Revelation 1:1 - ASII LAKDAP Bible (BSI)

¹ Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.

Hawa Naga Bible 2001

¹ Vruex luik dvp kuex Yesu Christu muex Tishox rueq vkuq tvkhic romzyac lvmz tvtsuingc wuiyq shec tueq. Christu muex vruex tvkhic romzyac kuq tueq lvmz kuex, mtanc httax muq nuex yaungc wvnc juing htenc kuex vpiq nvrc waz hez muex tvtuiuz kuy tvkoc rvtueq. Christu rueq vpiq nvrc waz Yohan kox nuex raungkamx waz tvkaz vtueq, vruex tvkhic romzyac bomc jungx tvtay kuq kaz tueq,

Muklom

¹ Jesu Khristo takhi raaq sha iri likdap ro thawit aa. Kalo chamlang angna eshi raaq sha usanga tang ma takhi ma Shkewa piq ma iri takhi raa kot ta. Khristo aa urangkamwa tha takat eq piq tungkang o usanga John thima iri raaq raa tasam ma kot ta.

Revelation 1:1 Referencias Cruzadas

Tvtsvmc 25:14

Tatiwe ka awokhong na siti ma khi alu, kiimaq apaiq raq atongshong tri ka tsangshiq rai atiipha shat raüta sitlo.

DANIEL 8:16

Kiijiishe ngi raq Ulai rai reko maq maiqbom ashi raq akha riimtlo taikang, “Gabriel lei, apaiq ma ariisham mak maq jamlai wa chhitaq kra liichum ka chongkuq laq.”

DANIEL 9:21

Ngi ka akha achu jaü rea na, rase Gebriel, kongkhu lak na riishammak maq chhikang kra rase ka ra wa biwansaq raüta, i phana thiimkito. Kra akhing ka raji honglu kewan akhing bala riito.

DANIEL 9:23

Ümtiikiiwa ümniiraq Shiikeawe ma tiipaiq nea wan laü, apaiq raq ümnaq achu jaü ka treto. Apaiq raq ümnaq lungwiitlo. Kra ningkhan ngi ka ümniipha na kra bomtre liichum kra chongkekai saükikang. Riita ümchaü min riisham bomtsi liichum kra chongpha samhea tiitsang tailaq.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

John 12:49

Ara chongtiikang arka tengteng: Ara jamkhano chongtiikang ngukla, ngi raq ümchuwa bom chongkuq tiikang arka, i tsiitsii maq achong kuq ha riimak. Ngi tiikaiti we, i We raq, arka chongke ra tlo nguta aming kuq tlaq, kriili chongkuq tiikang.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

John 17:8

Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.

John 3:32

Apaiq raq jamlai phan wa sap tlaq, chhi tlaq kra mangjong maiqse ma chongkuqtlo. Shatmaq, apaiq raq jamlai hakhi wa kuq tlaq, kra miika jurmin kam mak.

John 8:26

Ngi raq namshiq miitu bom ka pahea dea chongke chang asi shaq. Kiimaq namshiq tiishut chang lam bom min pahea dea chong chang ka asi shaq li. Shatmaq, ngi tiikaiti we Shiikeawe ka tingting. Krai mren, ngi riimin mangjong maiqse miika apaiq raq jamlai wa ngi ma chong kuq wan tlaq kriili tlü chong kuq tiikang.”

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

Galatians 1:12

Arka ngi raq maiq bomtho alap wan ha min riimak. Kiimaq ngi ma maiq raq ashrinkuq min riimak. Arka ngi ma Jesuq Khristo apaiq raq atiichhi arkuq. Kiimaq tiitsangdada achong arkuq.

Ephesians 3:3

Shiikeawe raq ngarai maiqse ka, Tsütsa Ahea kra lümaq tiichhii wan chang nguta, apaiq raq man niiphü thimi wanto. Shatmaq, arka apaiq raq apaü raütli thüto. Ümchaü, apaiq raq ara ngi ma tiichhi kuqto she. Ngi raq, ara ngi ma tiichhi kuqtaq tsütsa ka, namshiq ma atoqse maq waiq lata tiitai kuq wankang.

Titus 1:1

Ngi, Paul, Shiikeawe jaqshise kiimaq Jesuq Khristo kiimwe raq waiq tiikang. Ngi ka tsea wanto raüta tiiwato Shiikeawe raq atsea wan asenginok kamasham kra khrumke wa miitu. Kiimaq tsangshiq ka nashiqnok kamasham lamphan na shrinkuqtlaq tengtlaq bomtsi kra tiisapke wan lan na shunshea wan miitu.

Revelation 1:19

Riita, ümchaü min waiq thü laq, ümchaü ümniiraq, ümmak maq jamlai phan wa chhi tlaü, kiimaq ara jai maq jamlai phan mra pin wan chang wa sitlaq thun ka wiita waiq thü laq.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 17:1

Kiijiishe, Shiikeawe tsankhiq winpin miishi shamti, rasetiim miishi phong wa ashi ka ngi phana ki raüta heato, “Wara, ngi raq ümniima, ümchaü ajong pinthum mephe nyung ka, ümtinkhan she wa mitiicham chao, kra tiichhi kuq pha. Kra chela ajong pinthum ka jürai pahea tho na atei.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 19:9

Kiijiishe rase raq ngi ma chongto, “Ara waiq laq! Kechu jonghea ara khungron poi lomwa miitu raüpot laptibi ma!” Kiimaq rase raq, “Ara chongtiikai bomtsi arka Shiikeawe bomtsi,” nguta abom ka tiitsuqto.

Revelation 21:2

Kiimaq ngi raq Asii Chela Jerusalem anye ka junriise, awese phana ajun wakai ma tiimiikhiiq raüta kitlaq ikha, tiimii raüta Shiikeawe pha wa ramungtan maq asat kai chhikang.

Revelation 21:9

Rasetiim miishi atiithum thawa miishi rümti phong wa ashi ka i phana kito. Raüta ngi heato, “Wara, ngi raq ümniima Skuse raq lamchang junrii Nyung ka tiichhi kuq pha.”

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”

Revelation 22:6

Kiijiishe rase raq ngi ma chongto, “Arthun bomtsi arka tengteng kiimaq akam sea chang. Kiimaq Tati Shiikeawe raq shammibi ma Asii Wenyi pheaketi we raq arase ka tiikito she. Raüta jaqlo miili she jamlai phan mra pin wan chang wa sitlaq, kra thun ka asengi miishe mitiichhi kuq.”

Revelation 22:8

Ngi, Johan raq arthun ara tai kang. Kiimaq chhi kang. Kiimaq ngi raq arthun ara chhi tai wan lot jai she, ngi ka ngi ma arthun ara tiichhike wanti rase jichong na bumtlii bumki kang. Kiimaq ngi raq apaiq ka shomnoq ho she riikang.

Revelation 22:9

Shatmaq, apaiq raq ngi ma chongto, “Ngi ka naq noqkiq. Ngi ka ümniinai, ümphu ümno shammibi kongti. Kiimaq ümchu riiwa ara lakdap na awaiq thü bomtsi ara lang tlaq, kriiti thun kongti. Shiikeawe kli shomnoq laq!”

Revelation 4:1

Arjai miishe hali, ngi raq ra nü na liikangta, ramungtan na kilü ashi ka atiidi raü chhikang. Kiijiishe, ngi ma kongkhu lak na chongketi, abom lerong tsü heng ikhiiwe kriiraq hali, ramungtan maq, “Ana wara. Ara rawii shiqwii hongtha wan chang bomchong sitlaq ara, ngi raq ümniima tiichhi kuq pha. Arthun arka hongtha wan chang dongdii,” nguta ngi ka heato.

Revelation 5:7

Kiijiishe, Skuse ka wa raüta, hokham ngacho na ngatlaq we jaqtsi nü kiiwa lakdam kom ka jaüto.