Joel 3 - Kaxinawá Bíblia (BR)

¹ Ana eska Senhor Deusũ matu yuiai nĩkakãwẽ: “Ha haskaibutianã, haska Judá enabũ mai pakea anu inũ Jerusalém anu bika tenei hiwekubaĩmisbu ana haskama hatũ hiwea betsahaira ẽ matu washũshanaii, haska uĩsbuma matu ashũkinã.

^2-3 Ẽ mai pakea anua enabu hatu atxitã pashka akeakekĩ peiwẽ hatu inãkĩ haikaimas yura betsa betsapabu anu hatu yunuakeakenibuki, mai hirabi anurã. Hatu eska wakinã, hawẽ hamapai unãti shau meshte númeroya putakĩ unãtã enabu pashkashũ huni bakebu inũ aĩbu bakebu dayaru escravo hatu amakĩ peiwẽ taeshũ hatu inãbaũtã, txipu hatuwẽ taeshũ pei bishiãwẽ hawẽ uva vinho bikĩ inũ aĩbu hininipabu txutakubainibuwẽ taeshũ ha nawa tibibu ẽ hatu itxakawashanaii. Hatu haska watã Josafá Pashku Napaku anu hatu iyushũ Israelbu enaburã, habũ ea hatu itxakãwanibuwẽ taeshũ unãti watã hatu manakushũkĩ ẽ hatu kupiriashũshanaii.

Yura shukuabu tibi Senhor Deusũ hatu unãti watã kupishanikiaki, na hãtxarã

⁴ Maewã Tiro inũ maewã Sidom inũ dasibi betsabu mã Fenícia mai pakea anu hiweabuũ, ekiri hawa shinãkĩ mã ea hawa wakatsis ikai? Eki sinatakĩ manakukĩ mã ea itxakawakatsis ikai? Hawa ẽ matu diria mã ea pakamakatsis ikai? Mã haska bikatsis ikairã, ha matu inãma haska mã hiwe txakawẽ samama hawaira ẽ matu kupikĩ memashanaii.

⁵ Matũ shenipabunã, ẽ kẽwãti Templo anua ẽ prata mabu inũ ẽ ouro mabu yumetsubaĩkĩ bushũ matũ yushibubu kẽwãti hiwe anu habũ arunibuki.

⁶ Judá enabũ mai pakea inũ Jerusalém anu hiweabu atxitã dayaru escravo hatu wamakĩ txaihaira hatu nitxĩkĩ peiwẽ taeshũ Grego nawabu matũ shenipabũ hatu inãnibuki.

⁷ Hakia eanã, haria hatu peiwẽ inãbianibũ Israelĩ enabu ana itxawanũ, iwanã, ẽ hatu iweshanaii, habũ mae anu hau ana hiwekubainũbunã. Matũ shenipabu Feníciabũ Israelbu hatu bika tenemanibu keska habiaskari bika tenemakĩ ẽ matu kupishanaii.

⁸ Hanushũ matu manakuriakinã, matũ huni bakebu inũ matũ aĩbu bakebu Judeubu ẽ hatu inãshanaii. Hanushũ habũri Sabeu nawabu txai nenumahaira hiweabu hau peiwẽ hatu inãshanũbũ ẽ yunushanaii. Ea ẽ Senhor Deusũ ẽ haska matu yuiaii”, itã

⁹ ana hatu yuikĩ: “Nawa shukuabu tibi na ẽ hãtxa hatuki txanibaũkãwẽ. Detenamenikabu hau dasibi hatu pewakĩ keyunũbũwẽ. Hatũ mẽtsisipabu hatu kena bea detenamebaĩkatsi hau itxai benũbũwẽ.

¹⁰ Ha babubunã, shinã betsa watã hau eska yuinũbũwẽ: ‘Earã, ẽ kushipahairaki’, ikirã, hanushũ hatũ mai yapubaĩti betsa wakĩ hau nupe kenu txaipa mirima wanũbũwẽ. Ha inũ, hatũ nupe shewetiya trigo meshteti betsa wakĩ hau hashi mirima warianũbũwẽ.

¹¹ Hamẽ mã nawabu betsa hatu dapi hiwebaunabuũ, menã hawairabirã hatuki dasi itxai berikãwẽ. Hunĩ detename shinaĩsmabia betsabirã hau detenameri benũbũwẽ.

¹² Hanushũ nawa shukuabu tibi Israelĩ enabu dapi hiwebaunabu Senhor Deusũ hatu unãti washanaiwẽ taeshũ yura shukuabu dasibi detenamenũ ika pewakĩ keyutã Josafá Pashku Napaku anu hau itxai benũbũwẽ.

¹³ Ha yurabu txakabuhairabu hatu detekinã, ma shekiwã tsekatitiã kani hushiã daka meshtekĩ tsekamisbu keska hatu washãkãwẽ. Vinho wãti ma uva bimi hushĩ keyua tsekatã haki pai pai imisbu keska wakĩ hatu maemakĩ keyushãkãwẽ.

¹⁴ Senhor Deusũ hatu kupishanaitiã ma kemaiwẽ taea hanushũ Unãti Wakĩ Katuti Pashku Napaku anu yurawã itxapahaira hanu itxai keyushãkanikiki.

^15-16 Jerusalém anu Mati Sião anushũ tĩ ikaĩkainai keska hawẽ hui Senhor Deusũ hatu nĩkamaya nai inũ mai txuruĩ taka taka ikũkainaya bari inũ ushe ibubis meshua dakakẽ bishi mawaira ana txashamakẽ hakia Senhor Deusũ enabu Israelburã, hatũ Senhor Deus anu irui piskushãkanikiki”, itã

Judá enabũ mai pakea pepa unanuma inũbarikiaki, na hãtxarã

¹⁷ Senhor Deusũ ana matu yuikĩ: “Ha mã ea anu haskaitianã, txanima ẽ matũ Mekenika Senhor Deus Sião ẽ mati meribi anu ẽ hiwea mã unãshanaii. Ha inũ, Jerusalém maewã meribi unanuma hawama ishanikiki. Itxakanikai mebinanaĩ detenamei nukunabuma nawa betsabu ana betaskatirubuma ishãkanikiki.

¹⁸ Ha shaba haskaitianã, ui ikaya mati anua hene hababirãmis keskai uva vinho inũ ina awa txutxu itxapa hamẽ ikai mã hayashanaii. Judá enabũ mai pakea anua pashku tibi ũpash mirimahaira hayariashanikiki. Ha inũ, ẽ kẽwãti Templo anua txatxa ũpash tuetã pashku Sitim napaku anu habapakeshanikiki, mai dasibi pepa metxa wakinã.

¹⁹ Habiatiãri Judá enabũ mai pakea anu hiweabu atxikĩ pepabu hawa txakabuama itxapa hatu detekĩ hatũ himi txakawakĩ habamakubainibuwẽ taeshũ Egito nawabũ mai pakea anu dasibi di akĩ keyunibu ana maema mashi besti pes dakashanikiki. Ha inũ, Edom nawabũ mai pakea betsa wariakĩ hau hanu tsua ana hiweyamanũbũ hatu kupikĩ ẽ hawa hayama wariashanaii.

^20-21 Earã, ẽ hatube manakunãshanaii. Hatũ txakabuwẽ taeshũ hatuwẽ nuiama ẽ hatu buashũkatsi ikamaki. Hakia Judá enabũ mai pakea inũ maewã Jerusalém anu ikaburã, haburã, hiwepakeshãkanikiki. Hamẽ ea Senhor Deus hiweirã, ẽ Mati Sião anu ẽ hiwepakeriashanaii”, iniki.