Jeremias 29:14 - Kaxinawá Bíblia (BR)

¹⁴ Txanima ẽ matu merabewaya mã ana eki nukushanaii. Tsuã matu ana bika tenemama binumatã betsahaira uĩmakĩ ẽ matu hiwemashanaii. Hanira nawa shukuabu tibi anu sa iki hatũ mae tibi anu mã bunibu haria matu itxawakĩ keyutã na mae anu ana ẽ matu txĩtũmashanaii. Ea Senhor Deusũ ẽ hãtxa ẽ mestẽwaiĩ”, inikiaki.

Jeremias 29:14 Referencias Cruzadas

Salmos 32:6

Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Isaías 43:5

Dateyamakãwẽ, ẽ matube niakirã. Matunabu ana itxawakĩ nenuma bari huaikiria inũ bari kaikiria hatu iwekĩ ẽ txĩtũwãshanaii.

Isaías 43:6

Nortekiri hiweabu eã hatu yuikĩ: ‘Enabu ea ana hatu nitxĩshũrikãwẽ’, akĩ sulkiri hiweabu hatu yuikĩ: ‘Enabu ana hari yaushiama ẽ huni bakebu inũ ẽ aĩbu bakebu nenuma mai kesukauna anua ea hatu iweshũrikãwẽ.

Isaías 45:19

Ea hãtxairã, hune ẽ isma inũ hanira mai anu hunea meshu anua ẽ ismariki. Jacó enabu eã hatu yuikĩ: ‘Hanira tsua niama anu ea benakãwẽ’, ẽ hatu aismaki. Ea ẽ Senhor Deus txanima ẽ hãtxamisrã, kaneama ikũ kayabi ẽ yuiaii”, iwanã,

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Jeremias 31:16

hanushũ Senhor Deusũ ana yuikĩ: “Raquelĩ enabu aĩbuaibuũ, ana hamẽ kashayamakãwẽ, matũ beũ hene hamẽ txakawairã. Matuki sinataibũ hatũ mai pakea anua matũ bakebu ana txĩtũshanaiwẽ taeshũ hatuwẽ nuihairai inũ mã hatuwẽ isĩ tenehairabiakũkainairã, txipu matũ manakuti mã hayakũkaĩshanaii. Haska ea ẽ Senhor Deusũ ẽ hãtxawẽ ẽ matu mestẽwaiĩ.

Jeremias 31:17

Haskashanai manakubaĩshãkãwẽ, matũ bakebu hatũ mae anu ana txĩtũbirãshãkanikikirã. Ea ẽ Senhor Deusũ ẽ hãtxawẽ ẽ matu mestẽwaiĩ”, itã,

Amós 9:14

Enabu Israelbu txaihaira anu iyunibu hawenabu ẽ hatu txĩtũwãshanaii, haria ana hatu iwekinã. Beshũ hatũ maewã txakabuwanibu ana hawẽ shãtukũ ana benikĩ pewakĩ keyutã hanu hiwewabaũkĩ uva bai banaima bimiai vinho washũ akubaĩkĩ yunu bai banaimabu hatũ yunu bimi tibi pikubaĩshãkanikiki.

Miquéias 4:12

hakia haska Deusũ shinaĩ yubakakũkainai ha yura shukuabũ unãbumaki. Shekiwã tsekashũ hanus bushukuashũ tsumabaina keska wakĩ habũ hawenabu itxakawaibu Deusũ hatu itxawashanai habũ unãma Deuskiri hãtxa txakabukanikiki.

Romanos 10:20

Hanua bari itxapa kakẽ hãtxa kuxipawẽ yura betsabukiri Deusũ Isaías yuimakĩ: “Tsuabũra ea benabuma haska ẽ hatuwẽ nuimis hatu shabakabi ẽ uĩmaya habũ ea ikũwãshãkanikiki. Habũ ea benamabia eki nukushãkanikiki. Ekiri hawa yuka ikabumabiakẽ ẽ kuxipa ẽ hatu uĩmashanaii”, iwanã,

Deuteronômio 4:7

Hakia nawabũ hatũ kẽwãti yushibu itxapa hayabũ kẽwãkĩ yukabiabu hawa hatu nĩkatã kematirumaki. Hakia nukuburã, nukũ mekenika Senhor Deus nũ haya hawẽtsaĩs nũ yukai tibi nuku nĩkatã kemakubainikiki.