Números 12:2 - Kaxinawá Bíblia (BR)

² yuikĩ: “Senhor Deusrã, Moisés bestibe hãtxama nuku dikabibe hãtxariatiruki”, iki ibubis keaĩbũ Senhor Deusũ hatu nĩkakĩ

Números 12:2 Referencias Cruzadas

Gênesis 29:33

hanua ana ha katxu bake bia huni bake kaĩshũ yuikĩ: “Ẽ benẽ ea danãbiaya Senhor Deusũ nĩkakĩ huni bake betsa ana ea bimaimaki. Haskawẽ taea ẽ bakẽ kenarã, Simeãoki”, akima

2 Samuel 11:27

txipu Bate-Seba kasha neseshĩkẽ hau itanũbũ Davĩ hatu yunua ishũtanabu hawẽ hiwe hawẽrua anu Davĩ maewashĩshũ aĩwãshina bebũkiri tuyaima huni bake kaĩbiakẽ haska Davĩ Urias itxakawaimawẽ taea Senhor Deus hawẽ benimama inikiaki.

2 Reis 19:4

Assíria shanẽ ibuhairatũ hawẽ tsuma Rabsaqué yunushina nukũ mekenika Deus hiweaki hãtxa txakabui shetxakai hawẽ detenamenika shanẽ ibu hãtxai mĩ mekenika Senhor Deusũ nĩkashumẽkaĩ”, ishũ, “Ẽ shinaiĩ. Hawẽ hãtxa nĩkashĩshũ Senhor Deus mĩ mekenikatũ hau ibubis hatu kupishanũwẽ. Nuku eskarabes nũ hiweyuabu Assíria nawabũ nuku atxiriama hau nuku merabewashanũ Senhor Deus dayuikĩ nuku yukashũwẽ, akĩ ea yuishũtãkãwẽ”, atã hatu yunua

Êxodo 4:14

hanua Moiséski sinatakĩ Senhor Deusũ ana yuikĩ: —Levĩ baba Arão mĩ hutxirã, hãtxa pehairamis ẽ unaiĩ. Miki nukunũ ika ma huikiki. Miki nukui mia uĩ benima txakayamashanikiki.

Êxodo 4:30

haska Senhor Deusũ Moisés yuima hawẽ hãtxa dasibi Arãonẽ hatu yuishũkĩ inũ hawẽ hatu e imati dami ashãwẽ, iwanã, yunuima ibubis Moisĩ ha dami hatu ashũkĩ hatu uĩmaya

Êxodo 5:1

Shaba betsatiã Egito shanẽ ibu Faraó anu Moisés inũ Arão kai hikishũ Arãonẽ Moisĩ hãtxa yuishũkĩ: —Israelĩ enabu mekenika Senhor Deusũ hãtxa mia yuinũ ea nĩkawe: ‘Hari tsua hiweabuma anushũ hau enabũ ẽ pepa shinaĩ besi nawatanũbũ hatu nemakĩ bashiyamashãwẽ’, akĩ, mia yuikiki— aka

Êxodo 7:10

Moisés inũ Arão Faraó anu bushũ haska Senhor Deusũ yunushina keska wakĩ Faraó inũ hawẽ merabewanika shanẽ ibubu bebũshũ hawẽ mestẽti Arãonẽ puta dami dunua dakakẽ

Provérbios 13:10

Hunibu ibubis kẽkĩ hatu txakabuwamakubaĩmiski, hatu detenamemakinã. Hakia huni unaneparã, keãma yusiã pepa nĩkamisbuki.

Miquéias 6:4

Egito nawabũ hatu itxakawaibu hatu dayama txakayamai nemakĩ Egito mai pakea anua hau habũ hatu iyukubainũbũ Moisés inũ hawẽ betsa Arão inũ hawẽ pui Miriã eã ẽ hatu yunua matũ shenipabu hatu iyumakĩ eã ẽ hatu tashnimabiraniki.

Números 11:1

Shaba betsatiã bika tenekubaini hune Senhor Deuski ha ikaibũ Senhor Deusũ hatu nĩkai hatuki sinatahairakĩ hatũ tari hiwe pũtebaunabu dapi txi here dekutã putabaunaya

Números 11:29

hakia Moisĩ Josué kemakĩ yuikĩ: —Haskakĩ mĩ ea yaushimai, hatu nemakatsis ikinã? Ẽ shinanã, hawenabu dasibi hawẽ hãtxa yuishunika wakĩ Senhor Deusũ hawẽ Yushĩ hau hatu atximakĩ keyunũwẽ— atã

Números 12:3

Moisés txanima mai hirabi anua tsua keskama ibubis keĩsmakẽ haskawẽ taeshũ Moisés inũ Arão inũ Miriã Senhor Deusũ hatu yuikĩ: —Nenua tashnikaini hanu eki nukuti tari hiwe anu bukãwẽ— akĩ hatu yuia hanu buabũ

Romanos 12:10

Ha inũ, matũ betsa kayabi keska wakĩ ikũwaĩbu betsabu hawara pepa mã amis xinãma hakia ikũwaĩbu betsabube merabenamekĩ habube nuinamei duanamekubaĩkãwẽ.

Romanos 12:3

Haskakẽ Deus ewẽ nuikĩ ea duawakĩ hawẽ hãtxa yuishunika kuxipa ea waniwẽ taeshũ matu yusĩnũ ea nĩkakãwẽ. Haska matu tibibu Deusũ duawakĩ matu ikũwãmakeakea xinãkĩ unãtã matũmebi xinã txakakĩ yuikĩ: “Ẽ huni pepakẽ Deusũ ea katuniki”, iwanã, xinaĩ ibubis kẽhairayamakubaĩkãwẽ, betsabube hãtxairã.

Filipenses 2:14

Mã ma haskarã, ana tsuabura nãtakeabuki nĩkabumabiakẽ matũ hãtxa hamẽ ha ikĩ txakawama inũ ana ha irabeama pe hiwekubaĩkãwẽ.

Filipenses 2:3

Na haska hiwekaĩkinã, yurabu binunũ iki keãma hakia babutã bestibu: “Ea dukũ ẽ bebui pepakainaii”, ikĩ xinãma: “Betsabũri ea maemai ẽ hawamaki”, ikubaĩkãwẽ.

1 Pedro 5:5

Habiaskariakĩ habuã mã hatu txibaĩbuũ, mekenikabũ matu yusĩkĩ yunumis nĩkatã hatũ hãtxa txibãkubaĩkãwẽ. Dasibi mã habũ ikũwaĩburã, babutã keãma nĩkakanãkubaĩkãwẽ, eskawẽ taearã. Deusũ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.