Ha Israelbũ mekenikarã, Jerusalém anu shanẽ ibunũ ika hau hushanũwẽ! Senhor Deusũ nũ hawenabu nuku ana pe mekekĩ duawaya Jacó enabu, ha Israelburã, dasibibu mae tibi anuabu benimai shinã txãkãshãkanikiki.
Joel 3:1 - Kaxinawá Bíblia (BR) Ana eska Senhor Deusũ matu yuiai nĩkakãwẽ: “Ha haskaibutianã, haska Judá enabũ mai pakea anu inũ Jerusalém anu bika tenei hiwekubaĩmisbu ana haskama hatũ hiwea betsahaira ẽ matu washũshanaii, haska uĩsbuma matu ashũkinã. |
Ha Israelbũ mekenikarã, Jerusalém anu shanẽ ibunũ ika hau hushanũwẽ! Senhor Deusũ nũ hawenabu nuku ana pe mekekĩ duawaya Jacó enabu, ha Israelburã, dasibibu mae tibi anuabu benimai shinã txãkãshãkanikiki.
Ẽ matu yusiaĩ ea nĩka pewai bekãwẽ. Ẽ matu nemaya mã ea nĩka pewaya ẽ shinã ẽ matu atximashanaii.
Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.
Txanima ẽ matu merabewaya mã ana eki nukushanaii. Tsuã matu ana bika tenemama binumatã betsahaira uĩmakĩ ẽ matu hiwemashanaii. Hanira nawa shukuabu tibi anu sa iki hatũ mae tibi anu mã bunibu haria matu itxawakĩ keyutã na mae anu ana ẽ matu txĩtũmashanaii. Ea Senhor Deusũ ẽ hãtxa ẽ mestẽwaiĩ”, inikiaki.
Ha dikabi ha shabatianã, matũ dayarubu hunibu inũ aĩbuaibu anu ẽ Yushĩ Kushipa ẽ hatuki buteriashanaii.
Enabu Israelbu txaihaira anu iyunibu hawenabu ẽ hatu txĩtũwãshanaii, haria ana hatu iwekinã. Beshũ hatũ maewã txakabuwanibu ana hawẽ shãtukũ ana benikĩ pewakĩ keyutã hanu hiwewabaũkĩ uva bai banaima bimiai vinho washũ akubaĩkĩ yunu bai banaimabu hatũ yunu bimi tibi pikubaĩshãkanikiki.
hakia Moisĩ Josué kemakĩ yuikĩ: —Haskakĩ mĩ ea yaushimai, hatu nemakatsis ikinã? Ẽ shinanã, hawenabu dasibi hawẽ hãtxa yuishunika wakĩ Senhor Deusũ hawẽ Yushĩ hau hatu atximakĩ keyunũwẽ— atã
Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.