Isaías 44:1 - Kaxinawá Bíblia (BR)

¹ Senhor Deusũ hatu yuikubaĩkĩ: “Jacó enabu mã Israelbu inũ, mã ẽ tsuma ẽ katuabuũ, natiã ẽ hãtxa nĩkakãwẽ.

Isaías 44:1 Referencias Cruzadas

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Isaías 41:8

“Jacó enabu Israelbuũ, ea nĩkakãwẽ. Ha betxipaikĩ ẽ katuni ẽ tsuma ẽ haibu Abraão mã hawẽ bababuki.

Isaías 41:9

Mai uke betsauria eã ẽ matu kenaniki, txaihaira ianẽwã deshũ betsauria matu katukinã. Hanushũ matu yuikĩ: ‘Maturã, mã ẽ tsumabuki’, akĩ eã matu katunishũ ẽ matu danaĩsmaki.

Isaías 42:23

hanushũ Isaíasĩ hatu yuikĩ: “Matu haska wabia, haskakĩ uĩtã mã shinã betsa waisbumamẽ? Hamẽ haskashanaiburã, tsuã haska nĩkakatsis ikimẽkaĩ?

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 44:21

“Mã Israel Jacó enabuũ, mã ẽ tsumabunã, ea shinãkãwẽ. Ẽ matu dami wani mã ẽ tsumabuki. Israelbuũ, ea hakimakĩ ea putayamakãwẽ.

Isaías 45:4

Ha ẽ tsuma Jacó betxipaikĩ ẽ katuni, Israelbu enaburã, habuwẽ taeshũ mĩ kena kayabiwẽ ẽ mia kenaniki. Mĩ shanẽ ibu keyutima mia shinãpaketi haya wakĩ ẽ mia kaĩmaniki, hawa mĩ ea unãmabiakenã.

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Lucas 13:34

—Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya danãkĩ hatu tenãkĩ matũ shenipabũ ani keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.