Jeremias 29:13 - Kaxinawá Bíblia (BR)

¹³ Tsuãra ea benai mã eki nukushanaii, matũ huĩti hirabiwẽ ea benai eki nuirã.

Jeremias 29:13 Referencias Cruzadas

1 Reis 2:4

Senhor Deusũ bebũkiri ea yubaniwẽ taea mã ẽ bakebũ matũ shinã hirabiwẽ inũ matũ yushĩ hirabiwẽ mã enabu pakubaĩkĩ hawa txakabuwama txanima ibubis mekei pe hiwekũkaini mã enabu Israelĩ enabu shanẽ ibuhairai ikubaĩshãkanaii, hawa heneama ipakeirã, mã Senhor Deusũ hãtxa txibãkubainaiburã.

2 Reis 23:3

shanẽ ibuhaira benikaũ Senhor Deus kẽwãti hiwe utati mane txibu dapi nishũ dasibibũ nĩkaibũ Senhor Deus yubakĩ yuikĩ: “Eanã, hawẽ yubakani hãtxa Moisĩ unaki keneni dasibi hawara Senhor Deusũ betxipaiai ẽ akubainaii, hawa kanekĩ betsa wama heneama hawẽ yunuti inũ hawẽ nemati inũ haska pe hiwekĩ yusĩti hãtxa nĩkakĩ txibãkinã. Txanimahaira eã ẽ akubaĩshanaii”, ikaya yura dasibibũ nĩkatã: “Mĩ haska hãtxakĩ yuiayarã, nukubunã, nũ mibetã habiaskari txibãkubaĩshanaii”, iki hãtxanibukiaki.

Salmos 32:6

Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Isaías 45:19

Ea hãtxairã, hune ẽ isma inũ hanira mai anu hunea meshu anua ẽ ismariki. Jacó enabu eã hatu yuikĩ: ‘Hanira tsua niama anu ea benakãwẽ’, ẽ hatu aismaki. Ea ẽ Senhor Deus txanima ẽ hãtxamisrã, kaneama ikũ kayabi ẽ yuiaii”, iwanã,

Joel 2:12

Hanushũ Senhor Deusũ hawẽ hãtxa txanima mestẽwãkĩ eska matu yuikĩ: “Samakei bis bis iki kashakĩ matũ huĩti hirabiwẽ shinã betsa watã ea anu txĩtũrikãwẽ”, matu waikiki.

Mateus 7:7

ana hatu yuikĩ: —Haska inũ, betsarã, tsuãra Deus yukakĩ ea akarã, hawẽ hawara inãmiski. Tsuãra hawara benakĩ Deus yukarã, haki nukumamiski. Tsuãra hawara bi hikinũ ishũ Deus kenarã, bepẽshũmiski. Haskakẽ xinãtxakama Deus ea akarã, betsaki. Hawara mĩ yuka mia ashũtiruki. Benakĩ hawara mĩ yuka mia betximashanikiki. Hawara bi habe hãtxanũ ishũ mĩ kena mia bepẽshũshanikiki.

Hechos 8:36

ma hatishũra ka iãki kemakĩ haska Filipẽ dama yusĩshu Etíopianawã yuikĩ: —Uĩa. Ma mĩ ea yuikubiranai ẽ ikũwaĩwẽ taeshũ ana ẽ hawamamẽ, na hene anu mĩ ea naximatirurã?— atã