Luke 9:51 - ASII LAKDAP Bible (BSI)

⁵¹ Jesuq ka ramungtan na shea wan ma akhing ka ajeli she riito. Kriikha maq, apaiq raq atsan na khekham maq, Jerusalem chela nü niishe kihoto.

Hawa Naga Bible 2001

⁵¹ Raungmungx nuex duic wvnc vkhing httuiuc wvnc koq tueq Yesu kuex Yerusalem ghaq nuex kay tvkoc vthuinz maq htvp htaz tueq.

Muklom

⁵¹ Jesu mungtan náng wang ma rangham sey thu chey atho, piq Jerusalem náng katma rapney tathin ta.

Luke 9:51 Referencias Cruzadas

2 HOKHVMX 2:11

Tsangnai ka akhum lam maq bomshbom wawanto. Kiijiili tiihanghiiq miili watum kumrang leng kaü ka walütu kumrang kong raq hittlaq leng ka tsangnai heawea liipan na saükito. Kiimaq Elija ka dopot she ramungtan na haithaiqtro thaiq raq shea wanto.

Mark 16:19

Tati Jesuq ka tsangshiq rai riibom lot jai she, apaiq ka Shiikeawe raq ramungtan niishe shea wanto. Raüta, Shiikeawe ma jaqtsi nü niishe ngato.

Luke 12:50

Ngi raq khamlam wan chang asi shaqli. Kiimaq ara khamlam akhing ara milia wan ha shaq wiiwii, ngi ka kai chapa tsi raq atsai sichang li.

Luke 13:22

Jesuq ka chela rap na nai hiqshong rap thun na, khumshkhum maq wawan raüta, tra hoke khum wanto. Apaiq ka Jerusalem nü na kaiho lam maq, nokwe ma traho bom chongkuqto.

Luke 17:11

Jesuq ka Jerusalem nü na kaiho she riito. Apaiq ka Gelili nai Samaria wang hiq rai binjü lam maq kihoto.

Luke 18:31

Jesuq raq ajaqshisetiim roqshi ri anai ka pong ba na sheaho raüta chongto, “Tai ronglaq! Nashiq ka Jerusalem na kitiikai. Kiijaq Maiq Se miitu shammibi raq jamlai bom wa tiithai chong thütaq thun kra kunkun she miku wan.

Luke 19:11

Nokwe raq apaiq bom chongke kra tai rea na, apaiq raq tsangshiq ma ara shiiton bomtsi ashi ariiri chong kuqto. Apaiq ka Jerusalem na saüho nini she riito. Kiimaq tsangshiq raq tiima ka, Shiikeawe Mungtan ka saüho nam nam she sham nguta tiimato.

Luke 19:28

Jesuq raq ara tsangshiq ma chongkuq lot raütiishe, apaiq ka tsangshiq ma sinkhu niishe, Jerusalem nü na wawan, lamhong ka sat wanto.

Luke 24:51

Apaiq raq tsangshiq ma ramram kerea lam miili she, apaiq ka ramungtan niishe shea wan nongto.

Luke 9:57

Tsangshiq ka wanhiq na kai lam na akai rai she riito. Kiijaq, maiq weshi raq, Jesuq ma, “Ümniika ümriiba niiwa ki tlaü, kiijaq saüli, ngi min mikhum damha,” nguta chongto.

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 16:5

Shatmaq, ümchaü sanha ngi ka, ngi tiikaiti we phana wawan nong akhing she saü wato. Shatmaq, namshiq phong wa weshi ra raq dongdii min, ngi ma ümbana wawan wa nguta bom ka waiman shaqli.

John 17:11

Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq.

John 6:62

Bom shiiton, namshiq raq Maiq Se ka apaiq sichüchang ba kiijaq jang wan nong chhihan jiiha? Jamlai she wa mitiima han?

Acts 1:2

apaiq ka ramungtan na, Shiikeawe raq shea wantaq akhing ranaiq na saüli liipan na, apaiq raq ümtinkhan wa jaqsham wantaq kra, nai traho bom chongkuq wantaq jaqsham manphan thun kra, waiq kang. Apaiq ka ramungtan na mishea wan shaq na, Asii Wenyi ningkun maq, apaiq raq akiimwetiim ma nguta tsea wantaq thun kiima tsii ka aheawiq maq chongkuqto.

Acts 1:9

Apaiq raq ara bom chongke lot ri li she, tsangshiq maklii rashra niili, apaiq ka ramungtan na shea wanto. Kiimaq ra wa phumda ashi raq, apaiq ka pang wan saqli pang wanto.

Ephesians 1:20

Shiikeawe apaiq raq, Jesuq Khristo ka amaa wa tiidong wanto. Raütiishe, Jesuq Khristo ka Shiikeawe raq Ramungtan na, apaiq ma jaqtsi nü na ngachang ngacho thüshat, kiijiishe tiinga wanto.

Philippians 3:14

Krai mren, ngi ka, ngi raq asii rilung poksi ka lap wa miitu, rusan na juwan ruq li ju tiikang. Kra poksi ka, Shiikeawe raq Khristo Jesuq lümaq, ramungtan na siwa chang rilung ngi miitu, tiihong raüta athü. Kra lapwa miituli jutiikang.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

Hebrews 6:20

Jesuq ka nashiq miitu, nashiq ma sinkhu na, kiijaq awa wan kun she. Raüta apaiq ka kra khok na nga raüta, pattup pat-sa miitu, ramwe ajong we miishe jawanto. Apaiq ka ramwe Melkijedek jaqsong miishe nga wato.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.