Isaías 44:2 - Kaxinawá Bíblia (BR)

² Ea ẽ matũ damiwakĩ bawanika Senhor Deusũnã, mã kaĩriama matu pe ewawakĩ ẽ matu merabewakubainiki. Jacó enabu Jesurum nĩkaisma mishtĩbuũ, ẽ matu katuni, mã ẽ tsumaburã, dateyamakãwẽ.

Isaías 44:2 Referencias Cruzadas

Salmos 46:5

Ha mae merã Deus hiweshũ hatu tsuma keyuaki. Shaba betsa tashniai tibi Deusũ merabewakubainikiki.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 41:8

“Jacó enabu Israelbuũ, ea nĩkakãwẽ. Ha betxipaikĩ ẽ katuni ẽ tsuma ẽ haibu Abraão mã hawẽ bababuki.

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 43:5

Dateyamakãwẽ, ẽ matube niakirã. Matunabu ana itxawakĩ nenuma bari huaikiria inũ bari kaikiria hatu iwekĩ ẽ txĩtũwãshanaii.

Isaías 43:7

Dasibi enabu ẽ kenaya habũ ea duawakĩ yurabu ẽ kushipa hau uĩmashanũbũ hatu dami wakĩ ẽ bawanirã, ea anu ana hatu iwerikãwẽ’ ”, iwanã,

Isaías 44:21

“Mã Israel Jacó enabuũ, mã ẽ tsumabunã, ea shinãkãwẽ. Ẽ matu dami wani mã ẽ tsumabuki. Israelbuũ, ea hakimakĩ ea putayamakãwẽ.

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.

Isaías 45:11

Israelĩ Senhor Deus meribi hatũ Israel hawena hatu wanitũ tsuara yuikĩ: “Haska ẽ bakebu ẽ hatu wamis mã ea unãti watirumẽ? Haska hamapai tibi ẽ amis ea merabewakĩ shinã betsa mã ea yusĩtirumẽ?

Isaías 49:1

Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Isaías 49:5

Senhor ẽ Deuski. Haskawẽ taeshũ ea duawaya hawẽ kushipa hanua ẽ bimiski. Ẽ hawẽ tsuma ikũkainaya Jacó enabu Israelbũ shinã betsa watã hau hanu bei haki dasishanũbũ Senhor Deusũ ea yunukatsi katutã ẽ ewã bake nãtiki ea dami wakĩ naneniki, ikaya

Jeremias 1:5

“Mĩ ibubũ mia bikĩ naneriama bebũkiri ẽ mia katuniki. Minabu shukuabu tibi hiwebaunabu anu ẽ hãtxa ea yuishunika mĩ ikũkaĩshanũ mĩ kaĩriama eã mia meribi wakĩ ẽ mia pashkaniki”, ea wa

Lucas 12:32

Jesusũ hawẽ tsumabu yusĩkubaĩkĩ yuikĩ: —Ẽ matu mekeawẽ taea mã ẽ txashuwã keskabuki. Ha inũ, mã ikũwaĩbu itxapamabiakẽ matũ Epa Deusũ hawenabu matu watã habe matu hiwemakubaĩshanikiki. Haskawẽ taea hawawẽ dateyamakãwẽ.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

1 Tesalonicenses 1:4

Ẽ betsabu inũ ẽ puibuũ, matu anu kashũ Jesusũ kakape matu yusĩkĩ nukũ hãtxa bestiwẽma Jesus Cristo datã akĩ nũ matu amaimaki. Hakia Deusũ kuxipa matu uĩmakĩ hawẽ Yushĩ Pepawẽ dami atimaska matu uĩmakĩ ikũhairawamakĩ hawẽ hãtxa pepa txanima kayabi keyutima unãkĩ nũ matu yusĩmaki. Nuku nĩkatã mã ikũwaĩwẽ taeshũ hanu Deus matuwẽ nuikĩ hawenabu matu wakatsis ikĩ matu katuni nũ unaiĩ. Haska matu anu nũ pe hiweima inũ haska matu merabewa bestikĩ nũ matu bikawama ikima matũri mã unãhairaii.

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.