe tiishe baiqto.

LEWI 9:24

Tiihanghiiq miili Tatiwe raq wa tiisatto. Raüta chaqtlii-honglu akuq ngam kra nai ngampü akuq berong-wacha wiika wiita khiimbaiqto. Mungmaiqse raq kra chhi raüta, tsangshiq tarü gitrangto. Kiimaq tsangshiq tarü hiq na bumtlii kurang raüta shrengto.

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

WEAWEA 16:45

“Namnai ka arkong artho wa jai nü kiina chap ronglaq. Ngi raq tsangshiq ka ümchaü li arjaq mijiip baiqha!” Kiijiishe tsangnai ka hiq na bum rang she bumkito.

WEAWEA 22:31

Kiijiishe Tatiwe raq Balaam ma kiijaq rase nepja sham raü chaptlaq kra tiichhi kuqto. Kiimaq Balaam ka hiq na akap nü na bumsaq she bum kito.

Matthew 22:44

‘Tatiwe raq i Tatiwe ma nguto: Ngi raq ümniima chiq se rewe jati thun ka, ümjaq khon na mikuq wan ha shaq wiiwii, ümniika I jaqtsi nü arjaq, mongngam maq ngashat li riilaq.’

Matthew 8:2

Kiitiikaq maiq weshi, thabi tsi raq chamchao rai tlaq we ka, apaiq phana dongchhaq waraüta, kaütsrong na bumsaq riito. Raüta, “Shiilang we le, ümniiraq ngi ara mangchan haü jiila, i thatsi ara mitiihea kuq lot haü,” nguta tiipaiqneato.

Luke 1:43

I Tatiwe ma anyung raq ngi akhnok jehin nore maiqse rai riihumkai kilaü arka, ngi ma kiim jonghea pinthum!

Luke 20:42

Dawit apaiq riili, Tiitsamshi lak na akha chongtlo, ‘Tatiwe raq i Tatiwe ma chongto: Ümniika ngi ma jaqtsi nü arjaq nga laq,

Luke 5:12

Akhing ashi na, Jesuq ka chela ashi na riito. Kiijaq maiq weshi ka rampun tsi raq, kai chamchao. Kra atsiti we raq Jesuq ka chhi raüta, Jesuq miki na bumki tlii maq, “Shiilang we lei, ümniiraq thapthi haü jiila, i thatsi arka mitiisii kuqlot haü!” nguta tiipaiqneato.

John 20:28

Kiijiishe, Thomas raq Jesuq bom ka treto, “Ümniidea i Tatiwe kiimaq i Shiikeawe.”

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Hebrews 2:10

Riita, arka riikhaqli dea. Shiikeawe ka nashiq Tiiqtiwe. Kiimaq phanrap rümtiwe. Apaiq raq Jesuq ka, chamchao walü mong maq chen wanto. Raüta apaiq puk na nyap wantibi maiqse pahea ma, tiichhii wan lam tanketi we miishe tiijato. Arka Shiikeawe raq, Jesuq pum lümaq, maiqse angu thun tarü ma, apaiq achhai anyii khushü rilung ngao kra, triishake wan miitu tiikuri kuqto. Ara jamkhano chongtiikai ngukla, Jesuq ka tsangshiq tiichhiiketi we miishe tiijato.

JOSHUA 20:1

Kiitiikaq Tatiwe raq Joshua ma,

Revelation 12:7

Kiijiishe, rawang win na re she dong wanto. Maikel nai apaiq kongti rasetiim raq, prenkaü nai apaiq sengi rasetiim kriishe khat wanto.