Acts 1:2 - Hawa Naga Bible 2001

² raungmungx nuex shvlc wvnc rvhumc tueq raungnuiyq nuex httuiuc laz, shuimx kaz tvluing wvnc tueq lotlaz kuex vphaungc wawc luik nuex ngaz rueq wuiyq wvnc tauk shex. Vpiq kuex raungmungx nuex shvlc wvnc max rvhumc nuex vpiq rueq vthvl shec kamx waz hez muex Vsawc Siyac luimc vkawc maq nvr tueq.

ASII LAKDAP Bible (BSI)

² apaiq ka ramungtan na, Shiikeawe raq shea wantaq akhing ranaiq na saüli liipan na, apaiq raq ümtinkhan wa jaqsham wantaq kra, nai traho bom chongkuq wantaq jaqsham manphan thun kra, waiq kang. Apaiq ka ramungtan na mishea wan shaq na, Asii Wenyi ningkun maq, apaiq raq akiimwetiim ma nguta tsea wantaq thun kiima tsii ka aheawiq maq chongkuqto.

Muklom

² Piq mungtan náng sol wey moq jakho, Asang Tsija tarong wang piq aa talchol Apostle tang ma raaqkhat kot ta.

Acts 1:2 Referencias Cruzadas

ISAIA 42:1

Yehowa rueq, “Vruex waz kuex ngaz rueq hungc vkuq, ngvy nvrc waz, ngaz rueq vthvl waz, ngaz rueq raungc raq vshaungx waz rvtueq. Ngaz rueq vpiq kuex ngvy Siyac maq tvmvrc tauk, vpiq rueq miqphvnx ruip rawx kox nuex tvrac vlvmz kuex lvmz kuq laq shuex.

ISAIA 48:16

“Majuiuc kuex ngvy kox nuex kaz vtueq ngaz rueq jungx phaungx kvjaz kuex tay shuinz. Vphaungc maq phuex ngaz rueq raungshuex raung jungx phaungx nuiyc ngvy kvjaz kuex mkaq muinz vsuing rvtueq rvtauk,” ngoz tueq jungx tueq. (Majuiuc Johvlc Yehowa rueq ngaz muex luimc vkawc kuq vtueq tvkaz phuex.)

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

Matthew 12:28

Ngaz rueq Belzebul luimc vkawc maq rvmuq, Tishox Siyac luimc vkawc maq htaungc htenc kuex yurc gay tauk. Kvkhoc doc ngoz ruiux yuq Tishox mungtan kuex nuimshiq kox nuex vhttuiuc wuez shex rvtueq.

Matthew 3:16

Yesu rueq yuix luip lvmz tueq rulc rv-ngvlc yuix maq kvtenc dung wvnc tueq nuex, raungx kvdauz wvnc vtueq Tishox Siyac kuex hituiuc vshiz ikhoc svt kaz vtueq vpiq htauk nuex ngaungc yaq kuex khiz tueq.

Mark 6:30

Kamx waz hez kuex Yesu kox nuex rvtuimx kaz vtueq, tsuinghez rueq shuimx wvnc tueq nuiyc tvluing wvnc tueq lvmz lotlaz vpiq muex tvtay jungx tueq.

Luke 24:51

Kvkhoc tsuingshiq muex ruimruimx kuq yaq nuex, vpiq kuex tsuinghez kox wawc rv-phvlc wvnc vtueq raungmungx nuex shvlx wvnc vshuex.

Luke 9:51

Raungmungx nuex duic wvnc vkhing httuiuc wvnc koq tueq Yesu kuex Yerusalem ghaq nuex kay tvkoc vthuinz maq htvp htaz tueq.

John 1:16

Vpiq kuex ruimrix kejux mvrc yaq waz rvtueq rulc rv-ngvlc vpiq rueq naungshiq wvyvmc muex ruimrix kejux kuy ningkhvnc nuex, htvp shiz maq htvp shiz lvp wvnc vshix rvtueq.

John 13:1

Majuiuc kuex Tvlvy Wvnc Moalx max phaungc shauk kungkhux raungnuiyq rvtueq. Yesu kuex vruex mungkawx vwawc dung wvnc vtueq, Vwaz kox nuex waungc wvnc vkhing httuiuc wvnc tueq kuex tuiuz tueq. Vpiq rueq mungkawx nuex httax yaq vpiq miq htenc kuex mkaq muinz lungwawx yaq rvtueq, vtvsuip nuex httuiuc laz tsuingshiq kuex lungwawx tueq.

John 13:18

“Ngaz rueq ngoz vshaungx kuex nuimshiq lotlaz ngoc rvmuq, ngaz rueq vthvl taq hez kuex ngaz rueq tuiuz yaq. Yuq muinz Rumvrc luik nuex, ‘Ngvy rulc dungc svy jix waz rueq piq yaz htuimx maq ngaz kuex huip gay phuex,’ ngoz tueq wuiyq shec tueq kuex hungx wvnc tvkoc rvtueq.

John 13:3

Yesu kuex Vwaz rueq vpiq muex luimc vkawc tsuiyc laz kuq tueq kvmuinz; vpiq kuex Tishox kox maq kaz vtueq, Tishox kox nuex yek waungc yek juing kvmuinz tuiuz yaq.

John 16:28

Ngaz kuex Iwaz kox maq mungkawx nuex httuiuc kaz tauk, majuiuc vruex mungkawx vmaq Iwaz kox nuex ngaz waung wvnc yek taungx,” ngoz tueq.

John 17:13

Majuiuc kuex mnoz kox nuex ngaz waungc wvnc juing shex rvtueq, ngvy kokez thuinz kuex tsuingshiq thuinz vmungx nuex mmvrc wvnc kueq, ngoz tueq mungkawx nuex vruex lvmx htenc ngaz rueq jungx vshaungx.

John 20:17

Yesu rueq, “Ngvy gvnz nuex nauk kvtungc kaz, ngaz kuex Iwaz kox nuex max waung dvyx doc. Yuq muinz iphuz inox hez kox nuex waung vtueq, ngaz kuex Iwaz nuiyc nuimshiq Waz, ngvy Tishox nuiyc nuimshiq Tishox kox nuex waung wvnc taungx lvmz kuex jungx tvtay kaz kuiuz,” ngoz tueq piq muex jungx tueq.

John 20:21

Kvruex yimaq laukshiz hulawx Yesu rueq, “Nuimshiq nuex nomic mhttax kueq, Iwaz rueq ngaz tvkaz phuex kvkhoc nuimshiq muinz ngaz rueq tvkaz phaungx,” ngoz tueq jungx tueq.

John 3:34

Tishox rueq vtvkaz waz rueq Tishox bomjungc kuex jungphvnx kuq yaq, yvmx khoc lac ngoz ruiux lec Tishox vpiq rueq vtvkaz waz muex Siyac kuex mvrc laz kuq tueq.

John 6:62

Mkhoc shoc maq Miq Saz vruex vpiq httaz juing nuex duiz wvnc tuex kuex khiz ruiux yuq, nuimshiq rueq yvmx khoc lac tvmaung shuinx?

John 6:70

Yesu rueq, “Nuimhez waz rokshiz rac vnueyc kuex ngaz rueq thvl taq shec phaungx rvmuq haz? Yuq muinz nuimshiq phungc wawc washiz kuex htaungc rvtueq,” ngoz tueq jungx kuq tueq.

Acts 1:11

“Galile miqsaz htenc lex, nuimshiq kvyuq yvmx ngoz tueq jvp vtueq lac raungx nuex lawc wuez vshuinx? Kvruex Yesu kuex nuimshiq htumc wawc raungmungx nuex tvduiz shvlx wvnc vshuex ikhoc hulawx httuiuc kaz yek tuex,” ngoz tueq jungx tueq.

Acts 1:13

Tsuinghez kuex ghaqyungx kvyuq nyuip vtueq, tsuinghez duiz tueq yuimx raungkhok nuex nyuip waung wuez tueq: Peter, Yohan, Yaku, Andru, Philip, Thoma, Bartholome, Matthew, Alphaeu saz Yaku, vphvnx nuex thuinz tvthuiuz yaq waz Simon, Yaku saz Yuda rvtueq.

Acts 1:9

Kvkhoc jungc kuy lot yix, kamx waz hez muik lawc nuex dvyx vpiq kuex raungx nuex shvlc wvnc rvhumc tueq, phuemx rueq muinz vpiq kuex yop wvnc vshuex.

Acts 10:38

Nazaret waz Yesu kuex Tishox kox wawc Vsawc Siyac nuiyc luimc vkawc yvmx khoc lac lvp wvnc tvnx lvmz muinz nuimshiq rueq tuiuz vshuinx, Tishox kuex vpiq rulc roc nuex httaz ningkhvnc nuex vpiq kuex baung ruip saz nuex kvroz khuemx vtueq, miq htenc muex menjenc kuq ruiux, htaungc rueq tvkuilc daz yaq htenc kuex tvhvlc kuq tueq.

Galatians 1:1

Ngaz kuex miqsaz vkhangx maq kamx waz muex yaungc tvkoc lekuq phuex rvmuq, miq rueq vthvl taq muinz rvmuq, Yesu Christu rueq nuiyc vpiq kuex vthueyc wawc tvyuing tvtenc wvnc jix waz Tishox vkhangx maq rvtauk.

Ephesians 2:20

Nuimshiq muinz kamx waz hez nuiyc shvmmax bix rueq htungyaz tvjvp tv-phaungx taq shec tueq nuex tvrvp kvguirc vtuinx rvtueq; Christu Yesu vpiq shauk pumz kuex vshuk tvsuip lung rvtueq.

1 Timothy 3:16

Naungshiq nawk palx tvrac thuiuz sungx hvlc lvmz kuex mtanc lac yungx yaq nguinx kuex uraq muinz khawx lvlx lot muq, kvruex vthuiuz vsungx lvmx kuex vkhoc rvtueq: Miqsaz gvnngvmx maq kvkhic kaz vtueq vlvmx waz rvtueq kuex Siyac maq tvkhic kuq tueq, raungkamx bix rueq muinz vpiq kuex khiz wvnc wuez tueq. Vpiq lvmz kuex miqphvnx ruip rawx muex tvtay jungx kuq tueq shex, mungkawx wawc miqsaz htenc vpiq muex kvmluimx wvnc tueq, raungmungx nuex shvlc wvnc rvhumc tueq.

Hebrews 9:24

Yvmx khoc lac ngoz ruiux lec Christu kuex vsuing vsawc baung muik shauk rulc rv-ngvlc yaq miqsaz yauk maq vtvhungx Vsawc Baung nuex nyuip muq maq, raungmungx nuex nyuip vtueq majuiuc naungshiq laung nuex Tishox khaungkac nuex httax yaq.

1 Peter 3:22

Vpiq kuex raungx mungtan nuex duiz wvnc ruiux, Tishox yaukkeq kox nuex ngaungc vtueq raungkamx bix lotlaz nuiyc raungwawc vrangx vpangx lvp jix nuiyc luimc vkawc httax yaq lotlaz kuex guimz yaq.

2 Peter 3:2

Vsawc shvmmax bix rueq mvnnuex jungphvnx wvnc tueq kvjaz muinz, nuimshiq kamx waz bix maq raz tueq palc daungc Taungjix rueq nvrc tueq kvjaz htenc kvmuinz nuimshiq rueq rvwvlc yek laung nuex ngaz rueq roc vshaungx.

Revelation 1:1

Vruex luik dvp kuex Yesu Christu muex Tishox rueq vkuq tvkhic romzyac lvmz tvtsuingc wuiyq shec tueq. Christu muex vruex tvkhic romzyac kuq tueq lvmz kuex, mtanc httax muq nuex yaungc wvnc juing htenc kuex vpiq nvrc waz hez muex tvtuiuz kuy tvkoc rvtueq. Christu rueq vpiq nvrc waz Yohan kox nuex raungkamx waz tvkaz vtueq, vruex tvkhic romzyac bomc jungx tvtay kuq kaz tueq,

Revelation 2:11

“Siyac rueq phungc htenc nuex yvmx khoc lac jungx wvnc tvnx kuex, nac vhttax waz rueq mtay wvnc shueq! “Vtaungx wvnc jix waz kuex lauknueyc thueyc juing wawc luenx wvnc tuex.

Revelation 2:17

“Siyac rueq phungc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix muex vhttuiyq vruez shec manna wanx wvyvmc kuex ngaz rueq kuq shaungx. Tsuingshiq miq tek vtueq lungluiz kuex ngaz rueq kuq shaungx, kvruex lungpoz nuex wuiyq shec tueq muingc vnyalx kuex lungpoz lvp wvnc jix waz maq lvy vtueq vganc uraq muinz tuiuz muq.

Revelation 2:29

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq!

Revelation 2:7

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix waz muex Tishox sunc nuex httax yaq rullungx pulx jungx vthuey kuex svy lvp vkhangx ngaz rueq kuq shaungx.

Revelation 21:14

Kvruex ghaqyungx palx ruk kuex vphaungc vyaungc lung rokshiz rac vnueyc htauk nuex tvjvp vtueq, kvruex htenc htauk kvyuq Khelbuenx Saz vpiq kamx waz hez rokshiz rac vnueyc muingc kuex wuiyq taq tueq.

Revelation 3:13

“Siyac rueq phungc htenc nuex yvmx khoc lac jungx yaq nguinx kuex nac vhttax waz rueq mtay wvnc shueq!

Revelation 3:16

Yuq muinz mnoz kuex vkuiyq muinz rvmuq, vkalx muinz rvmuq, kalx luimluimx dvyx ningkhvnc nuex mnoz kuex ngvy nuix wawc vhtoz rvgay vphaungx!

Revelation 3:22

“Siyac rueq phungc htenc nuex yvmx khoc lac jungx yaq nguinx kuex nac vhttax waz rueq mtay wvnc shueq!” ngoz tueq.