Acts 1:2 - ASII LAKDAP Bible (BSI) apaiq ka ramungtan na, Shiikeawe raq shea wantaq akhing ranaiq na saüli liipan na, apaiq raq ümtinkhan wa jaqsham wantaq kra, nai traho bom chongkuq wantaq jaqsham manphan thun kra, waiq kang. Apaiq ka ramungtan na mishea wan shaq na, Asii Wenyi ningkun maq, apaiq raq akiimwetiim ma nguta tsea wantaq thun kiima tsii ka aheawiq maq chongkuqto. Hawa Naga Bible 2001 raungmungx nuex shvlc wvnc rvhumc tueq raungnuiyq nuex httuiuc laz, shuimx kaz tvluing wvnc tueq lotlaz kuex vphaungc wawc luik nuex ngaz rueq wuiyq wvnc tauk shex. Vpiq kuex raungmungx nuex shvlc wvnc max rvhumc nuex vpiq rueq vthvl shec kamx waz hez muex Vsawc Siyac luimc vkawc maq nvr tueq. Muklom Piq mungtan náng sol wey moq jakho, Asang Tsija tarong wang piq aa talchol Apostle tang ma raaqkhat kot ta. |
Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.
“Ümchaü min ana ithona warongra lantea Ngi raq jamlai wa chongtiikang kra taironglaq. Aphaji niiphü Ngi raq linham linhok chongkuqkang, kiimaq wranaiqtek ibomtsi ka khashkhaq tiiku piwan kang.” (Ümchaü Ajong Thaq Na Ajong Tatiwe raq ngi ma apaiq ningkun kuqto raüta ngi ka tiikito.)
Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.
Riimak! Beljebul raq riimak. Shatmaq Shiikeawe Wenyi ningkun maq, ngi raq tha ka jobaiq tiikang. Riita ara jaqsham tiikang ara riili she, Shiikeawe Mungtan ka namshiq khuthaq na saükito she dea nguta hakhi kuq tlo.”
Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.
Akiimwetiim ka traho wanhiq khumrii maq jangwa raütiishe, Jesuq rai riihumto. Kiimaq tsangshiq raq trahokuq wantaq nai shrinkuq wantaq thun tsütsa kra apaiq ma tiitai chong kuqto.
Apaiq raq tsangshiq ma ramram kerea lam miili she, apaiq ka ramungtan niishe shea wan nongto.
Jesuq ka ramungtan na shea wan ma akhing ka ajeli she riito. Kriikha maq, apaiq raq atsan na khekham maq, Jerusalem chela nü niishe kihoto.
Apaiq kaphap mangchan tsii ka jürai ikha tümlüm tümli sitlo. Krai mren, apaiq raq nashiq ma, achu shiiman ramram jaqshamke ka tangwa jüchhang khamkai ikha, raükuqtlo.
Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.
“Shatmaq tiina, ngi raq ara chong tiikang arka wiitarü ma wanghap niika riimak. Ngi raq namshiq ka jamkhiinok maiqsetiim wa tsea wan kang, kriika ngi raq asap ha. Asii bomtsi na, ‘Ngi rai dung pinshi na sia wan damti we raq ngi ka shaphaqto’ nguta chong tlaq kriika tiiku wan chang dongdii.
Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.
Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”
Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang.
Kiijiishe, “I dü niika naq tiipaq jaqkiq,” nguta Jesuq raq apaiq ka tiiwinto. “Ara jamkhano chong tiikang ngukla, ngi ka i We phana mijang wan ha shaqli. Shatmaq, ümniika i notiim phana walaüta bom ka chong wakiq. Ngi ka i We, kiimaq tsangshiq We, i Shiikeawe kiimaq tsangshiq Shiikeawe phana jang wan nong she,” nguta chong wakiq.
Jesuq raq tsangshiq ma thongshi ri hali tsangshiq tsaiji doke, “Namshiq ka hansang maq sirong laq. I We raq ngi ka jamkho mangjong hiq na tiikitaq, kiikhiisii hali, ngi riimin namshiq ka mangjong hiq tiiki nong tiikang,” nguta tsangshiq rai bomdamto.
Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.
Bom shiiton, namshiq raq Maiq Se ka apaiq sichüchang ba kiijaq jang wan nong chhihan jiiha? Jamlai she wa mitiima han?
Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”
Kiimaq, kra wenai raq tsangshiq ma, “Gelilinok lei, namshiq ka ajaq chap lanta, ra nü na liilanta jam nguta chapphaq sea wa? Ara Jesuq ara, ümchaü namshiq phong wa jamkho ramungtan na shea wantaq, kiikhiisii hali, ara mangjong hiq na mijangki nong,” nguta tsangshiq ma chongkuqto.
Tsangshiq ka Jerusalem na jang wanto. Raüta, tsangshiq jap chang jam na rathong khokti kiina riitam ngato.
Apaiq raq ara bom chongke lot ri li she, tsangshiq maklii rashra niili, apaiq ka ramungtan na shea wanto. Kiimaq ra wa phumda ashi raq, apaiq ka pang wan saqli pang wanto.
Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.
Ngi, Paul raq, apaiq ka kiimwe ma shongtaq kra maiqse raq ashong riimak riimakla maiqse lümaq ashong riimak. Shatmaq, Jesuq Khristo kiimaq Awe Shiikeawe raq, Jesuq ka ama wa tiidong wanti we raq ashong.
Ümchaü sanha, namshiq kiimin, kiimwebi nai shammibi raq jamkham longkaü, khamlawe shongpha wantaq, kra thaq niishe shong wan damto. Riita, kra chongtiikai jamhai tlaq kra, khamlawe chaptlaq kriika Jesuq Khristo.
Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.
Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.
Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.
Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.
Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.
“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tai rong laq! “Jurwa rekhat tang tlaq, kriiti ka thongnai tsai raq tiichamchao mak she miraq.
“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.
“Arkha maq chong tiikang, nam ni asi jiila, Asii Wenyi raq phungtuti ma tsii chongkuq tlaq ara, tiitsang tai rong laq! “Jurwa ara rekhat ara tang wan tlaq, kriiti sreabi ma, ngi raq Shiikeawe sonruk mong na rilung petsi chong sitlaq kiiwa atsi pansea miitu arang mikuq ha.
Kra chela tro na peruk haitaq kra tiichap wan chang ka longkaü roqshi ri anai thaq na sii wan raüta haito. Kra longkaü thun thaq na Skuse kiimwebi roqshi ri wenai mang ka tiiwaiq shat asi.
“Arkha maq chongtiikang, nam ni asi jiila, Asii wenyi raq phungtuti ma tsii chongkuq tlaq ara tiitsang tairong laq!
Shatmaq, namshiq ka jam pu suk chang min riimak, amaa min riiman, atra min riiman, tsaijang jam kha maq, ngi raq namshiq ka i nü mong wa tho thobaiq tiikai ikha aphai lishe mirbaiq!
“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq!”