Amós 9:13 - Kaxinawá Bíblia (BR)

¹³ Eska Senhor Deusũ ana yuikĩ: “Shekiwã trigo txushihaira mirimahairawẽ taea tsekakĩ keyuriabuma ana hanu banatitiã kemaya mai yapubainaibutiã huni betsabu beshãkanikiki. Hawẽ hene tsinikĩ uva bimi mirimahairaki pai pai ikĩ keyuriabuma shekiwã trigo ana banatitiã ikũkaĩshanikiki. Mati keyatapa inũ mati tenãmã anua ũpash itxapa habai keska uva vinho itxapa hayashãkanikiki.

Amós 9:13 Referencias Cruzadas

Isaías 55:13

Hanu ana musha beneama hawẽ shãtukũ hi pepa beneshanikiki. Ana nishi mushaya beneama nishi hua pepaya benei mai beweshekeshanikiki. Haska tibi kaĩ beneai ea Senhor Deusũ unãmati uĩkĩ ẽ kena kushipa hawa tsuã yamawatiruma ikibi ika uĩshãkanikiki”, iniki.

Ezequiel 36:35

Habu yuinamekĩ matukiri yuikĩ: ‘Na mairã, bari itxapa hanu tsua hiweabuma ibiani ikis dasibi hawẽruahairaki, Éden anu Deusũ bai hawẽrua wani keskarã. Hatũ mae tibi berãkĩ txakabuwakĩ keyutã henebainibu ikis ana pewatã mishki kenebaũkĩ keyutã hanu ma hiwekanikiki’, akĩ matu yuishãkanikiki.

Joel 2:24

Matu haska waiwẽ taeshũ matũ shekiwã trigo bimi txakama mã tsekashanaii. Ha dikabi uva vinho inũ piti sheni itxapahaira mã hamẽ ashanaii.

Joel 3:18

Ha shaba haskaitianã, ui ikaya mati anua hene hababirãmis keskai uva vinho inũ ina awa txutxu itxapa hamẽ ikai mã hayashanaii. Judá enabũ mai pakea anua pashku tibi ũpash mirimahaira hayariashanikiki. Ha inũ, ẽ kẽwãti Templo anua txatxa ũpash tuetã pashku Sitim napaku anu habapakeshanikiki, mai dasibi pepa metxa wakinã.

Joel 3:20

Earã, ẽ hatube manakunãshanaii. Hatũ txakabuwẽ taeshũ hatuwẽ nuiama ẽ hatu buashũkatsi ikamaki. Hakia Judá enabũ mai pakea inũ maewã Jerusalém anu ikaburã, haburã, hiwepakeshãkanikiki. Hamẽ ea Senhor Deus hiweirã, ẽ Mati Sião anu ẽ hiwepakeriashanaii”, iniki.

Amós 9:5

Mekenika Deus kushipahaira dasibi binua Senhor Deusũ mai mea mai payukui babuaya ano tibi Egito anu hawẽ henewã ewapa Nilo bai matai ewatã netsutãtãmis keskai mai manaũri inakaina ana shekei butuaya hanua dasibi yurabu hiwebaunabu datehairai kashakubaĩshãkanikiki.

João 4:35

—iwanã, ana nuku yuikĩ: —Matũ bai mã banaxina uĩkĩ yuikĩ: “Ana ushe dabe inũ dabe ka bimi huxiã nũ tsekashanaii”, iwanã, mã xinãbiaya ana matu yusĩnũ nĩkakãwẽ. Deusũ bai kaiskĩ uĩkãwẽ. Ma hanu ikũwaĩbu itxawati peki.

Juízes 5:5

Shanẽ ibuũ, mĩ huaya mati matipa mai patxa sakuaya Israelĩ enabu mekenika Senhor Deusuũ, mia bebũ Mati Sinairi mai patxa sakuniki.