John 13:1 - ASII LAKDAP Bible (BSI)

¹ Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

Hawa Naga Bible 2001

¹ Majuiuc kuex Tvlvy Wvnc Moalx max phaungc shauk kungkhux raungnuiyq rvtueq. Yesu kuex vruex mungkawx vwawc dung wvnc vtueq, Vwaz kox nuex waungc wvnc vkhing httuiuc wvnc tueq kuex tuiuz tueq. Vpiq rueq mungkawx nuex httax yaq vpiq miq htenc kuex mkaq muinz lungwawx yaq rvtueq, vtvsuip nuex httuiuc laz tsuingshiq kuex lungwawx tueq.

Muklom

¹ Ulit kut aa kan jakho, mingkang raa shingchak eq Iwa jamnáng uwang angma rangham tha uthok sey angta ta Jesu aa usam eq ta. Mingkang ro umiqtang ma piq aa salwet tinma ta, etho piq aa ning ma uthun nángduk tinma ta.

John 13:1 Referencias Cruzadas

TAKSU LAK 8:31

Mangjong rai chochikhiq riikang, kiimaq mangjong maiqse rai, chochikhiq siwan kang.

JEREMIA 31:3

Ngi ka luhea maq tsangshiq rai sham riichhiki kang. Israilnok lei, Ngi raq namshiq ka wranaiqshe lungwii wankang. Kra ningkhan, Ngi raq namshiq ma imangchan ka tiipitmang phan maq tiichhi kuqtiikang.

Matthew 26:45

Kiimaq apaiq ka achu jaülot nong raütiishe hali, ajaqshisetiim phana jangwa nongto. Kiimaq tsangtsam ka akha sonto, “Namtsam ka ümchaü niitaq akonsea nai niitiitsak seali riishatshat nya? Liirong laq! Ümchaü Maiq Se ka ngarai maiqse jaqkhon mong na kebaiq wan ningthoi akhing she saü wato.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Luke 22:53

Ngi ka namshiq rai wranaiqshe Shomjam na riikang ihata. Kiiwa namshiq raq ngi ka lap man riilan. Shatmaq, ümchaü akhing arka namshiq jaqmiiq wan miitu akhing she. Ara jamkhano chongtiikang ngukla, ümchaü akhing na munglangtiwe ka ranyaq hokhamwe ngatlo!”

Luke 9:51

Jesuq ka ramungtan na shea wan ma akhing ka ajeli she riito. Kriikha maq, apaiq raq atsan na khekham maq, Jerusalem chela nü niishe kihoto.

John 11:55

Kra akhing na Tiichhii Wan Poi ho miika ajeli she riito. Kriikha maq, nokmaiqse pahea hiqshong rap wa, Jerusalem na Poi ho ma thung hoto. Kra thung hotaq thun kriika, Tiichhii Wan Poi lomdam ma, tsangshiq khum kra tiisii wan miitu, mrochhi wan phumram kham maq tiibatkai ngutiishe thung holito.

John 12:23

Kiijiishe, Jesuq raq tsangshiq ma bom ka akha chongkuqto, “Maiq Se ma apaiq khushü tiijongke akhing ka ümchaü hong wato she.

John 13:29

Ajaqshisetiim phong wa maiq wiijamti raq tiima ka, Judas ka kampho khiiq witi we kha maq, Jesuq raq Poi na lang chang hup asam rikai nang chong tlo sham ngutli tiimato. Riimak la, miitsan miijan maiqse ma phanshi ra khrum kuq laq nguta thaütlo sham ngutli tiimato.

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 13:34

Riita ümchaü min ngi raq namshiq ma aming anye she kuq tiipha ara: Namshiq ka riimang riichan maq shongnga ronglaq. Ngi raq namshiq ka jamkho lungwii kang, kiikhiisii hali, namshiq liipan niimin, riilung riiwii maq sirong laq.

John 14:28

Ngi raq namshiq ma tsii chongke, ‘Ngi ka awa wan she. Shatmaq, ajang mirki nong ha,’ nguta chong kuq pha ira atai han kata. Namshiq raq ngi ka ngohea shaqshaq lungwii tlan jiika, ngi ka i We phana wawan nguta bomchongke kra tai lanta, namshiq ka khoqriiq khiq li she mirhan wa. Ara jaram wa chongtiikang ngukla, apaiq ka ngi thaq na ajong.

John 14:31

Shatmaq, mangjong maiqse raq ara bomtsi ara sap chang akhek. Ngi raq i We ka kai lungwii tiikang. Kriikha maq, phanrap na, i We raq ngi ma jamlai bomtsi wa chongkuq tlaq, kriili ngi raq sham tiikang. “Lo, tiidong rongphiishe. Nashiq ka arjam maq tiido rong i she. Warong i.

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

John 17:16

Ngi ka mangjong hiq rii riimang. Krai mren, tsangshiq kiimin mangjong hiq rii ka riimak.

John 17:26

Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”

John 17:5

I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

John 18:4

Jesuq raq apaiq ningthoi ranaiq akhing ka saü wato she nguta sapshat. Kriikha miishe apaiq ka tsangshiq khaki na dongchhaq raüta, “Namshiq ka ju rit wa awa han wa?” nguta tsangshiq ma waito.

John 19:28

Jesuq raq apaiq jaqsham ka thumthum kun kang she nguta asap. Krai mren, Asii bomtsi na awaiq thü bomtsi kra shiiku wan miitu, apaiq raq, “Ngi kham nyangtsi,” nguta kham jaüto.

John 2:13

Kra bala ka Tiichhii Wan Poi ho nini she riito. Kriikha maq, Jesuq ka Jerusalem na kihoto.

John 6:4

Kra akhing ka Tiichhii Wan Poiho nini she riito.

John 7:30

Kiijiishe, mungmaiqse phong wa maiq wiijamti raq apaiq ka alap riilai nguta danto. Shatmaq, jurmin apaiq dü na jaqkaiq maq sham lot mak riito. Kriika, apaiq ningthoi akhing misaü shaqli kha maq tsangshiq raq apaiq ka laplot mak riito.

John 7:6

Kiijiishe, Jesuq raq tsangshiq bom ka treto, “Ngi ma aranaiq akhing ka ümchaü ümsaü shaqli. Namshiq miika ümra ranaiq li jiimin, hong ruq phan.

John 8:20

Riita, ija, Jesuq raq ara mungmaiqse ma trahokuq wantaq thun arka Shomjam mong na aluke chang khok mong maq chongkuqto. Apaiq ningthoi akhing ka misaü shaq kha maq, apaiq dü na jurmin jaqkaiq maq sham lot mak riito.

Romans 8:37

Shatmaq, arthun chong kai chamchao litkot wa nai kham arthun arka, nashiq raq, nashiq mangchan wanti we lümaq, kunkun atang wan kun she!

1 Corinthians 1:8

Apaiq raq namshiq ka atiithum ranaiq na saüli, kamasham na pharangrang maq mithü. Krai mren, Tati Jesuq Khristo saükai akhing Ranaiq na, Shiikeawe raq namshiq ka kechu maiqse nguta mipho kuq wan.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

Hebrews 6:11

Ngi raq, i tsan mong na atsi maq shiwea siq tiikang, namshiq tarü loweatek raq maiqmii tsantsii ka, atsi dada maq jamlai miitu wa ran tiikai, kra lap li chang, lamphan kra tiinyi wanli shiikut raüdea ahea miraq nguta, riichopi siq tiikang. Krai mren, namshiq raq jamlai lap wan miitu wa, tsankhun maq kherat tlan kra, lap wan tlii miitu shiikut chaq ruq si ronglaq.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.

1 John 4:19

Nashiq raq Shiikeawe lungwii tiikai. Jamkhano ngukla apaiq raq nashiq ka apha miiphü lungwiito.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,