Amós 9:15 - Kaxinawá Bíblia (BR)

¹⁵ Hatũ mai kayabi ẽ hatu inãni anu ẽ ana hanu hatu txĩtũwaĩma anua dayakĩ mibãkubainaibu hanushũ tsuã ana hatu iyu taskama ikubaĩshãkanikiki”, atã Mekenika Senhor Deusũ hawẽ hãtxa mestẽwanikiaki.

Amós 9:15 Referencias Cruzadas

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Jeremias 23:8

Ana hariria shinãma hakia Senhor Deus datã akĩ yuikĩ: ‘Nawã mai pakea nortekiria inũ nawã mai pakea betsa betsapa anu sa akĩ ẽ hatu nitxini anua Israelĩ enabu ana iwekĩ ẽ hatu itxawaniwẽ taeshũ Senhor Deus hiweatũ kena ẽ datã akaii’, ikĩ na hatũ mai anu hiweshũ besti haska yui yubakakubaĩshãkanikiki”, iniki.

Joel 3:20

Earã, ẽ hatube manakunãshanaii. Hatũ txakabuwẽ taeshũ hatuwẽ nuiama ẽ hatu buashũkatsi ikamaki. Hakia Judá enabũ mai pakea inũ maewã Jerusalém anu ikaburã, haburã, hiwepakeshãkanikiki. Hamẽ ea Senhor Deus hiweirã, ẽ Mati Sião anu ẽ hiwepakeriashanaii”, iniki.

Miquéias 4:4

Haskawẽ taea dasibi ana hawawẽ dateama hiwekubaĩshãkanikiki. Hatũ uva bana nishi manaũri beshea inũ hatũ hi figueira bimi batapaya namã uta unanuma huĩrukuĩ manishãkanikiki. Senhor Deus kushipahaira dasibi binu keyuatũ huni betsã hãtxawẽma hawẽ hãtxawẽ ibubis matu yuikiki.