Jeremias 31:10 - Kaxinawá Bíblia (BR)

^10-11 “Nawa betsa betsa shukuabu tibibuũ, Senhor Deusũ hãtxa nĩkakãwẽ. Ha inũ, ianẽwã kesha txaihairabiakẽ hanu hiweabu hatu banabimakubaĩshãkãwẽ. Nawa kushipahairabu anua Jacó enabu tashnimakĩ Senhor Deusũ hatu iwekubirãshanaiwẽ taeshũ Israelĩ enabu txaihaira hatu nitxĩkĩ sa abianishũ hatu ana itxawashũ Senhor Deusũ hatu mekekubaĩshanikiki, txashuwã mekenikatũ hawẽ txashuwã mekemis keska wakinã.

Jeremias 31:10 Referencias Cruzadas

Gênesis 10:5

Jafé hawẽ bakebu ianẽwã kesha betsa anu bushũ dasibibũ ibu wai shuku tibi hatũ hãtxa betsa wakĩ hatu pashka akeakenibukiaki.

Salmos 23:1

Ẽ Shanẽ Ibu Senhor Deusrã, ẽ mekenãki. Hatũ ea nĩkasama hamapai ea inãkubaĩmiski.

Isaías 40:1

Eska matũ Deusũ matu yuikiki: “Enabu merabewai hatuwẽ nuikĩ ea hatu daewashũkãwẽ.

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 41:1

“Mai pakea Mediterráneo Ianẽwã kesha anu hiweabuũ, hãtxama pestã ea nĩkakãwẽ. Ana dateama huĩti kushipakãwẽ. Haska mã sinatanamemisburã, neri itxai bekãwẽ, haska ẽ matu amamiskiri nũ hãtxanũbunã.

Isaías 42:10

Kãtati bena betsawẽ Senhor Deus kãtashũkãwẽ. Nenumahaira mai kesua anushũ kẽwãbaũkãwẽ. Tsuabura mã ianẽwã shashuwãwẽ mapuabu inũ, mã ianẽwã merã yuinaka hiweabu inũ, mai pakea tibi ianẽwã kesua anu mã yurabu hiweabunã, Deus kẽwãkãwẽ.

Isaías 42:4

Hanushũ hawẽ yunuti kushipawẽ txakabu binuriama hawa huĩrukuãma inũ hawa punu nukai unãyamasama ishanikiki. Nawa shukua betsa betsapabu Ianẽwã Mediterráneo kesha anu hiweshũ ẽ tsumapã hãtxa nĩka pewashãkanikiki”, aka

Isaías 54:7

“Ẽ matu heneyubaĩshanaii, hatishuĩra kamarã. Hakia ẽ nui pae ewapawẽ ana txĩtũkirã matuki nukui ẽ matube ketashameyushanaii.

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Jeremias 23:4

Hau ana datei hiweyamakubainũbũ hatũ mekenika tibi watã ẽ hatu mekemashanaii, hau hawa nuitapayamanũbunã. Ea ẽ Senhor Deusũ ẽ hãtxa ẽ mestẽwaiĩ”, itã

Miquéias 2:12

Senhor Deusũ ana hatu yuikĩ: “Itxakanikabu hatu kupi keyutã Jacó enabu dasibi ana hatu itxawakĩ ha Israelĩ enabu txai hatu iyunibu hatira itxapama teshenibu ẽ hatu itxawashanaii. Txashuwã kenekauana anu mapuabu inũ basi mirima anu mapuabu keska ẽ hatu itxawaya yurabu mirima benimai hãtxa txakayamashãkanikiki.

Miquéias 4:6

Txanima hawẽ hãtxa mestẽwãkĩ Senhor Deusũ yuikĩ: “Shaba betsatiã enabu txashuwã keska pashkabainibu ẽ ana hatu itxawashanaii. Tiri keskabu inũ, hĩ ikai keskabu inũ, haikaimas sa aka keska wakĩ ẽ hatu kupibiani ena wakĩ ẽ hatu ana itxawashanaii. Betsabu hatu iyukĩ inũ betsabu habu iyuama bashibainibu itxawashũ yura shukuabu kushipahaira ẽ hatu washanaii. Haska watã Mati Sião anushũ mekekĩ yunui ea kayabis Senhor Deus ẽ hatu shanẽ ibupakeshũshanaii.

Miquéias 5:4

Ha huni kaini ewatã shanẽ ibu kaĩkĩ hawenabu mekekatsi hawẽ mekenika Senhor Deusũ kushipawẽ hawenabu mekekubaĩshanikiki, nuku unanuma hiwemakinã. Mai hirabi kesua anushũ Senhor Deus kẽwãkubainaibuwẽ taeshũ

Lucas 12:32

Jesusũ hawẽ tsumabu yusĩkubaĩkĩ yuikĩ: —Ẽ matu mekeawẽ taea mã ẽ txashuwã keskabuki. Ha inũ, mã ikũwaĩbu itxapamabiakẽ matũ Epa Deusũ hawenabu matu watã habe matu hiwemakubaĩshanikiki. Haskawẽ taea hawawẽ dateyamakãwẽ.

João 10:27

Ẽ txashuwanẽ ea unãkĩ ẽ hui nĩkakĩ ea txibãbainaibu eãri ẽ hatu unaiĩ.

João 11:52

Na haska yunuirã, habu bestikiri ikama hakia Deusũ bakebu pashka hiweakeakeabu habũ ikũwaĩbu dasibi itxawashanũ ika merabewai Jesus nuku mawashũshanai