Números 12:8 - Kaxinawá Bíblia (BR)

⁸ Habe hãtxairã, beisinãbukuĩ ẽ habe hãtxamiski, hãtxa shabakabiwenã. Haskai ea uĩ ebe beisinãbiamiskẽ haki dateama mã haki hãtxa txakabui ikai?” hatu wai

Números 12:8 Referencias Cruzadas

Gênesis 32:30

Jacó shinãkĩ: —Ha hunirã, Deusraka. Deusbe ẽ beisinãbiashu ẽ mawama ishuki. Haskawẽ taeshũ na nenua ẽ habe atxinameshinai: “Penielki”, akĩ ẽ kena bena waii, nukũ hãtxawẽ yuiarã, “Deusbe ẽ beisinashuki”— ikarã.

Êxodo 19:19

txashuwã mashũ txã itxakayamai heneama txaipaya Moisés hãtxaya tĩ ikaĩkainai keska huiwẽ Senhor Deusũ kemaya

Êxodo 20:4

“Ha inũ, betsarã, hawara hawẽ kẽwãti dami wakĩ yushĩ itsa wayamakubaĩshãkãwẽ, nai anu hiweabu inũ, mai anu hiweabu inũ, hawara hene merã hiweaburã.

Êxodo 33:11

tsuara hawẽ haibube hãtxamis keskai benitximea Senhor Deus Moisésbe hãtxapaunikiaki. Haskatani Moisés hawẽ hiwe anu txĩtũkiranaya hanua hawẽ merabewanika Numnẽ bake berunanã Josué ha hiwe anua kaĩkĩ henebiranama ipaunikiaki.

Êxodo 33:19

—Tsuabura ẽ duawakatsi ikai ẽ hatu duawamiski. Tsuaburawẽ ẽ nuikatsi ikai, hatuwẽ ẽ nuimiski. Eã besti ẽ hatu katumiski. Haskakĩ ẽ kena Senhor Deusrã, mia unãmakĩ mĩ besuuri ẽ pepa dasibi ẽ mia daĩmabaĩshanaii.

Êxodo 33:23

ẽ besu ma binukaĩkẽ ẽ mia henea ẽ petxi mĩ ea uiaiĩ. Hakia ẽ besu mĩ ea uĩtirumahairaki— iwanã,

Êxodo 34:30

Moisés hawenabuki kemaya Arão hawenabu Israelbubetã Moisĩ besu txasha txasha ikai uĩ haki datei haki kemabumakẽ

Provérbios 1:6

unanepabũ yusĩti hãtxa inũ, habũ haska miyuiwẽ yusĩmisbu inũ, habũ hunea hãtxa nĩkakĩ pewakatsis ikinã.

Isaías 40:18

Matubũ Deus mã unãti wakĩ shinanã, haratu keskamẽ? Haratu dami besu keskamẽ?

Isaías 46:5

Ẽ hiwenirã, ẽ tsua keska mã ea shinãtirumẽ? Haratu ea keska ẽ kushipaya kaĩtiru mã shinaĩ? Hawa ea keska betsa tsua hayamahairaki.

Números 14:14

Haska mĩ ea dama yuishu mĩ hatu akaya Egito nawabũ nĩkatã Canaã mai pakea hirabi anu hiwebaunabũri nĩkariashãkanikiki. Habianuri eska mikiri ma mia nĩkaimabuki. Senhor Deus na yurabu hatube kakĩ hatu beismakĩ mĩ hatu kupiama ikimaki. Nai kuĩ merã mĩ hatu bebũ kai inũ hanua meshu merã nai kuĩ dami txi here merã mĩ hatu bebũri hukĩ iwekubiranaii.

Lucas 10:16

habũ txibaĩbu betsabu yuikĩ: —Tsuabura ẽ hãtxa mã hatu yusĩayã matu nĩkakĩ eari nĩkashãkanikiki. Hamẽ tsuabũra matũ hãtxa danãkĩ enari danãriashãkanikiki. Ha inũ, ea danãkĩ hatũ ea yununiri danãriashãkanikiki— hatu watã hatu nitxiã bunibukiaki.

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 15:15

Hamẽ betsarã, hawẽ dayakiri hawẽ dayarubu shanẽ ibũ hatu shabakabi tapĩmaismaki. Hakia dasibi ẽ Epã ea yuia ẽ matu unãmaiwẽ taeshũ yunubiakĩ ẽ dayaru wakĩ matu kenama ẽ haibuwakĩ ẽ matu kenaii.

João 15:24

Ha inũ, hatu anushũ ẽ hawa hatu haska washũama txakabu xinãma ikeãkanaii. Hakia tsuã haska hatu anushũ haska washuĩsmabiakẽ Deusũ kuxipa hatũ berubi ẽ ma hatu uĩmabia uĩbiakĩ ea inũ ẽ Epa danãkanikiki.

1 Coríntios 13:12

Haska inũ, ha mane txasha beisiti keskawẽ uĩkĩ nukũ yura pe beshmas nũ uĩmiski. Habiaskari Deusũ xinã pesheixta nũ unãmiskẽ Jesus ana huaya haska Deusũ ẽ huĩti unãmiswẽ eari Deusbe beisinãrabekĩ ẽ unã beshmas wamis ẽ unã keyushanaii.

2 Coríntios 3:18

Haskakẽ dasibi nũ Jesus Cristo ikũwaĩburã, ha yusĩniwẽ nukũ besu inũ nukũ xinã nuku ana bepuamaki. Nukũ Shanẽ Ibũ nukũ xinã nuku betsa wakubainaya hawẽ kuxipawẽ ha itsa nuku wakubainikiki. Unãshubira nukũ hiwea betsa wakĩ nuku pewakubainikiki. Nuku haska wakĩ nukũ Shanẽ Ibũ hawẽ Yushĩ Pepawẽ nuku hatu uĩmakubainikiki.

Deuteronômio 18:15

Matũ mekenika Senhor Deusũ hawẽ hãtxa yuishunika betsa ea keska katutã matunabu anua matu tashnimashũshanikiki. Deusũ matu haska washunaya hawẽ hãtxa nĩkakubaĩshãkãwẽ.

Deuteronômio 34:10

Moisés keska Deusũ hãtxa yuishunika betsa Israelĩ enabu anua tsua haska keska hayama inibukiaki, haska habe beisinaĩ hãtxapauni keskarã.

Deuteronômio 4:15

Moisĩ ana hatu yuikĩ: “Mati Horebe anua txi here namakis Senhor Deus nishũ matũ ibubuya matu hãtxa wai hawẽ hui besti mã nĩkaniki, hawa dami yushĩ keska uiãmarã. Haskawẽ taeshũ haki meseti wakĩ matunã, hawa dami betsa wataskayamashãkãwẽ. Uĩrahairakubaĩshãkãwẽ. Dami wakĩ huni itsa inũ, aĩbu itsa wakĩ inũ, yuinaka itsa inũ, peiyabu itsa inũ, nutawẽ mapumisbu itsa inũ, baka itsa wakĩ haska taska dami wai txakabuyamashãkãwẽ.

Colosenses 1:15

Deus tsuã uĩtirumabiakẽ Cristo ha itsa shabakabi uĩkubainibuki. Hawa dasibi dami wariama hawẽ bake kayabi bestitxai hayaniki.

1 Tesalonicenses 4:8

Hanushũ tsuabũra na yusĩa danãkĩ hunĩ yusĩa danãma hakia Deusũ hawẽ Yushĩ Pepa matu inãmis danãkanikiki.

1 Timóteo 6:16

Ha ibubis mawatiruma inũ, ha besti hiwemis shaba txashakapa hiweaki tsua hari haki kematirumarã, tsuã uĩtiruma inũ tsuã uĩnakama hiweaki. Haskakẽ hawẽ kuxipa pae nukaisma duawakĩ hau kẽwãpakenũbũwẽ, niti ikamarã. Haskakirã.

Hebreus 1:1

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

2 Pedro 2:10

Nukũ Shanẽ Ibuã hatu kupikinã, habu dasibibu hatũ kemu pae heneisbuma inũ hawẽ kuxipa danãkubainaibu hatu ashanikiki. Habu yusĩnanaĩ parananãmisburã, huĩti kuxitã tsua nĩkaisma inũ kẽkĩ xinã betsa wakatsi ikabuma hawaki dateama hatũ hãtxawẽ yushĩ txakabu hatũ shanẽ ibuya hatu itxakĩ ha amisbuki.

Judas 1:8

Hatu haska wani xinãbiai ha parananãmisbũ shabakabi xinaĩ hiweama yuikĩ: “Deusũ ea hari yusĩkiki”, iki hatũ xinã meribiswẽ hãtxai yurawẽ besti kemui txutanamekĩ Deus shanẽ ibuai itxakĩ danãkĩ Deusũ nai tsuma kuxipaburi ha amisbuki.