Matthew 12:28 - ASII LAKDAP Bible (BSI)

²⁸ Riimak! Beljebul raq riimak. Shatmaq Shiikeawe Wenyi ningkun maq, ngi raq tha ka jobaiq tiikang. Riita ara jaqsham tiikang ara riili she, Shiikeawe Mungtan ka namshiq khuthaq na saükito she dea nguta hakhi kuq tlo.”

Hawa Naga Bible 2001

²⁸ Ngaz rueq Belzebul luimc vkawc maq rvmuq, Tishox Siyac luimc vkawc maq htaungc htenc kuex yurc gay tauk. Kvkhoc doc ngoz ruiux yuq Tishox mungtan kuex nuimshiq kox nuex vhttuiuc wuez shex rvtueq.

Muklom

²⁸ Etharin nga Shkewa Asang Tsija wang thangwa tang sha phan ang jo, Shkewa mungtan tha nim jaktung na uthok sey angta.

Matthew 12:28 Referencias Cruzadas

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Matthew 12:18

“Arwe ahata I jaqshise, ngi raq atsea wan ha. Apaiq ka ngi raq kai tlungwii tiikang, kiimaq ngi ka apaiq ma pinthum khoqriiq tiikang. Ngi raq apaiq ma i Wenyi mithü kuq ha. Kiimaq ngi raq kiq tiidea tiikang kra, apaiq raq Pongnok phan tlotli ma, ngi raq tingting jaqsham tiikang kra michong phan kuq wan.

Matthew 12:29

“Maiq weshi raq, maiq kuila weshi sitlaq kriika, apaiq jam mong na nyap wa raüta, apaiq ka kongkhu lapho raüta kharü maq khabaiq hü miika, apaiq jamkun mong wa tachong wiira hupsam thun sitlaq kriika jamkho mirunho lot? Apaiq kra kongkhu khabaiq chang miraq. Apaiq khabaiq jai shetiq, ajamkun wa tachong hupsam thun kra mirun wanlot.

Matthew 21:31

Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.

Matthew 21:43

Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Mark 1:15

“Akhing ahea saüto she. Shiikeawe mungtan ka aje niishe! Ümchaü sanha, namshiq ngarai lamphan kra baiqthü rongliishe. Lanta Tsütsa Ahea kiima kam wan ronglaq!”

Mark 11:10

Shiikeawe le, naiti Dawit raq mung lang wantaq ikha, hokham jawanti we saüho tlaq, kriidea shiiman kuq laq! Shiikeawe khushüli dea mijong laq!” nguta Shiikeawe ka tiitsam kamto.

Mark 16:17

Kamwan tlaqti thun ma, awang chang jaqsham miitu ningkun mikuq. Tsangshiq raq, i mang na tha mijo baiq; tsangshiq ka pongnok pongta phan bom maq mibom.

Luke 10:11

‘Liirong laq, naishiq hokphi na akop botkhulai ara dongdii min, jai nü na naübaiq thü tiikai. Arka namshiq ma manson miishe mija wan. Shiikeawe Mungtan ka namshiq thoniishe saükito!’

Luke 11:20

Riimak! Tha kong ka ngi raq Shiikeawe ningkun maq jobaiq tiikang. Kiimaq ara tha jobaiq tiikang jaqsham arka, Shiikeawe Mungtan ka namshiq tho niishe saükito nguta namshiq ma tiichhi kuqtlo.

Luke 16:16

“Riita, Mosheq Thungtri nai shammibi lakdap na waiqtaq tri raü thun kriika, Khamlamketi we Johan pat na saüli li, maiqse raq lang wan raüta siwanto. Kra jai miishe ka, maiqse ma Shiikeawe Mungtan Tsütsa Ahea kriishe tiitai chongkuq kuqtlo. Kiimaq maiqse angu pumsiitek raq, Shiikeawe wokhong na shang wan tlo haijaq nguta, riishii riipan she warai wan tlo.

Luke 9:2

Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

Colossians 1:13

Ümchaü sanha, apaiq raq nashiq ka ranyaq kharü mong wa da wanto she. Raüta, apaiq raq mangchan tlaq, Ase mungtan na kiqkap jaqshap miishe shunshea wanto.

Hebrews 12:28

Riita, ümchaü sanha, Shiikeawe ma pinthum kechu tum rong i. Apaiq raq nashiq ma ramungtan ka kuqto she. Nashiq ka apaiq sengi she. Ara mungtan kuqtaq arka, ümtiikiimin thenki mak phan she. Arkha maq, ümchaü sanha, nashiq raq Shiikeawe ma khoqriiq shishiiq maq, kechutum wan lili rong i. Laita, apaiq tiichochi miitu, apaiq raq lungwii tlaq kra phanphan, apaiq ka kai shreng laita, shomnoq rong i.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.