Acts 1:2 - Muklom

² Piq mungtan náng sol wey moq jakho, Asang Tsija tarong wang piq aa talchol Apostle tang ma raaqkhat kot ta.

ASII LAKDAP Bible (BSI)

² apaiq ka ramungtan na, Shiikeawe raq shea wantaq akhing ranaiq na saüli liipan na, apaiq raq ümtinkhan wa jaqsham wantaq kra, nai traho bom chongkuq wantaq jaqsham manphan thun kra, waiq kang. Apaiq ka ramungtan na mishea wan shaq na, Asii Wenyi ningkun maq, apaiq raq akiimwetiim ma nguta tsea wantaq thun kiima tsii ka aheawiq maq chongkuqto.

Hawa Naga Bible 2001

² raungmungx nuex shvlc wvnc rvhumc tueq raungnuiyq nuex httuiuc laz, shuimx kaz tvluing wvnc tueq lotlaz kuex vphaungc wawc luik nuex ngaz rueq wuiyq wvnc tauk shex. Vpiq kuex raungmungx nuex shvlc wvnc max rvhumc nuex vpiq rueq vthvl shec kamx waz hez muex Vsawc Siyac luimc vkawc maq nvr tueq.

Acts 1:2 Referencias Cruzadas

Matthew 12:28

Etharin nga Shkewa Asang Tsija wang thangwa tang sha phan ang jo, Shkewa mungtan tha nim jaktung na uthok sey angta.

Matthew 3:16

Jesu junglam eq tunshat atho, kalo mungtan tha thalak ta etho Shkewa Asang Tsija wotopin mal kapha tha etho piq han nang kata tha piq aa khita.

Mark 6:30

Etho apostle tang wel eq Jesu jamnáng thu eq ning aa chamlang somta tha etho chamta tat ta tha thaji bat kota.

Luke 24:51

Piq aa ning ma sunmaan kot kam tho, piq tha ning jam thiwang tahang eq mungtan thináng tunsom chuwan ta.

Luke 9:51

Jesu mungtan náng wang ma rangham sey thu chey atho, piq Jerusalem náng katma rapney tathin ta.

John 1:16

Piq ráng manchan ushey ang eq hiqtang rangma ráng manchan phey náng eq ráng manchan kapti.

John 13:1

Ulit kut aa kan jakho, mingkang raa shingchak eq Iwa jamnáng uwang angma rangham tha uthok sey angta ta Jesu aa usam eq ta. Mingkang ro umiqtang ma piq aa salwet tinma ta, etho piq aa ning ma uthun nángduk tinma ta.

John 13:18

“Nga nim thaji tung aa raaq batchey phamong, nga taltáng miqtang tha usam eq ang. Etharin Asang likwit na chamta thawit aa sha asing ang ching, ‘I banlo phaktey sha iralwa ma khong ta.’

John 13:3

Jesu aa usam eq ta, “Iwa thaji sha i jak náng kochak taphang, etho nga Shkewa relwang katapha etho Shkewa relnáng wang chey ang.”

John 16:28

Iwa chingko wang nga mingkang náng kata phang; nga mingkang raa shingchak eq Iwa relnáng wang chey ang.”

John 17:13

Thanga nga ba relnáng wang phang; etharin mingkang na tong tok wang hun iri raaq raa bat ang, irimal ang eq i sungrang raa ning tinmong na shey na.

John 20:17

Jesu aa piq ma batta, “Nga ri nak lo phu chammatakoi nga thanga náng thula Iwa jamnáng aluk náng wang wey mong. Etharin ino tang relnáng ka eq nang aa ning ma bat u, nga Iwa etho nim wa, etho i Shkewa etho nim Shkewa relnáng aluk náng wàng chey ang.”

John 20:21

Jesu aa ning ma wey batta, “Nim ma nungmay cham ang aa. Chamal Iwa nga takat taphang, nga tho nim takat phang.”

John 3:34

Chammatakoi bara Shkewa takat tapha, piq aa Shkewa raaq bat aa; chammatakoi Shkewa piq ma Utsija sha thap hunga kot aa.

John 6:62

Miqna Sa sha jakho o barina tong ta, eshináng piq kapha sha nim aa khi inn jo chammal angna?

John 6:70

Jesu aa ning ma thawel batta, “Nga nim asi ani talpha mong angta phang i? Etharin nim wang ashey miq thangwa.”

Acts 1:11

Etho ning ma batta, “Galilee miqtang, nim aa cham ma ira ro hun lang eq rangkang ko náng siin chey inn? Ira Jesu tha, bara nim relwang mungtan náng solta, irimal hun mungtan wang kapha sha nim aa khi nin.”

Acts 1:13

Ning samhaq náng thu atho, ning aluk him khok náng qhang ta. Eshina Peter, John, James, Andrew, Philip, Thomas, Bartholomew, Matthew, Alphaeus sa James, patriot Simon etho James sa Judas angta.

Acts 1:9

Piq aa ira bat jio, ning aa siin chey ta tho ning rel wang tunsol chuwan ta, etho phun eq piq tha ning miikthim o hop chak ta.

Acts 10:38

Nim aa Nazareth Jesu tung aa raaq sam eq inn etho chammal Shkewa piq ma Asang Tsija etho tarong kot ta tha tho usam eq inn. Piq aa thaji haq náng ka eq jaqhal jaksom somlo ta etho thang eq rum aa miqtang haan wang tha tho phanchak ta, chammatakoi Shkewa piq jamna angta.

Galatians 1:1

Iri likwit raa nga Paul iching kowang. Nga apostle ang rangma miqtang ching kowang tho takat pha mong angta phang etho miqtang tungkang o tho takat phamong angta phang, etharin Jesu Khristo nia Shkewa ching kowang takat ta, barey piq tha amáng wang wey thajey ta.

Ephesians 2:20

Etho nim tho apostle tang nia rangsamal tang thóng sho, bara Khristo Jesu hun ukit long ma ang eq hunta.

1 Timothy 3:16

Hiqtang phong apu ashim raaq sha chamtan jong aa raaq sha utang eq tho jin dan moq, Khristo miqna mal chang katapha, etho Tsija eq piq sha asing ma takhita, rangkamwa tang aa piq sha khita, Piq tung aa raaq sha phan aa jat ma phanchan ta, mingkang miqtang aa piq tha hanta, Etho phun amun o piq sha sol chuwan ta.

Hebrews 9:24

Khristo sha miq eq hunta bulang taap sho nop moq angta bara asing katáng jakhang angta. Etharin piq hiqtang kaley Shkewa jakho na takhi rangma mungtan náng hun nopta.

1 Peter 3:22

Piq mungtan náng wang eq Shkewa jakqhaq kot na tong aa. Etho rangkamwa tang, mungtan jaktáng o shingtey tang, etho tarong tang tha piq jak khung o shing aa.

2 Peter 3:2

Asang rangsamal tang aa jakho wang batta, etho hiqtang Tangteywa nia thaluntey apostle tang tungkang o raaqkhat kot ta eshi nim aa tasik inn.

Revelation 1:1

Jesu Khristo takhi raaq sha iri likdap ro thawit aa. Kalo chamlang angna eshi raaq sha usanga tang ma takhi ma Shkewa piq ma iri takhi raa kot ta. Khristo aa urangkamwa tha takat eq piq tungkang o usanga John thima iri raaq raa tasam ma kot ta.

Revelation 2:11

“Tsija aa mondoli tang ma chamta bat aa, utang ma naq atha piq aa utat cham eq aa! “Utang eq ujin kap aa, piq aa jukni tik shima tsamnang kap moq angna.”

Revelation 2:17

“Tsija aa mondoli tang ma chamta bat aa, utang ma naq atha piq aa utat cham eq aa! “Utang eq ujin kapna ning ma nga apung ashim manna wang konáng etho piq ma anal miing thawit aa apung long konáng, eshi long kaptey pheynáng eq utang eq tho eshi miing sha sam moq angna.”

Revelation 2:29

“Tsija aa mondoli tang ma chamta bat aa, utang ma naq atha piq aa utat cham eq aa!”

Revelation 2:7

“Tsija aa mondoli tang ma chamta bat aa, utang ma naq atha piq aa utat cham eq aa! “Utang eq ujin eq aa, nga piq ma Shkewa pal wang rollung bangti phak ma kot náng.”

Revelation 21:14

Samhaq wangthuk shina asi ani thóng angta etho eshina Kelwut sa asi ani apostle tang miing thawit ta.

Revelation 3:13

“Tsija aa mondoli tang ma chamta bat aa, utang ma naq atha, piq aa utat cham eq aa.”

Revelation 3:16

Etharin nang aki ang mu, etho akham tho ang mu ang eq ajut tungkang o, nga nang sha inung eq phu phanáng.

Revelation 3:22

“Tsija aa mondoli tang ma chamta bat aa, utang ma naq atha piq aa utat cham eq aa.”