Amós 9:11 - Kaxinawá Bíblia (BR)

^11-12 Senhor Deusũ ana yuikĩ: “Davĩ enabũ mae nawabũ hatu babu watã di akĩ txakabuwanibu ana habianuri mishki di anibu benikĩ hatũ mae ẽ hatu kushipa washanai ma kemaikiki. Uatiã hiwenibu keska ana hiweshãkanikiki. Edom enabu hatiri tesheabu inũ yura shukuabu tibiki ẽ kena ẽ netani Israelĩ enabube hau ana dasinũbũ ẽ hatu kushipa washanaii”, itã hawẽ hãtxa Senhor Deusũ habias yuiai keska akĩ meneshanai yuinikiaki.

Amós 9:11 Referencias Cruzadas

Jó 1:10

Tsuabũra Jó itxakawapanã mĩ hatu nemamiski, hawẽ yura mekekĩ dasibi hawenabu inũ hawara dasibi haya mekeshũkinã. Hawara sharabu Jó dayakĩ biai merabewakĩ duawakĩ mĩ pepa wakubaĩmiski. Haskawẽ taea hawẽ inabu inũ hawẽ mabu haya dasibi hawẽ mai pakea anu hatube hiwea Jó hatu binu keyuaki.

Isaías 5:5

Eskaki. Matu yuinũ ea nĩkakãwẽ, ẽ uva bai haska wakatsi hakiri ẽ shinainã. Ẽ hawẽ hatu nemakĩ keneima daka pekati, hau txakabuwanũbunã. Ẽ mishki kenebaunima daka ẽ berãti, hau haki pai pai inũbunã.

Isaías 58:12

Matunabũ mae tekekĩ di anibu nawasãtã ana benishãkanikiki. Ha mishki matũ shenipabũ anibu nenumahairarã, ha mishki tsamabaunibu ana matu pewashũshãkanikiki. Ha matũ mae ana pewakĩ ma haska waibũ matunabu hatu kenakĩ: ‘Mae sheni pewakĩ kenebaunibu beninikabu inũ hiwe tekekĩ di anibu ana benibaunikabuki’, hatu washãkanikiki”, itã,

Isaías 63:11

Ẽ hatu haska wakubirana Israelbũ hatũ shenipabu Moisĩ hatu merabewakĩ Egito anua tashnimani habũ shinaĩ hatumebi yuka ikĩ: ‘Ha Moisés hawẽ txashuwã mekenika wakatsi ianẽwã anua neshenirã, hanimẽ, ha Deusrã? Hatũ hawẽ Yushĩ meribi kushipa Moisés inãnirã, hanimẽ?

Jeremias 18:9

Ha inũ, shukua betsabu inũ hatũ shanẽ ibubu betsabukiri shinãkĩ duawakĩ ewawakĩ ẽ hatu kushipa watiruki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Miquéias 7:11

Jerusalém anu hiweabuũ, matũ mishki kenebaunibu di abianibu matũ mae benawakĩ ana matũ mai pakea shekakĩ ewapa wai ma matu ana ashuĩ bekanikiki. Shinaĩrakubaĩkãwẽ.

Miquéias 7:14

Mai pepa kesua anu hi shukua anu txashuwã huĩrukũmisbu keskai minabu hau tari hiwekubaĩshanũbũ mĩ aniki. Senhor Deusuũ, ha minaburã, hatu mekeshũ uĩrakubaĩshãwẽ. Mae Basã inũ mae Gileade anu basi pepa anu hatũ shenipabu mĩ hatu iyuni keska wakĩ pepas anu hatu ana iyushãwẽ.

Miquéias 7:8

Eki sinataibu Israel anuabuũ, ẽ txakabuwẽ taea ibubis ẽ bika teneai uĩ ewẽ benimayamakãwẽ. Ẽ di ibiaima ẽ ana benikauãshanaii, txakabu meshu keskatũ ea atxibiabaũkẽ Senhor Deus ẽ shaba keska ẽ mekenã txashakapaki.

Números 24:18

Edom enabu Seir anuabu hatuki sinataibu hatũ mae mebĩshãkanikiki. Seir mebĩtã Israelĩ enabu pubẽ kushipakĩ yura betsa betsapa hatuki sinataibu binushãkanikiki.