Números 12:6 - Kaxinawá Bíblia (BR)

⁶ Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

Números 12:6 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Gênesis 20:7

Haskakẽ ha hawẽ aĩ Abraão ana nitxĩshũwẽ. Abraão ẽ hãtxa ea yuishunikawẽ taeshũ Abraão ebe mia hãtxashunaya mĩ hiwea mĩ mekeshanaii. Hakia mĩ nitxĩshunamarã, mĩ mawashanaii, minabus inũ miarã— aka

Gênesis 28:12

usha namakĩ uiãyã tapaiti txaipa mai anua naiki kepia Deusũ nai tsumabu ha tapaitiwẽ inabaĩbaini inũ butubirãbiranaibu anu Senhor Deus ha dapi nishũ uĩmakĩ yuikĩ: —Earã, ẽ Senhor Deuski. Ẽ mĩ hutxi Abraão mekenika Deus inũ ẽ mĩ epa Isaque mekenika Senhor Deuski. Mia yuinũ ẽ hãtxa nĩkawe— iwanã —Na mĩ hanu dakanua mai pakea mia inũ minabu ẽ mia yunukĩ ibu wama minabu na mae anua papakei mai itxapa hawẽ mishpu kuruti tsuã tanatiruma keskai nortekiri inũ, sulkiri inũ, bari huaikiri, inũ bari kaikiri mebinanãtã ibu wai hiwea akeakeshãkanikiki. Mia inũ minabuwẽ taeshũ shukua dasibi mai hirabi anu manibaunabu ẽ hatu pepawapakeshanaii.

Gênesis 28:16

hanua Jacó usha bestẽtã shinaĩ datekĩ yuikĩ: —Txanima na mae anu nenu Senhor Deuski. Ẽ haska unãma ikaki. Nenu na mae anu Deus hiwekẽ ẽ haki mesei dateaii. —Habaa! Nenuri nai anu Deusũ hiwe hanu hawẽ hikiti shuiki— ika

Gênesis 37:5

Hanua ana betsatiã José usha namashĩkĩ hawẽ betsabu yuikĩ: —Usha namairã, ẽ eska shinaiĩ. Matu yuinũ, nĩkakãwẽ. Bai anu nũ dayakĩ shekiwã meshteshũ neashũ nũ mãtxĩkubainaya ẽ shekiwã nea hamebi benikauã nikẽ hanua matũ shekiwã neari benibirã hushũ kẽwaĩ ena dashukua itxa ena namã tinĩbaĩbaina ẽ uĩshinaii— hatu wai nĩkatã ana haki sinatakĩ yuikĩ: —Nuku binui shanẽ ibutã mĩ nuku yunushanai uĩshĩkĩ mĩ nuku yui ikai?— akĩ José nama inũ hawẽ hãtxa betxipaima José danãkubainibukiaki, shaba tibirã.

Gênesis 37:9

Hanua ana betsatiã José ana usha namakĩ uĩtã bestẽkauã hawẽ betsabu ana yuikĩ: —Uiã. Ẽ ana usha namashinaii. Matu ana yuinũ ea nĩkakãwẽ. Bari inũ ushe inũ 11 bishi ea namã shukua ea kẽwaĩ tinĩbaĩbaina ea daserea ẽ uĩshinaii— hatu wabirã

Gênesis 46:2

habianushũri meshu merã nama keskawẽ Deus Israelbe hãtxakatsi kenakĩ: —Jacó— aka —Hawamẽ? ẽ nenukirã, earã— aka

2 Samuel 7:4

Davibe hãtxakaini kakẽ habias meshu merã Natã anu Senhor Deus hushũ yuikĩ:

1 Reis 3:15

nĩkatã teku ikirã bestẽshũ: “Ẽ namaiwẽ Senhor Deusũ ea hãtxa washuki”, ikĩ shinãkubirani Jerusalém anu txĩtũkirani hikitã Senhor Deus hawẽ shenipabube yubakani hãtxa aruni bau bebũ nishũ txashuwã bestitxai tesẽshũ txi tapu anushũ txashuwã hirabi menukĩ hawẽ kuĩ manaũri puebainai Senhor Deusũ shetei benimaya Salomãonẽ haska washũkĩ keyutã txashuwã mirima tesẽshũ dashpeshũ hawẽ sheni besti bikĩ keyushũ sheni inĩtiyabi hau menukĩ keyushunũbũ Salomãonẽ hatu yunua akubaĩkĩ keyushunaibũ ha txashuwã nami itxapa hau bawakĩ keyunũbũ Salomãonẽ hatu ana yunua bawakĩ keyuaibũ Senhor Deus daewakĩ kẽwãkĩ hawẽ mekenikabu dasibibu hatu benimawakĩ pimakĩ Salomãonẽ hatubetã pinikiaki.

1 Reis 3:5

mae Gibeão anu meshu merã Salomão usha daka namaya Senhor Deus hushũ Salomão yuikĩ: “Hawara mĩ ea yukakatsis ikai ea yukawe, ẽ mia inãshanairã”, aka

Jó 4:13

Meshu merã yurabu ushabu hanua ea usharia ẽ namatxakai uĩ

Êxodo 7:1

hanushũ Senhor Deusũ Moisés ana yuikĩ: —Uiã. Hau Faraónẽ mia nĩkakubainũ ea keska wakĩ ẽ mia heneaii, hau ẽ yunuti kushipawẽ mĩ betsa Arão hau mia hãtxashũkũkaĩshanunã.

Ezequiel 1:1

Ha shaba 5 inũ, ushe 4 inũ, ano 30tiã Babilônia anu Nabucodonosorĩ enabũ hatu iwenibube ea Ezequiel ẽ hiwea shaba betsatiã hene hawẽ kena Quebar kesha anu ẽ nikẽ nai bepemanakainai anua nama keskakĩ Deus ẽ uiniki.

Daniel 2:19

habias meshu merã uĩmakĩ shanẽ ibũ nama inũ haska ishanai yuiti Deusũ Daniel unãmakĩ keyukẽ haskawẽ taeshũ nai anua Deus kẽwãkĩ

Joel 3:1

Ana eska Senhor Deusũ matu yuiai nĩkakãwẽ: “Ha haskaibutianã, haska Judá enabũ mai pakea anu inũ Jerusalém anu bika tenei hiwekubaĩmisbu ana haskama hatũ hiwea betsahaira ẽ matu washũshanaii, haska uĩsbuma matu ashũkinã.

Números 24:4

Nishi pae atã uiã keska shabakabi ẽ uĩshuki. Deus kushipahaira dasibi binuatũ ea hãtxa inã nama keskawẽ ẽ ma uiãki.

Mateus 1:20

xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ.

Mateus 2:19

Hanua Herodes ma mawaxĩkẽ Egito anua José usha namaya Deusũ nai tsuma ana hushũ yuikĩ: “Joséẽ, hanũ bestẽwẽ. Habũ ha bake detenũ ika ikimaburã, ma mawaxinabuki. Hanu Israelbũ mai pakea anu ha bake hawẽ ewabe ana hawẽri iyuriwe”, aka

Mateus 23:31

Hawa unãmabia yuikĩ: “Ẽ shenipabũ Deusũ hãtxa yuishunikabu tenãnibuki”, mã imiski, hawa dakeamarã. Haskakẽ mã pubẽnẽ bababuki, hatu keskarã.

Mateus 23:34

Haskawẽ taeshũ matu merabewanũ ishũ ea ikũwaĩ Deusũ hãtxa yuishunika inũ unãnepabu inũ yusĩnãmis pepabu hau yusĩ benũbũ ẽ yunushanaii. Ẽ haska wabiakẽ matũ hatu danãkĩ betsabu tenãkĩ bestibu cruzki hatu mastamakĩ betsabu matũ itxati hiwe merãshũ kuxa kuxa akĩ mae tibi anushũ mã hatu itxakawakĩ bika tenemashanaii.

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Mateus 27:19

hanu Pilatos governador tsauti anu tsauriakẽ hawẽ aĩnẽ hãtxa bumakĩ yuikĩ: —Jesuswẽ taea ẽ nama txakaxinaii. Haskawẽ taeshũ ha huni pepa hawa hatubetãs hakiri txakabu yuikĩ hawa yunuyamawe— aka hushũ hawẽ tsumapã yuishũbiaya

Lucas 1:11

hanushũ inĩti kuati txi tapu fogão yusiuria Deusũ nai tsuma damia nia

Lucas 1:22

atimas tashnitã haska washũ hatu hãtxa watimakẽ habũ unãbaũkĩ hakiri yuikĩ: —Haskakenã, Templo dĩtu meranushũ namai keskakĩ Deus anua uĩshumẽkaĩ?— ikaibũ hawẽ mekẽ bestiwẽ hatu unãmatã habiaska hãtxama hatube dayakũkaĩkĩ

Lucas 20:6

Hamẽ yura mirimabũ Deusũ João yunuyamakiri habũ ikũwaĩbuwẽ taea habuki datekĩ yuikĩ: “Hunibũ yunuyamaki”, nũ ikaya mixkiwẽ nuku tsaka tsaka akĩ nuku tenãtirubuki— itã

Hechos 10:11

nai bepẽmanakainai uĩayã tari ewapa keshema ha dabe inũ dabe deshũ tibi dispiwẽ neshabauna mai anu Pedro bebũ buteaya

Hechos 10:17

Pedrõ dama haska uĩshuwẽ taea: “Haskara ea yui ishumẽ?” ika xinaĩ hawẽ dabanã nuihairaya hanua Cornélio anua bea Simãonẽ hiwe yuka ikubirani hawẽ hiwe anu kematã

Efésios 4:11

Ha haska hamebi huyamashũ betsabu hawẽ kuxipayabu hatu wakĩ betsabu hawẽ hãtxa yuishunikabu hatu wakĩ betsabu hakiri kakape txanikubaunikabu hatu wakĩ betsabu yusĩnanaĩ mekenikabu hatu watã hatu yunuakeakebainiki.

Deuteronômio 18:15

Matũ mekenika Senhor Deusũ hawẽ hãtxa yuishunika betsa ea keska katutã matunabu anua matu tashnimashũshanikiki. Deusũ matu haska washunaya hawẽ hãtxa nĩkakubaĩshãkãwẽ.

Deuteronômio 18:18

Hatu anua ẽ hãtxa ea yuishunika mia keskari katushũ ẽ tashnimashanaii. Kushipa wakĩ haska ẽ yunua hatũ ea habu yuishũkubaĩshanikiki.

Hebreus 1:1

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

Apocalipse 11:10

Deusũ hãtxa yuikĩ habũ hatu ha akaibu ma mawabuwẽ taea mirimabu mai anu hiweabu benimai xinã txãkaĩ hatũ haibuaibube hatũ hamapai hamẽ inãnãnaĩbũ

Apocalipse 11:3

Hanushũ ea Deusũ ẽ tsuma dabe ẽ kuxipa inãkĩ ẽ hatu yunua yurabuwẽ nuihairakĩ besha tari sawetã 1.260 shaba ẽ kakape yusĩ hãtxakubaĩshãkanikiki”, ea washu

1 Samuel 28:6

hatu haska wapa? iwanã, Saulũ Senhor Deus yuka hakia Senhor Deusũ kemakĩ hawa yuiamahaira inũ, usha namaiwẽ yuiama inũ, Urim unãtiwẽ unãmamari inũ, hawẽ hãtxa yuishunikabuwẽ yuimamari

1 Samuel 3:15

Samuel dakayukẽ penama bestẽshũ Senhor Deuski nukuti tari hiwe hikiti shui bepeã haska Senhor Deusũ yuiwana Samuelĩ shinaĩ Eli yuikatsi ikama hawẽ dateaya

1 Samuel 3:21

Siló anu Samuel hiwekẽ habianuas Senhor Deusũ hawẽ hãtxa shabakabi Samuel ana yusĩkubainaya