Acts 1:3 - ASII LAKDAP Bible (BSI)

³ Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.

Hawa Naga Bible 2001

³ Vpiq thueyc tueq yix maq raungx 40 nuex httuiuc laz kamx waz hez muex paunghvlc lauk shvmx kvkhic vtueq, vpiq rullungx tvraungx httax yaq lvmz vkvmx juing hakhix htenc kuex tvkhic kuq tueq. Kamx waz hez rueq muinz vpiq khiz wuez tueq, vpiq rueq tsuinghez muex Tishox Mungtan lvmx kuex jungphvnx kuq tueq.

Muklom

³ Piq tik eq wey jey jio, atharang hun ta nan moq ang rangma, saal rokbali ning ma takhi ta. Ning aa piq tha khita etho piq aa ning ma Shkewa rangmungtan raaq bat kot ta.

Acts 1:3 Referencias Cruzadas

1 HOKHVMX 19:8

Krai mren Elija ka akon wa tiidoto. Raüta winsü ka phaqto. Kiimaq kham ka nyangto. Krai mren apaiq raq kra tü adung phaqsiqtaq krai mren apaiq ka asii Sinai pum na saüli raroqblai lam kra khum wan miitu ningkun hongli lapto.

Matthew 21:43

Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.

Matthew 28:9

Shatmaq, tiidong chhaq miili, Jesuq ka tsangnai rai riihumto. Raüta tsangnai ma, “Namnai ma khu asang mirlaq,” nguta bomdamto. Kiimaq tsangnai riimin apaiq phana tiisot saq, raüta ahokpe na sham rang raütiishe apaiq ka shomnoqto.

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 4:2

Jesuq ka raroqblai, ranaiq rawa amang miili siwanto. Kriikha maq apaiq ka ramtsihea riito.

Mark 16:19

Tati Jesuq ka tsangshiq rai riibom lot jai she, apaiq ka Shiikeawe raq ramungtan niishe shea wanto. Raüta, Shiikeawe ma jaqtsi nü niishe ngato.

John 20:26

Kra jai miishe, chepat shi tin siraüta hali, ajaqshisetiim ka jam ashi na, tapmong na riitam ngato. Kiijaq tsangshiq rai Thomas min asi riito. Kilü thun kriika wiita shaqje siisaq. Shatmaq, Jesuq ka tsangshiq phana dongchhaq li saükito. Raüta, tsangshiq phong na chapto. Raüta, “Namshiq ka hansang maq sirong laq,” nguta tsangshiq rai bomdamto.

John 21:1

Arjai maq hali, Jesuq ka ajaqshisetiim rai, Tiberias Thamchum kii maq jangshi hali riihumki nongto. Apaiq raq tsangshiq rai ka akha riihumto.

John 21:14

Riita, ara chongtiikai, Jesuq raq ajaqshisetiim rai riihumkitaq arka, apaiq ka amaa wa dong wan li maq, laktsam ngoja riihumkai bom she riito.

Acts 13:31

Kiimaq apaiq ka rahiq luhea na saüli, Gelili maq riita Jerusalem chela na saüli, apaiq rai jaqsham khrum damti pha na sham tiichhikai nong riihum kito. Tsangshiq raq ümchaü akhing na Israilnok mungmaiqse ma apaiq hakhi kuqtlo.

Acts 19:8

Paul ka jipi lü tsam tingkhit sinagok na walili raüta, nokwe ma Shiikeawe bomtsi ka tsangshiq ma achaq awaq maq chong kuqto. Kiimaq tiitho tiipha phanchan chongkuq raüta, tsangshiq tsantsii ka Shiikeawe puk na nyap wan lamphan na tiinin ja wan hajaq nguta pinthum shiikut chaqto.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 28:31

Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.

Acts 8:12

Shatmaq, ümtiikiiwa Shiikeawe mungtan tsütsa ahea kra nai Jesuq Khristo tsütsa kra Philip raq tsangshiq ma chongkuq wantaq, krai mren, tsangshiq raq kra tsütsa kiima kamwanto. Krai mren, tsangshiq jechak maiqwe kamwantiiti thun wiita ma kham lamkuqto.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

TRI CHONGKE 9:18

Kra ningkhan jangshiri hali, ngi ka Tatiwe man na hiq na ku wantlii lata ranaiq rawa raroqblai bumkikang. Kiimaq tü adung min siq mang kiimaq kham min nyang mang maq achu jaükang. Ngi raq ara achu jaükang, jamkhano ngukla namshiq raq Tatiwe man na ngarai jonghea tang lan. Lanta apaiq tsan tiikhiq lan.

TRI CHONGKE 9:9

Ngi ka Tatiwe raq namshiq rai tongshongtaq bomkham kra longpen dam wiinai na awaiq kuq kra jaüwa pum na wa wan kang. Lata ngi ka kiijaq anaiq roqblai awa roqblai ranaiq rawa dungmin siq mang kham min nyang mang maq siwa kang.

Colossians 1:13

Ümchaü sanha, apaiq raq nashiq ka ranyaq kharü mong wa da wanto she. Raüta, apaiq raq mangchan tlaq, Ase mungtan na kiqkap jaqshap miishe shunshea wanto.

1 Thessalonians 2:12

Naishiq raq namshiq ma tsaido jido, sungkhu tsiilam phanchan kuqkai. Kiimaq boqpum wan kai. Laita, Shiikeawe tiichochi chang rilung kli singa rong liijo nguta, noho ikha chongkuq kai. Shiikeawe raq namshiq ka apaiq wokhong na si raüta, apaiq achhai anyii rilung kra riisha wan dam lanta, shongnga miitu hea wanto.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.