Isaías 44:3 - Kaxinawá Bíblia (BR)

³ Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Isaías 44:3 Referencias Cruzadas

Jó 5:25

Mĩ bababurã, pai itxapahairashãkanikiki, bai anu basi mirimahaira benei pamis keskairã.

Salmos 63:1

Ẽ Deusuũ, mĩ ẽ Deuski! Mia ũpash manuai keska wakĩ miki nukunũ ika ẽ mia bena txakayamaii. Ha mai metu ũpash hayama anua nia keskashũ ũpash manutxakayamai keskakĩ ẽ hiwea hirabiwẽ mia betxipaikĩ ẽ mia benakubainaii.

Provérbios 1:23

Ẽ matu yusiaĩ ea nĩka pewai bekãwẽ. Ẽ matu nemaya mã ea nĩka pewaya ẽ shinã ẽ matu atximashanaii.

Isaías 32:15

Senhor Deus dasibi damiwanikatũ hawẽ kushipa ana nuku anu yunua huaya hanu hawa mibã hayamabiakẽ betsa maewakĩ mai anu dayati pepa wakĩ hanu mibã pepa benemis anu ana bimihairati hayashanikiki.

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Isaías 41:17

Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 55:1

“Tsuabũra mã ũpash manuaiburã, ea anu beshũ akãwẽ. Tsuabura mã pei hayamabia bekãwẽ, hawa pakama shekiwã trigo inũ, uva vinho inũ, awa txutxu bi beirã.

Isaías 61:9

Matũ bababu pakubaini pe hiweabũ nawa shukua tibibũ hatukiri pe shinãkĩ kẽwãkĩ yuikubaĩshãkanikiki. Senhor Deusũ hawenabu pewẽ hatu duawakubainai dasibibũ hatu uĩkĩ unãshãkanikiki”, ikaya

Isaías 65:23

Ana hamẽmẽs besti dayama ishãkanikiki. Hatũ bakebu mesteburiama inũ yushaburiama ana mawama ishãkanikiki. Hatũ ibubu inũ, hatũ bakebu inũ, hatũ bababu inũ, dasibi hatunabu pakubainaibu habiaskasri hiwepakeshãkanikiki, eã ẽ hatu duawakubainaiwẽ taearã.

Ezequiel 36:27

Matu merã ẽ yushĩ mistushũ ẽ yunuti hãtxa inũ, ẽ nemati hãtxa inũ, ẽ yusĩti hãtxa mã hawẽ hiwekĩ mã ea uinũbũ ẽ matu txibãmakubaĩshanaii.

Joel 2:27

Ea ẽ matũ Mekenika Senhor Deus ẽ matuberã, mã Israelbũ hanu mã ana ea unã taewabaĩshanaii. Ea besti ẽ matũ Deus kayabi betsa hayama mã unãshanaii. Haskawẽ taea mã enaburã, ana taska matũ dake pae mã teneama ikũkaĩshanaii”, itã,

Joel 2:28

Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Joel 3:1

Ana eska Senhor Deusũ matu yuiai nĩkakãwẽ: “Ha haskaibutianã, haska Judá enabũ mai pakea anu inũ Jerusalém anu bika tenei hiwekubaĩmisbu ana haskama hatũ hiwea betsahaira ẽ matu washũshanaii, haska uĩsbuma matu ashũkinã.

Joel 3:18

Ha shaba haskaitianã, ui ikaya mati anua hene hababirãmis keskai uva vinho inũ ina awa txutxu itxapa hamẽ ikai mã hayashanaii. Judá enabũ mai pakea anua pashku tibi ũpash mirimahaira hayariashanikiki. Ha inũ, ẽ kẽwãti Templo anua txatxa ũpash tuetã pashku Sitim napaku anu habapakeshanikiki, mai dasibi pepa metxa wakinã.

Miquéias 5:7

Yura shukuabu betsa betsapa mirima anu Jacó enabu hatube hiwebaunaburã, eskashãkanikiki. Ha haskaiburã, basnũ Senhor Deusũ yunumis inũ, basi anu ui ikai tsuã haskai hawẽ shinanẽ nematiruma keskai Jacó enabu keyukubaini eskarabes tesheshãkanikiki.

Mateus 12:43

hatukiri Jesusũ miyui betsawẽ ana hatu yuikĩ: —Huni betsa anua yushĩ txakabu kaĩma kai huĩrukũkatsi iki hanu ũpash hayama anu kakũkaũkĩ hani huĩrukũti pepa betxiama xinãkĩ:

Hechos 10:45

nawã hãtxa betsa betsapa tsuã hatu yusĩriamawẽ hãtxai taekĩ Deus kẽwaĩbu ha ikũwaĩbu Jope anua Pedrobe bekãshu hatu nĩkai: “Habaa! Habu judeubumabiakẽ Deusũ hatu haska hãtxamakĩ hawẽ Yushĩ Pepa haburi ma hatu inãshuki”, ikaibũ

Hechos 2:17

Deus txanii: ‘Ma bari hawẽ henei kaya ẽ Yushĩ Pepa yurabu anu ẽ hatu yunua hatuki dasikẽ matũ huni bakebu inũ matũ aĩbu bakebũ ekiri yusĩaĩbũ berunãbu usha keskashũ dami betsa betsapa uĩaĩbũ anibubu usha ekiri namariashãkanikiki.

Hechos 2:33

Hanushũ ana bestẽwãtã Deus hau habe shanẽ ibunũ, iwanã, hawẽ yusiuri tsaũtã haska yubakani hawẽ Yushĩ Pepa hawẽ Epã Jesus inã hatũ nuku inãkeakekĩ nuku kuxipa waikiki, na habia nĩkakĩ mã uĩanã.

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

Apocalipse 21:6

ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.