Números 12 - Kaxinawá Bíblia (BR)

Moiséski Miriã inũ Arão ha inibukiaki, na hãtxarã

¹ Moisĩ Etiópia nawa aĩbu aĩwãshĩkẽ hawẽ taeshũ ha aĩbu danãkĩ Moisĩ pui Miriã inũ hawẽ betsa Arãonẽ Moiséskiri hãtxa txakabukĩ

² yuikĩ: “Senhor Deusrã, Moisés bestibe hãtxama nuku dikabibe hãtxariatiruki”, iki ibubis keaĩbũ Senhor Deusũ hatu nĩkakĩ

^3-4 Moisés txanima mai hirabi anua tsua keskama ibubis keĩsmakẽ haskawẽ taeshũ Moisés inũ Arão inũ Miriã Senhor Deusũ hatu yuikĩ: —Nenua tashnikaini hanu eki nukuti tari hiwe anu bukãwẽ— akĩ hatu yuia hanu buabũ

⁵ nai kuĩ butuawẽ Senhor Deus ma butua hanu haki nukuti tari hiwe hawẽ beputi bebũ nishũ Arão inũ Miriã hatu kena ha dabe beabu

⁶ Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

⁷ Hakia ẽ tsuma Moisés pepa dasibibu binua txĩtuĩsmabe hãtxairã, ẽ haskaismaki.

⁸ Habe hãtxairã, beisinãbukuĩ ẽ habe hãtxamiski, hãtxa shabakabiwenã. Haskai ea uĩ ebe beisinãbiamiskẽ haki dateama mã haki hãtxa txakabui ikai?” hatu wai

⁹ Senhor Deus hatuki sinata txakayamatã kai

¹⁰ hanu haki nukuti tari hiwe anua nai kuĩ benibaĩkĩ Miriã kupibaina hawẽ yura hirabi lepra txami txakabui mesehaira ma hushupai keyukẽ Arão nasukekaũ uiã Miriã ma txami hushupai keyukẽ

^11-12 datehairakĩ Moisés yuikĩ: “Ẽ Shanẽ Ibuũ, ẽ nuitapai mia ea apa? Unaĩsmapai patapai nũ txakabushuwẽ taeshũ nuku kupiyamawe. Bakeishta kaĩriama ma debua txapui taei kaiã keska nukũ pui Miriã haska kupitã heneyamawe”, aka

¹³ hawẽ hãtxa nĩkatã Moisĩ Senhor Deus hatu yukashũkĩ: “Ẽ mekenika Deusuũ, ana haska wama mĩ kupishu henetã ea shushawashũwẽ”, aka

¹⁴ Senhor Deusũ Moisés kemakĩ yuikĩ: “Tsuãra hawẽ epa txakabuwa haki kemu bekushu aka dakekĩ 7 shaba tashnikaĩ tsua uĩsmaki. Haska keskari wakĩ nenua mĩ pui nitxĩwẽ, hau mae benãta hiweyutanunã. 7 shaba keyuaya hawẽ dake maĩ hawẽ bitxi shushaya matuki ana dasitiruki”, aka

¹⁵ haska Moisĩ nĩkatã Miriã hawẽ mae anua benãta nitxiãbu ka 7 shaba mae benãta anu tari meribi Miriã hiweyuaya hawenabu hani buyuama habianu hiweyuabũ

¹⁶ ma Miriã shusha ana txĩtũkirãkẽ Hazerote anua Israelĩ enabu dasibi ana tashnibaini bukubaini hanu tsua hiweabuma anu hawẽ kena Parã anu hikishũ hatũ tari hiwe pũtebaunabũ