Amós 9:14 - Kaxinawá Bíblia (BR)

¹⁴ Enabu Israelbu txaihaira anu iyunibu hawenabu ẽ hatu txĩtũwãshanaii, haria ana hatu iwekinã. Beshũ hatũ maewã txakabuwanibu ana hawẽ shãtukũ ana benikĩ pewakĩ keyutã hanu hiwewabaũkĩ uva bai banaima bimiai vinho washũ akubaĩkĩ yunu bai banaimabu hatũ yunu bimi tibi pikubaĩshãkanikiki.

Amós 9:14 Referencias Cruzadas

Isaías 60:4

Bewenikitã matu dapi uĩbaũkãwẽ. Uĩkãwẽ, dasibi haska tibi itxatã matu anu beshãkanikikirã. Matũ huni bakebu txaihaira hiweabu beshãkanikiki. Matũ aĩbu bake mishtĩbu hatu pũtsaumeshũ hatu iweshãkanikiki.

Isaías 61:4

Hiwe tibi di ini sheni ana benishãkanikiki, matũ shenipabũ hiwe txakabuwanibu pewakinã, ha maewã tibi ana nawasãtã pewatã mã hiwebaũshãkanaii.

Isaías 65:21

Ha inũ, betsarã, yura betsã hiwe bena watã ha merã hiwekũkaĩshanikiki. Hanushũ uva bai washũ banatã hanushũ hawẽ bimi pikubaĩshanikiki.

Jeremias 23:8

Ana hariria shinãma hakia Senhor Deus datã akĩ yuikĩ: ‘Nawã mai pakea nortekiria inũ nawã mai pakea betsa betsapa anu sa akĩ ẽ hatu nitxini anua Israelĩ enabu ana iwekĩ ẽ hatu itxawaniwẽ taeshũ Senhor Deus hiweatũ kena ẽ datã akaii’, ikĩ na hatũ mai anu hiweshũ besti haska yui yubakakubaĩshãkanikiki”, iniki.

Jeremias 29:14

Txanima ẽ matu merabewaya mã ana eki nukushanaii. Tsuã matu ana bika tenemama binumatã betsahaira uĩmakĩ ẽ matu hiwemashanaii. Hanira nawa shukuabu tibi anu sa iki hatũ mae tibi anu mã bunibu haria matu itxawakĩ keyutã na mae anu ana ẽ matu txĩtũmashanaii. Ea Senhor Deusũ ẽ hãtxa ẽ mestẽwaiĩ”, inikiaki.

Jeremias 31:28

Eã hatu uĩhairakubaĩkĩ hatunabu ẽ betseni inũ, ẽ hatu berani inũ, hatu putakĩ itxakawakĩ ẽ hatu yamawaniki. Eã hatu haska wabianishũ ẽ hatu uĩkubaĩmiski. Natiã hatu uĩriakĩ ẽ hatu merabewashanaii, benikĩ ana hatu kushipawakĩ hatũ mae ana inãkĩ hatu bana bena wakĩ ẽ akawashanaii. Ea ẽ Senhor Deusũ ẽ mestẽwaiĩ.

Amós 5:11

Nuitapaibũ shekiwã trigo tsekaibu mã hamẽ hatu biãmiski, mae shanẽ ibũ yunuti txibãkĩ hatu yumetsũkĩ hatu pema pema aka keska wakinã. Haskawẽ taea mishki hiwe hawẽrua mã hatu amabiaima anu mã ha merã hiweama ikũkaĩshanaii. Uva bai pepa mã hatu banamabiaima hawẽ bimi tsekatã uva vinho wabiaimabu mã hanushũ hawa akama ikũkaĩshanaii.