Números 11:29 - Kaxinawá Bíblia (BR)

²⁹ hakia Moisĩ Josué kemakĩ yuikĩ: —Haskakĩ mĩ ea yaushimai, hatu nemakatsis ikinã? Ẽ shinanã, hawenabu dasibi hawẽ hãtxa yuishunika wakĩ Senhor Deusũ hawẽ Yushĩ hau hatu atximakĩ keyunũwẽ— atã

Números 11:29 Referencias Cruzadas

Joel 2:27

Ea ẽ matũ Mekenika Senhor Deus ẽ matuberã, mã Israelbũ hanu mã ana ea unã taewabaĩshanaii. Ea besti ẽ matũ Deus kayabi betsa hayama mã unãshanaii. Haskawẽ taea mã enaburã, ana taska matũ dake pae mã teneama ikũkaĩshanaii”, itã,

Joel 3:1

Ana eska Senhor Deusũ matu yuiai nĩkakãwẽ: “Ha haskaibutianã, haska Judá enabũ mai pakea anu inũ Jerusalém anu bika tenei hiwekubaĩmisbu ana haskama hatũ hiwea betsahaira ẽ matu washũshanaii, haska uĩsbuma matu ashũkinã.

Números 11:30

hanua hatũ mae anu Israelĩ enabu shanẽ ibubube Moisés txĩtuaĩbũ

Lucas 10:2

hatu yuikĩ: —Ẽ tsumabũ ẽ hãtxa ikũwãkĩ txibãmisbũ hatu yusĩakeakebaunaibũ itxapabũ ea ikũwãshãkanikiki. Haskakẽ ikũ Deusũ bai anu mibã mirima ma huxĩ keyui keska dakaki. Hakia hawẽ dayakapabu eskarabeswẽ taeshũ ana dayakapabu itxapa hau yununũ bai ibu Deus ana yukakãwẽ, hawẽ yunu tsekakĩ itxawashunai keska wakĩ yurabu hau hawẽ hãtxa hatu yusĩbaunũbunã.

Hechos 26:29

Paulõ ana yuikĩ: —Hawaira kasmai txipu kasmai mia inũ dasibibũ natiã habũ ea nĩkaibu ẽ ikũwaĩ keskakĩ mã Jesus haibu warianũ Deusũ hau matu kenarianũwẽ, hakia na ẽ ika keskai mane dispiwẽ matu tsuã meneshamarã— hatu wa

1 Coríntios 13:4

Nuikipa kayabi hayarã, eskaki. Nĩkairakãwẽ. Bika tenebiai pes ikama tenemisbuki. Ha inũ, duapanãmisbuki. Ha inũ, hawara huni betsa hayawẽ nui kemuismaki. Ha inũ, shanẽ ibubia: “Ea duawakãwẽ”, isbumaki. Ha inũ, hawara pepa amisbukiri tsua yui hatũmebi keĩsbumaki.

1 Coríntios 14:5

Tsuabura matũ hãtxamawẽ Deus yuishuni mã hãtxaya huni betsã matũ hãtxawẽ haska yuiai matu maewashũamarã, ha hãtxa tashniaiwẽ tsua merabewatirumaki. Hamẽ betsarã, matũ hãtxamawẽ Deusũ Yushĩ Pepatũ matu hãtxamai pekẽ matu dasibi mã haska hãtxai ẽ abuaii. Hakia Deusũ hãtxa shabakabi yuishũkĩ ikũwaĩbu itxapa mã kuxipa wa pehairaya Yushĩ Pepatũ kuxipawẽ ha dukũ Deusũ hãtxa yuishũti yukakubaĩkãwẽ.

1 Coríntios 3:21

Haskawẽ taea nũ yurabu nũ matũ yusĩnã bestibiakẽ daketapakĩ nuku kẽwaĩ hunibũ tsumabu nuku wayamakãwẽ. Hamẽ Deus hawa yauxiama nukũ nũ matu merabewanũ, iwanã, ẽ Paulo inũ, Apolo inũ, Pedro inũ, huni yusĩnãbu tibi nuku yununiki. Ha inũ, mã hiwea inũ, mã mawabu inũ, na habiatiã inũ, bari betsa ũ unuatiã dasibi inũ mai hirabi Deusũ matu yununi mã hawẽ hiwearã, matunaki.

1 Coríntios 3:3

Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

Filipenses 2:3

Na haska hiwekaĩkinã, yurabu binunũ iki keãma hakia babutã bestibu: “Ea dukũ ẽ bebui pepakainaii”, ikĩ xinãma: “Betsabũri ea maemai ẽ hawamaki”, ikubaĩkãwẽ.

Santiago 4:5

Matu xinãmakatsi ikĩ Deusũ hãtxa hakiri kenekĩ yuikĩ: “Deusũ Yushĩ Pepa nuku merã hiwemanitũ nuku yauxikĩ mekekubaĩmiski”, iwanã, yuikĩ hamẽ hakiri keneama iniki.

Santiago 5:9

Ẽ betsabu inũ ẽ puibuũ, Epa Deusũ dasibibu hatu unãti washanai ma hua kemaki. Hau matu hatube unãti watã kupiyamashanũ ana nukũ betsabube ha iki kũyã idabeyamakubaĩkãwẽ.

1 Pedro 2:1

Haska inũ, hamapai txakabu tibi mã akeakemis inũ, mã parananãmis inũ, mã beparamemis inũ, tsuara hawara pepa hayakẽ mã haskatiruma xinaĩ mã hatuki sinatamis inũ, hawara yura betsa ikai uĩtã matunamabia hawẽ taea mã yuãnanãkeakemis ana haskakiri xinãma henerikubaĩkãwẽ.

1 Samuel 10:6

Hatuki mĩ nukukẽ Senhor Deusũ yushinĩ mia kushipawaya Deusũ hãtxa yuishunikabu paeã keska hatube benimai habu betsa keskai mĩ huni betsahaira ishanaii.