ISAIA 42:1 - ASII LAKDAP Bible (BSI)

¹ Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.

Hawa Naga Bible 2001

¹ Yehowa rueq, “Vruex waz kuex ngaz rueq hungc vkuq, ngvy nvrc waz, ngaz rueq vthvl waz, ngaz rueq raungc raq vshaungx waz rvtueq. Ngaz rueq vpiq kuex ngvy Siyac maq tvmvrc tauk, vpiq rueq miqphvnx ruip rawx kox nuex tvrac vlvmz kuex lvmz kuq laq shuex.

ISAIA 42:1 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 72:4

Kiimaq hokhamwe raq miitsan maiqse ka mren mra maq mipenglaq; kiimaq apaiq raq ümkoq ümphaqti ka mikhrumlaq raüta tsangshiq haihiitibi ka mitiidea baiqlaq.

Tvtsvmc 89:4

‘Ümsaü ümse phan wa weshi ka maiqpattek hokham ma shongwan ruq miraq; Ngi raq ümweraü ka pattup pat-sa chhintsii ruq mirha.’”

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 32:16

Armung na barapse na kechu jaqsham kaiwa kli she misham wan. Kiimaq tingting kappe sham raüta tri ka milang wan.

ISAIA 41:8

“Shatmaq ijaqshise, Israil ümniika, namshiq ka Ngi raq atsea arwanha isenginok, ikongtiwe Abraham saüsetiim.

ISAIA 41:9

Ngi raq ümniika hiqmaikii tiisup wa ashea wanha; ngi raq ümniika hiq tiisup wa heawan kang, lata ümniima akha ngukang, ‘Ümniika ijaqshise.’ Ngi raq ümniika tiishaübaiq mang, shatmaq tsea wan kang.

ISAIA 42:2

Apaiq ka mogisii gisiimak miraq, riimakla bom ajong maq bom mak miraq, riimakla lamkampii na agilülü traho mak miraq.

ISAIA 43:10

“Israilnok lei, namshiq ka isaqse kong; Ngi raq ümniika ijaqshi miitu tsea wan kang, ümniiraq Ngi sap wan miitu kiimaq ngi makam wan miitu. Laüta Ngi arlishe dea Shiikeawe nguta sap wan miitu. Ngi tlea raüta ahin shiikea ka ahü she; man niimin ahü dongdii, kiimaq jai miimin ahü dongdii miraq.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 52:13

Tatiwe raq ngutlo, “Ijaqshise raq apaiq jaqsham na ong wan ruq miraq; apaiq ka maiqse raq pinthum mishreng wan.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

ISAIA 59:21

Kiimaq ümchaü ka Ngi namshiq rai tongshong tiikang: Ngi raq namshiq ma iningkun tu kra kuq tiikang. Kiimaq iman phan ijüche ka namshiq miishe kuq tiikang. Arka pattup pat-sa namshiq miituli she miraq. Krai mren ümchaü ranaiq armiishe namshiq raq ibom taichang. Kiimaq namsetiim ma kiimaq namsaütiim ma shrinkuq ronglaq, tsangshiq raq Ngi raq akuqha aming thun ka pattup pat-sa lang raüta shong wan chang nguta.”

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

ISAIA 63:1

“Edom mung wa Bojra chela maq waraitlaq ka juwa? Ara kheashii miirii sam raü arang ajong kiimaq ningkun ajong ho raüta warai tlaq ka juwa?” “Arka Tatiwe, ningkun jonghea hoti tiichhiiketi, apaiq raq rekhat tang kangshe nguta tsütsa tiitaikai kitlo.”

HAGAI 2:23

Kra ranaiq akhing na, o ijaqshise Jerubabel lei, ngi raq ümniika imang na mung rüm wan miitu tuwe jong miishe mishong wan ha. Ümniika ngi raq ijaqshise ma tsea wan kang she.” Arka TatiNingkun Ajong Pinthumwe raq ngutlo.

JEKERIA 3:8

Arkha na, tailaq, Ramwe Jong Joshua lei. Kiimaq, Joshua jaq tiihapti ramwebi, namshiq riimin, namshiq ka rawiichii miitu miithii ashong. Jamkhano nguraü la, ngi raq jai na ijaqshise ashi saühotlaq, Pekü ngutlaqwe sham ka mitiichhi kuqha!

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Luke 3:22

Kiimaq, Asii Wenyi ka apaiq khuthaq na, haütaü kaü ikha satkito. Kiimaq kra akhing na ramungtan wa maiq bom ashi ka akha saüto, “Ümniika I Se shaq. Ngi ka ümniima pinthum khoqriiq tiikang.”

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

Luke 4:19

Kiimaq Tati raq asengi chhii wan rahiq akhing ka, saüto she nguta chong kai tiikito.”

Luke 9:35

Kiijiishe, phumda mong wa maiq bom ashi raq akha chongto, “Arka I Se. Ngi raq apaiq ka tingsang atsea arwan ha. Namshiq raq apaiq bom ka tai ronglaq!”

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Acts 9:15

Kiijiishe Tatiwe raq treto, “Kilaq. Naqhai kiq. Ngi raq apaiq ka i khiiq wi ma nguta atsea wan wishe. Kiimaq, apaiq ka i mang ara, Pongnok phan ma, kiimaq honyung hokhambi ma, kiimaq Israilnok wiitarü ma tiisap wan miitu, tsea wan kang.

Ephesians 1:4

Shiikeawe raq, nashiq ka, ara ra nai hiq armin miphan sang wan shaq niiphü dongdii, Jesuq Khristo pum na, apaiq riishe dongdii nguta, atsea wan wishe riito. Riita, ara nashiq tsea wantaq arka, nashiq arka, apaiq man na kechu maiqsetiim she, kiimaq ashut aphit jam min ahü she, siirairai maq siwan miitu tsea wanto. Riita, nashiq ma apaiq lungwiitsii jonghea rümtlaq kriikha maq,

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Philippians 2:7

Shatmaq apaiq raq maiqmii tsii maq, apaiq arang, khushü, amang jong, wiita baiq thüto. Raüta jaqshise ashi ma pokito. Raüta maiqse ma jakito. Kiimaq maiqse khum na pokito.

Colossians 1:13

Ümchaü sanha, apaiq raq nashiq ka ranyaq kharü mong wa da wanto she. Raüta, apaiq raq mangchan tlaq, Ase mungtan na kiqkap jaqshap miishe shunshea wanto.

1 Peter 2:4

Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

1 Peter 2:6

Asii bomtsi na, “Ngi raq athii tsinhea longkaü ashi tsea wan kang. Toqpen toqpum ikha Jajon chela na shong wan kang. Jurwa apaiq ma kam tlaq, kriiti ka ümtiikiimin maiq raq tiidealot mak she miraq,” nguta chong tlo.