Joel 3:14 - Kaxinawá Bíblia (BR)

¹⁴ Senhor Deusũ hatu kupishanaitiã ma kemaiwẽ taea hanushũ Unãti Wakĩ Katuti Pashku Napaku anu yurawã itxapahaira hanu itxai keyushãkanikiki.

Joel 3:14 Referencias Cruzadas

Salmos 37:13

Huni txakabu hawẽ kupiti ma hanu ikai unãkĩ Senhor Deusũ usãmiski.

Joel 1:15

Ma pemahaira huaya nũ peirakãwã! Senhor Deusũ hanu kupishanai ma kemaikiki. Shaba mesehairatiã nuku dasibibu unãti wakĩ kushipa dasibi binu keyuatũ hawẽ kupitiwẽ yamawabaũshanikiki.

Joel 2:1

Tsuãra Mati Sião anushũ trombeta mawakĩ txã txã akĩ Senhor Deusũ mati meribi anushũ mese huaikiri hawẽ unãmati hatu banabimakãwẽ. Senhor Deusũ hatu kupiaitiã nai kuĩ meshupa inũ nai kuĩ uta shabatiã meshua yamea dakashanai ma kemaiwẽ taea Judá mai pakea anu hiwebaunabu dasibi datei saki saki ishãkanikiki. Detenamenikabu kushipahaira mirima mati matipa anu bebirã bebirani ma penai shabakiranai keska dasibi nati ikabu uĩshãkanikiki. Haskaibu uatiã tsuã uiãma inibu inũ ana haska kaiaĩ unuri ana uiãma ishãkanikiki, ana ha keska betsa tashniama ishanairã.

Joel 2:11

hatu bebũ kakĩ hawẽ hui tĩ ikaĩkainai keska hawẽ tsumabu Senhor Deusũ hatu nĩkamakubirani hawẽ yunuti hãtxa nĩkakĩ ashũkĩ menemisbu mirimahaira tsuã tana keyutiruma ishãkanikiki. Hanua Senhor Deusũ hanu kupishanai shaba mesehairatiã hawẽ kushipa uĩkĩ tsuã hawa nemakĩ beshtetiruma ishanikiki.

Joel 3:12

Hanushũ nawa shukuabu tibi Israelĩ enabu dapi hiwebaunabu Senhor Deusũ hatu unãti washanaiwẽ taeshũ yura shukuabu dasibi detenamenũ ika pewakĩ keyutã Josafá Pashku Napaku anu hau itxai benũbũwẽ.

Joel 3:2

Ẽ mai pakea anua enabu hatu atxitã pashka akeakekĩ peiwẽ hatu inãkĩ haikaimas yura betsa betsapabu anu hatu yunuakeakenibuki, mai hirabi anurã. Hatu eska wakinã, hawẽ hamapai unãti shau meshte númeroya putakĩ unãtã enabu pashkashũ huni bakebu inũ aĩbu bakebu dayaru escravo hatu amakĩ peiwẽ taeshũ hatu inãbaũtã, txipu hatuwẽ taeshũ pei bishiãwẽ hawẽ uva vinho bikĩ inũ aĩbu hininipabu txutakubainibuwẽ taeshũ ha nawa tibibu ẽ hatu itxakawashanaii. Hatu haska watã Josafá Pashku Napaku anu hatu iyushũ Israelbu enaburã, habũ ea hatu itxakãwanibuwẽ taeshũ unãti watã hatu manakushũkĩ ẽ hatu kupiriashũshanaii.

Filipenses 3:2

Ha huni yusĩnã meketikiri parananaĩ itxakanikai daya pepa wanikapaikĩ matu yusĩkĩ judeubu keska matu hiwemanũ ika ikanikiki, dateyamakaĩ matũ hina kubitxi meshtemanũ ikarã. Matu haska wanũ ikaibu uĩrakãwẽ.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.