Acts 1:3 - Hawa Naga Bible 2001

³ Vpiq thueyc tueq yix maq raungx 40 nuex httuiuc laz kamx waz hez muex paunghvlc lauk shvmx kvkhic vtueq, vpiq rullungx tvraungx httax yaq lvmz vkvmx juing hakhix htenc kuex tvkhic kuq tueq. Kamx waz hez rueq muinz vpiq khiz wuez tueq, vpiq rueq tsuinghez muex Tishox Mungtan lvmx kuex jungphvnx kuq tueq.

ASII LAKDAP Bible (BSI)

³ Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.

Muklom

³ Piq tik eq wey jey jio, atharang hun ta nan moq ang rangma, saal rokbali ning ma takhi ta. Ning aa piq tha khita etho piq aa ning ma Shkewa rangmungtan raaq bat kot ta.

Acts 1:3 Referencias Cruzadas

1 HOKHVMX 19:8

Eliya kuex kvtenc vtueq phauk saq ruiux, vsawc kanx ngoz yaq Sinai nuex raungx 40 tup lvmx khuemc tvkoc vruex phuiuz svy rueq piq muex hungc vlaungc hungx laz kuq tueq.

Matthew 21:43

“Kvkhoc rvtueq ngaz rueq nuimshiq muex jungx kuq ix, Tishox Mungtan kuex nuimshiq kox wawc vlvmz wvnc vtueq, vthuey vhvlx waq tvdung lot yaq miq kuq gay shuex.”

Matthew 28:9

Huingc rvhek maq Yesu kuex tsuinghez rulc rvhumc vtueq jungx tueq kuex, “Nomic maq httax wuez kuinz,” ngoz tueq. Tsuingnueyc kuex vpiq kox nuex kvnvp kaz ruiux vyaz kuex got pvmx vtueq vpiq kuex nawk wuez tueq.

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Matthew 4:2

Majuiuc raungrok bvlic tup raungnuiyq raungwvrx phuiuz svy mamc tueq yix maq Yesu kuex rvmc svy rvhumc tueq.

Mark 16:19

Kvkhoc rvtueq Taungjix Yesu rueq tsuingshiq muex kvjaz jungc lot yix, raungmungx nuex shvlc wvnc rvhumc vtueq Tishox yauk keq kox nuex ngaungc yaq.

John 20:26

Jepat shiz yix maq sangac bix kuex yuimx mungx nuex rvtuimx wuez tueq. Thoma muinz tsuinghez rulc roc nuex vhttax rvtueq. Kaluix shuiuz yoalx rvhvt maq Yesu kuex httuiuc waung vtueq tsuinghez hvlwvl nuex jvp ruiux, “Nuimhez nuex nomic mhttax kueq,” ngoz tueq.

John 21:1

Kvruex yimaq Yesu kuex Tiberia jumx kawx maq vpiq sangac hez muex shvmx laukshiz kvkhic tueq. Kvruex lauk kvkhic tueq kuex vkhoc rvtueq.

John 21:14

Vruex kuex Yesu thueyc vtueq yuing kvtenc wvnc yix, sangac bix muex lauk thuimx ngoc yaungc shvmx kvkhic tueq.

Acts 13:31

kvmaq kungkhux nuex vpiq rulc vroc nuex Galile mungx maq Yerusalem nuex phvnc wvnc naungc jix htenc muex raungnuiyq loayc hvlc shvmx kvkhic shec tueq. Tsuingshiq rueq majuiuc Israel miqsaz muex vpiq lvmz hakhix khvmc kuq yaq.

Acts 19:8

Polu rueq yapix lex thuimx tup vjux thoz yuimx nuex miq htenc rulc rvjungc phvnc vtueq, Tishox Mungtan lvmx kuex miq rueq tuiuz wvnc tvkoc hisungx muq maq jungphvnx kuq tueq.

Acts 28:23

Tsuingshiq rueq raungnuiyq khvmc kuq tueq rulc rv-ngvlc kvruex raungnuiyq Polu duic juing yuimx nuex miq paunghvlc httuiuc kaz wuez tueq. Kvmaq piq rueq raungnvp maq raungx tvyac laz Tishox Mungtan nuex seng vtueq bomjungc kuex jungphvnx kuq tueq, Moshe Tvrac luik nuiyc shvmmax luik wawc Yesu lvmx kuex tsuingshiq rueq tuiuz wvnc laz juing laungc maq jungphvnx kuq tueq.

Acts 28:31

Tishox Mungtan lvmx kuex jungphvnx kuq ruiux, Taungjix Yesu Christu nuex seng yaq lvmx kuex tvhttoarc tv-phaungx khvmc thuinz vhttax maq jungphvnx tvluing kuq wvnc tueq.

Acts 8:12

Yuq muinz Philip rueq Tishox Mungtan lvmz nuiyc Yesu Christu lvmz thuix thaungx vhvlx bomjungc kuex jungphvnc kuy ningkhvnc nuex tsuingshiq kvmluimx wvnc vtueq, miqwaz rulx nuiyc yalxjuik rulx rueq yuix luip lvmz wvnc wuez tueq.

Romans 14:17

Yvmx khoc lac ngoz ruiux lec Tishox Mungtan kuex vphuiuz vsvy nuiyc vnuingc htauk nuex seng muq. Vsawc Siyac rueq vkuq kejux rvtueq tsuingrux, nomic nuiyc kokez juing lvmx nuex dvyx seng yaq.

TRI CHONGKE 9:18

Kvruex yimaq Yehowa khaungkac nuex laukshiz hulawx raungrok bvlic tup raungnuiyq raungwvrx phuiuz guez svy guez maq bumx vtueq httax wvnc tauk. Nuimshiq rueq Yehowa muex yaq gay vtueq vpiq thuinz tvkhvy ningkhvnc nuex vkhoc ngaz rueq shuimx wvnc tauk.

TRI CHONGKE 9:9

Yehowa rueq nuimshiq rulc vtaq bomkhvrc vwuiyq taq shec lungdvmx htenc kuex lvmc kay tvkoc ngaz kuex kanx nuex duiz waung tauk. Raungrok bvlic tup raungnuiyq raungwvrx ngaz kuex yvmx muinz phauk saq mauk maq kankhux nuex dvyx httax tauk.

Colossians 1:13

Vpiq rueq naungshiq kuex raungx nyauk mungx wawc palc tvdung wvnc vtueq, vpiq rueq lungwawc yaq Vsaz mungtan kvyuq tv-nyuip shvlx wvnc phuex.

1 Thessalonians 2:12

Nuiyshiq rueq nuimshiq muex hungc vlaungc kuy kvjaz jungx kuq wvnc phix, thuinhvlc juing muinz tvlvp kuq phix, vpiq Mungtan nuex nyuip tvkoc nuiyc ngauz vngax lvp wvnc tvkoc nuimshiq gvlc wvnc jix waz Tishox rueq raungc raq yaq rullungx tvraungx lvmx nuex khuemc wvnc tvkoc jungphvnx kuq wvnc phix.

1 John 1:1

Vphaungc vyaungc maq phuex vhttax dodoc rullungx tvraungx Bomjungc lvmx nuimshiq kox nuex nuiyshiq rueq wuiyq tvgurc vphix.Thuiuzthuic ngoz yaq bomjungc lvmx kuex luik nuex wuiyq tvwvnc vphaungx, kvruex bomjungc kuex vphaungc vyaungc maq phuex vhttax rvtueq, nuiyshiq rueq vtay muinz tay wvnc tiq, muik maq muinz khiz wvnc tiq, nuiyshiq rueq yauk maq muinz shuimx lawc wvnc tiq.