2 Peter 3:2 - ASII LAKDAP Bible (BSI)

² Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.

Hawa Naga Bible 2001

² Vsawc shvmmax bix rueq mvnnuex jungphvnx wvnc tueq kvjaz muinz, nuimshiq kamx waz bix maq raz tueq palc daungc Taungjix rueq nvrc tueq kvjaz htenc kvmuinz nuimshiq rueq rvwvlc yek laung nuex ngaz rueq roc vshaungx.

Muklom

² Asang rangsamal tang aa jakho wang batta, etho hiqtang Tangteywa nia thaluntey apostle tang tungkang o raaqkhat kot ta eshi nim aa tasik inn.

2 Peter 3:2 Referencias Cruzadas

Luke 1:70

Apaiq raq rathup rapha niiphü dongdii, Asii shammibi lümaq, nashiq ma kiqkham raüpot khakuq wanto.

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 3:18

Arka, Shiikeawe raq rathup rapha niiphü dongdii, apaiq shammibi tarü nübok maq, apaiq Khristo ngutlaq kriika, pinthum chamchao raütiitiq tsai chang dongdii miraq, nguta tiithai chong jeshe dongdii. Krai mren, Shiikeawe raq shammibi lümaq tiithai chongkuqtaq kra phan phan she dea, ara mra ka pin wanto.

Acts 3:21

Shiikeawe raq awokhong na siti asii shammibi nübok maq, man na rathup rapha richü pat na, riisham bom tiichongtaq kra phanphan, Jesuq ka ramungtan na siruqli she misi wan. Apaiq ka Shiikeawe raq, ara phanrap ra nai hiq sitlaq ara, tingsang anye ma tiija wan rahiq akhing saü tlaq kiijaq saüli, ramungtan niili she mitiisi.

Galatians 6:2

Phanrap sham akai ka, dorangrang pirangrang lanta, sham wan lili rong laq. Ahata namshiq ma Khristo thungtri lang lanta shongnga rilung.

Ephesians 2:20

Ümchaü sanha, namshiq kiimin, kiimwebi nai shammibi raq jamkham longkaü, khamlawe shongpha wantaq, kra thaq niishe shong wan damto. Riita, kra chongtiikai jamhai tlaq kra, khamlawe chaptlaq kriika Jesuq Khristo.

Ephesians 3:5

Man na richü pat niika, ara chong tiikai apaü raüta athü, Shiikeawe jaqsham arka, maiqse ma chong kuq mak dea riito. Shatmaq, ümchaü ka Shiikeawe raq, Asii Wenyi lümaq, apaiq kiimwebi nai shammibi ma tiichhi kuq wanto she.

1 Timothy 6:14

kuq tiipha arka, ümniima jamlai aming wa kuq wantaq, kra aming thun ka, Tati Jesuq Khristo saükai akhing Ranaiq na saüli, shiiting shrai tsapkapkap maq lang laq nguta chongkuq tiikang.

2 Peter 2:21

Tsangshiq arka, Shiikeawe raq atiichhikuq Tsütsa Ahea rilung lamphan kra apha miiphü phan wan mak dongdii ngu raü khoti phanshi sainaisam riichang wa. Shatmaq, ümchaü sanha, tsangshiq raq Tsütsa Ahea kiima kamwan raüta, man niiwa rilung lam chü kiina jangho nong tlaq krai mren, tsangshiq rilung ka man na apha na jamkho lea wantaq kra nam miimin tiinanpot, aliikai chang ahü she.

2 Peter 3:15

Tatiwe raq kai nin wan raüta namshiq khewan tlo. Apaiq raq ümtinkhan nin raüto khebom tlaq arka, namshiq ka awokhong na tiikhup wong shat maq sihan jaq nguta akhing kuq tlo. Nashiq ma lungwii phuno we Paul riimin, Shiikeawe raq apaiq ma akuq anyan phaqchi ningkun maq ara chongtiikai Tatiwe saükai tsütsa bomtsi arsii li namshiq ma waiqto.

2 Peter 3:16

Paul raq lak awaiq thun na, bomtsi wiijam ka liichum atsaü wiq maq waiqto. Kra liichum ka atak ma ahawiq. Shiikeawe bomtsi tri raü thun ka tiitho tiipha samhea tak makti nai wenyi rilung lamphan na hon atsii miku shaq li shrabi riika, ara chongtiikai liichum atsin wiq baba lakjaq thun wiika lamjiq nü na shiijon raüta, Phungmaiqse ma shrinkuq tlo. Tsangshiq riika, Asii bomtsi lakjaq ahin wiimin akhiisii lamjiq nü na shiijon raüta shrinkuq tlo. Raüta ara tsangshiq raq ajiq shrinkuq tlaq kra lümaq, Phangthum Ranaiq tsangshiq maiqmii then wan chang thiikho kli tiije thu tlo.

1 John 4:6

Shatmaq, nashiq ka Shiikeawe rii she nguta sitiikai. Jurwa Shiikeawe rai mang riisap shatmaq sitlaq, tsangshiq riika nashiq bomchong kra tai tlo. Juwa Shiikeawe rü riimak, kriiti raq nashiq bom ka tai mak. Riita ara chongtiikai hakhi armaq, nashiq raq riikhaqli Asii Wenyi bomtsi nai arot winji bomtsi kiishe shin tiikai.

Jude 1:17

Shatmaq, phunainotiim lei, Tati Jesuq Khristo kiimwebi raq, man na namshiq ma jamlai bomtsi wa chongkuqtaq ira, tsan na tiitsang shat thü rong laq.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.