Luke 9:51 - Hawa Naga Bible 2001

⁵¹ Raungmungx nuex duic wvnc vkhing httuiuc wvnc koq tueq Yesu kuex Yerusalem ghaq nuex kay tvkoc vthuinz maq htvp htaz tueq.

ASII LAKDAP Bible (BSI)

⁵¹ Jesuq ka ramungtan na shea wan ma akhing ka ajeli she riito. Kriikha maq, apaiq raq atsan na khekham maq, Jerusalem chela nü niishe kihoto.

Muklom

⁵¹ Jesu mungtan náng wang ma rangham sey thu chey atho, piq Jerusalem náng katma rapney tathin ta.

Luke 9:51 Referencias Cruzadas

2 HOKHVMX 2:11

Tsuingnueyc kuex vhtaq maq vkvjak kaz tueq; huingc rvhek maq wvr mvre htenc rueq het yaq, wvrluic thuiyc yaq renc kuex tsuingnueyc hvlwvl nuex dung kaz vtueq Elia kuex raungguil tul maq raungmungx nuex shvlx wvnc vshuex.

Mark 16:19

Kvkhoc rvtueq Taungjix Yesu rueq tsuingshiq muex kvjaz jungc lot yix, raungmungx nuex shvlc wvnc rvhumc vtueq Tishox yauk keq kox nuex ngaungc yaq.

Luke 12:50

Ngaz rueq lvmc juing yuix luip phvnx shiz httax yaq, kvruex ngaz rueq max lvmz wawwawx kuex thuinz kuilc daz juing httax yaq.

Luke 13:22

Yesu kuex ghaqyungx htenc nuiyc miqghaq htenc nuex nyuip vtueq, miq htenc muex tvluing kuq ruiux Yerusalem nuex lvy wvnc tueq.

Luke 17:11

Yesu kuex Yerusalem ghaq nuex kaz tueq nuex Samaria mungx nuiyc Galile mungx ruiy lvmx maq kaz wvnc tueq.

Luke 18:31

Yesu rueq sangac rokshiz rac wanueyc kuex gvl vtueq, “Tay wuez shuinz! Naunghez kuex Yerusalem nuex waung vtix; Miq Saz vruex nuex seng vtueq shvmmax bix rueq wuiyq wvnc tueq htenc kuex hungx wvnc tuex.

Luke 19:11

Kvruex lvmz htenc kuex miq htenc rueq tay wuez yaq nuex, Yesu rueq tsuingshiq muex bomc tv-ngvlc vshiz maq jungx tueq. Yesu kuex Yerusalem ghaq nuex httuiuc wvnc nanac shex nuiyc Tishox Mungtan kuex yauk lox httuiuc wvnc tuex ngoz tueq rvwvl tvmaung wuez tueq.

Luke 19:28

Yesu rueq kvkhoc jungphvnc kuy lot yix, tsuinghez max nuex vpiq kuex Yerusalem nuex waung wvnc tueq.

Luke 24:51

Kvkhoc tsuingshiq muex ruimruimx kuq yaq nuex, vpiq kuex tsuinghez kox wawc rv-phvlc wvnc vtueq raungmungx nuex shvlx wvnc vshuex.

Luke 9:57

Tsuingshiq lvmx nuex kaz thuiyc yaq nuex miq washiz rueq, “Mnoz khuemx tuiux baung ruip saz kvyuq ngaz phvnx naungx phaungx,” ngoz tueq Yesu muex jungx tueq.

John 13:1

Majuiuc kuex Tvlvy Wvnc Moalx max phaungc shauk kungkhux raungnuiyq rvtueq. Yesu kuex vruex mungkawx vwawc dung wvnc vtueq, Vwaz kox nuex waungc wvnc vkhing httuiuc wvnc tueq kuex tuiuz tueq. Vpiq rueq mungkawx nuex httax yaq vpiq miq htenc kuex mkaq muinz lungwawx yaq rvtueq, vtvsuip nuex httuiuc laz tsuingshiq kuex lungwawx tueq.

John 16:28

Ngaz kuex Iwaz kox maq mungkawx nuex httuiuc kaz tauk, majuiuc vruex mungkawx vmaq Iwaz kox nuex ngaz waung wvnc yek taungx,” ngoz tueq.

John 16:5

Yuq muinz majuiuc ngaz kuex ngvy tvkay jix waz kox nuex waungc wvnc shex, nuimshiq rueq mnoz mnuex waungc wvnc lac ngoz tueq wiz wuez muit.

John 17:11

Majuiuc ngaz kuex mnoz kox nuex waungc wvnc juing shex rvtueq mungkawx vyuq httax taungx rvmuq shex, yuq muinz tsuingshiq kuex mungkawx vyuq httax hvt dvyx rvtuex. Vsawc Iwaz lex! Naungnueyc kuex vshiz dvyx rvtiq ikhoc, vruex hez muinz m-yaungx wvnc kueq, mnoz rueq ngaz muex vlekuq muingc jungc luimc vkawc maq tsuingshiq kuex tvkhup wungx kuq shuiuz.

John 6:62

Mkhoc shoc maq Miq Saz vruex vpiq httaz juing nuex duiz wvnc tuex kuex khiz ruiux yuq, nuimshiq rueq yvmx khoc lac tvmaung shuinx?

Acts 1:2

raungmungx nuex shvlc wvnc rvhumc tueq raungnuiyq nuex httuiuc laz, shuimx kaz tvluing wvnc tueq lotlaz kuex vphaungc wawc luik nuex ngaz rueq wuiyq wvnc tauk shex. Vpiq kuex raungmungx nuex shvlc wvnc max rvhumc nuex vpiq rueq vthvl shec kamx waz hez muex Vsawc Siyac luimc vkawc maq nvr tueq.

Acts 1:9

Kvkhoc jungc kuy lot yix, kamx waz hez muik lawc nuex dvyx vpiq kuex raungx nuex shvlc wvnc rvhumc tueq, phuemx rueq muinz vpiq kuex yop wvnc vshuex.

Ephesians 1:20

Naungshiq nuex yauk shuimx yaq luimc vkawc rueq Christu kuex vthueyc wawc tvyuing tvtenc wvnc vtueq, raungmungx nuex Tishox vkeq kox nuex tv-ngaungc shuex nuex shuimx lvmz yaq hungc hvlc hungc vlaungc maq rvtueq.

Philippians 3:14

Kvkhoc rvtueq ngaz kuex yauk noalc lvp tvkoc tvluimc htung nuex httuiuc laz yuz vtaungx, kvruex yauk noalc kuex raunghtauk nuex rullungx tvraungx tvkoc Christu Yesu maq Tishox rueq gvlc wvnc lvmz rvtueq.

1 Timothy 3:16

Naungshiq nawk palx tvrac thuiuz sungx hvlc lvmz kuex mtanc lac yungx yaq nguinx kuex uraq muinz khawx lvlx lot muq, kvruex vthuiuz vsungx lvmx kuex vkhoc rvtueq: Miqsaz gvnngvmx maq kvkhic kaz vtueq vlvmx waz rvtueq kuex Siyac maq tvkhic kuq tueq, raungkamx bix rueq muinz vpiq kuex khiz wvnc wuez tueq. Vpiq lvmz kuex miqphvnx ruip rawx muex tvtay jungx kuq tueq shex, mungkawx wawc miqsaz htenc vpiq muex kvmluimx wvnc tueq, raungmungx nuex shvlc wvnc rvhumc tueq.

Hebrews 12:2

Naungshiq kvmluimx lvmx kuex vphaungc maq vtvsuip nuex httuiuc laz tv-phaungx kuy jix Yesu kuex lawc tvtsuingc taq wuez shuinz. Vpiq kuex vpiq rueq lvp wvnc juing rvtueq vpiq bvmc yaq kokez juing lvmx ningkhvnc nuex, yauk juinc bulx nuex thueyc tueq miqyvlc vsac kuex wvlc guez tvyaungc ruiux, yauk juinc bulx lvmx kuex thvl wvnc vtueq majuiuc Tishox hoc daungraungc vkeq kox nuex ngaungc yaq.

Hebrews 6:20

Yesu kuex naungshiq laung nuex kvruex baung kvyuq naungshiq max nuex nyuip waung vtuex shex khuec nuex Melkhizedek marrarc lvmx phvnc pattup shomc wayungx muex yaungx wvnc tueq.

1 Peter 3:22

Vpiq kuex raungx mungtan nuex duiz wvnc ruiux, Tishox yaukkeq kox nuex ngaungc vtueq raungkamx bix lotlaz nuiyc raungwawc vrangx vpangx lvp jix nuiyc luimc vkawc httax yaq lotlaz kuex guimz yaq.