Revelation 1:2 - ASII LAKDAP Bible (BSI)

² Kiimaq Johan raq amak maq ümchuwa chhitaq kra wiita chongkuqto. Arka Shiikeawe raq apaiq ma kuqtaq tsütsa kra raüpot kiimaq Jesuq Khristo raq atiichhikuq tengteng bomtsi.

Hawa Naga Bible 2001

² Yohan rueq muinz piq rueq khiz tueq lotlaz kuex jungphvnx tueq. Vruex kuex Yesu Christu rueq tvkhic wvnc tueq Tishox kox wawc bomjungc nuiyc tsuingrux lvmx nuex seng vtueq Yohan rueq tvtay wvnc tueq lvmx rvtueq.

Muklom

² John aa chamlang khita eshi tang sha bat kot ta. Iri tang raa Shkewa raaq tang etho Jesu Khristo miikkhi.

Revelation 1:2 Referencias Cruzadas

John 1:32

Krai mren, Johan raq ara hakhi ara kuqto, “Ngi raq ra wa Asii Wenyi ka haütaü kaü ikha satki raüta, apaiq khu thaq na ngakai chhikang.

John 12:17

Jesuq raq Lajaras ka amaa, maakho mong wa tiidong hea wan raüta, atra tiidong wantaq kra chhi wanti nokmaiqse phong raq, kra awang chang tsütsa chhi wantaq kra, mungmaiqse ma kai tsaki wanto.

John 19:35

Ara chong tiikai mra pintaq thun ara, juro apaiq mak maq chhitaq, kriiwe raq bom ka chong tlo. Ara bom chong tlaq arka, namshiq riimin, ara bomchong arma mikam wan laq nguta chong kuq tlo. Apaiq raq jamlai bom wa chongtlaq kriika tengteng. Krai mren, apaiq riika kamto maq tengteng chhikang asap ha nguta chong tlo.

John 21:24

Apaiq kata, arthun ara chongketi we ajaqshi se, amak shaq. Apaiq riisii hali dea, arthun bomtsi ara lakdap na waiqthüto. Kiimaq apaiq raq jamlai bomtsi wa chongtaq, kriika tengteng bomtsi dea chongto nguta naishiq raq asap hai.

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

Acts 22:15

Riita ija, ümchaü armiiphat she sanha, ümniiraq jamlai phan wa chhi laü, kiimaq jamlai phan wa tai laü, kra thun ka maiqse angu wiitarü ma chongke wan miitu she, ümniika apaiq rukwe kiimwe miishe mija wan haü.

Acts 26:16

‘Shatmaq, ümchaü sanha, ümniika tiidolaq! Laüta chap laq. Ngi raq ümchaü ranaiq, ümniika i kiimwe ma shongkai miitu, ngi ümniiphana i sham tiichhikai kikang. Ümchaü ranaiq ngi ümniirai sham riichhi kang akhing na ümniiraq ngi jonglu ka jamkho chhi laü, kiimaq arjai miimin ngi raq ümniima ngi jonglu kra jamkho mitiichhi kuq kang, kriithun ka ümniiraq nanok miishe michong kuq wan haü.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

1 Corinthians 1:6

Jesuq Khristo manphan ka namshiq tsan nai mongjii na arang pharang rang miishe cham wanto.

1 Corinthians 2:1

I phu I notiim lei, man na ngi namshiq pha na tengman tlaq Shiikeawe tsütsa, nashiq raq ümchaütiq sap tiikai bomtsi kra, namshiq ma phanchan kewa wakang akhing na, ngi raq namshiq man na, tsüwe tsitwe raq bomtlaq ikhiika, bomwan mang riikang.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

1 John 4:14

Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.

3 John 1:12

Nanok wiitarü raq Demetrias dea ahea nguta tsakitlo. Tengman tlaq bomtsi riili apaiq ka maiqshaq dea nguta hakhi kuq tlo. Kiimaq kriithaq na naishiq riimin apaiq ka maiqshaq dea nguta hakhi kuq nong tiikai. Kiimaq ümniiriimin naishiq raq jamlai wa chongtiikai arka tengteng dea nguta asap haü.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:19

Riita, ümchaü min waiq thü laq, ümchaü ümniiraq, ümmak maq jamlai phan wa chhi tlaü, kiimaq ara jai maq jamlai phan mra pin wan chang wa sitlaq thun ka wiita waiq thü laq.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.

Revelation 12:17

Kra prenkaü ka jechak nyung ma kai khiqto. Kra ningkhan, jechak nyung ma ase ano ahinti Phungmaiqse, Shiikeawe wokhong na siti, kiimaq Jesuq raq achongkuq tengteng bomtsi aming kra tsapkapkap maq langtibi rai riikhat kai ngutiishe kihoto.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 22:21

Tati Jesuq kaphap ka loweatek ma misilaq.

Revelation 6:9

Kiijiishe, Skuse raq sil atrap phan biingi ngoja kriishe tiibun raüta linto chhikang. Kiijaq ngi raq berongwacha na, Shiikeawe bomtsi tsapkapkap maq chongke kha na, Shiikeawe sengi atsatbaiq wanti tsaiji wenyi kong ka pahea chhikang.