João 8:48 - Kaxinawá Bíblia (BR) hanushũ judeu shanẽ ibubũ Jesus yuikĩ: —Eska nũ mia yuiaii. Mĩ yushĩ txakabu haya dikabia mĩ Samarianawaki, unaĩsmaparã— akabu Kashinawa : Diosun Jesúswen taexun yuba bena yiniki januxun judio xanen ibubun Jesús yuikin: —Chanima nun mia yuiaidan, yushin chakabu jaya dikabia min Samarianawaki, unainsmapadan— akabu |
Deusũ enabu shukua betsabũ habu hatu itxakahairawamisbu inũ, shukua betsabũ danãkĩ hatu betxipaisbuma inũ, huni pubẽ shanẽ ibubũ hatu atxitã hatũ tsuma escravo hatu wamisbu Senhor Deus mekenã mebikinanika Israelbũ Deus meribitũ hawenabu hatu yuikĩ: “Ea Israelbũ Senhor Deus meribitũ ẽ matu katuni hãtxai ẽ yubakamis ẽ matuwẽ meneshanaii. Ẽ matu haska washanaiwẽ taeshũ shanẽ ibubu inũ hatũ huni bakebu shanẽ ibubũri matu uĩ e itã matu bebũshũ kẽwaĩ dãti ishãkanikiki”, itã,
Yurabũ hakiri txakabu shinãkĩ danãshãkanikiki, ha hunĩ isĩ betsa betsapa mekĩ beyawai nuitapairã. Tsua dabanẽ hawa unãma uĩsma akawakĩ nukubũ nũ danãshanaii.
Haskawẽ taea hawẽ tsumaburã, hatũ yusĩnã hãtxa txibaĩ hau habiaskari keska ikubainũbũwẽ. Habiaskariai dayarubu hatũ shanẽ ibũ yunua nĩkai hau hatũ shanẽ ibu keska iriakubainũbũwẽ. Haskakẽ ẽ matũ yusĩnã ea kenakĩ: “Yushĩ txakabu shanẽ ibu Belzebuki”, ea wamisbuwẽ taeshũ ẽ yusĩa mã txibãkubaĩmisbuwẽ taeshũ maturi kenakĩ: “Belzebũ enabuki”, akĩ matukiri yuikĩ txiteriashãkanikiki— iwanã,
Nuku haska watã hanushũ nũ hawẽ 12 tsuma kuxipayabu Jesusũ nitxĩkĩ nuku yuikĩ: —Nawabũ mae anu buama inũ Samaria mai pakea hanu hiweabu anuri buyuama
Habiaskariai ha dukũ Naximanika João hushũ matu yusĩkubaĩkĩ misi pepa piama vinho paepa akama matube beyusamakẽ hakiri hãtxakĩ: “Yushĩ txakabu hayaki”, iwanã, mã yuiakeakeimaki.
hakia fariseubũ hatũ hãtxa nĩkakĩ yuikĩ: —Haskamaki. Na hunirã, yushĩ txakabu shanẽ ibu Belzebũ kuxipa hayaki. Haska bestiwẽ taeshũ yushĩ txakabu hatu kaĩmaikiki— hatu waibũ
Haskakẽ matu yusĩnũ nĩkakãwẽ. Yurabũ txakabu betsa betsapawakĩ txakaburi yuimisbu Deusũ hatũ txakabu buashũkĩ hakimawatiruki. Hakia matu keskatũ tsuabũra hawẽ Yushĩ Pepa danãkĩ yuãkubainaiburã, hatu buashũtaskama ishanikiki.
Haska Naximanika Joãonẽ Jesuskiri hatu unãmani ẽ matu yuiai nĩkakãwẽ. Jerusalém anuabũ João kakaya judeu mae shanẽ ibubũ hau João yuka tapĩtanũbũ Deusbe nukunabu hãtxashunikabu inũ Jacõ bake Levĩ bababũ enabu betsabu habu yunuabu Naximanika João anu beshũ hatũ shanẽ ibubu yukashũkĩ: —Miarã, mĩ tsuamẽ? Mĩ Messias Cristomẽ?— akabu
betsabũ yuikĩ: —Yushĩ txakabu haya patapaki. Haskakĩ nũ nĩkakubaini ikanai?— hatu waibũ
judeubu Samarianawabube hãtxaisbumawẽ taea e itã aĩbũ yuikĩ: —Ẽ Samarianawaki. Miarã, mĩ judeuki. Haskakĩ mĩ ea ũpash ea akai?— aka
ha dapi mapushũ betsã yuikĩ: —Mĩ yushĩ txakabu hayaki. Mĩ haska xinaĩnã, tsuã mia tenãkatsis ikimẽkaĩ?— aka
nĩkai judeu shanẽ ibubu yuinamei: —Ha haska yuiairã, hamebi tenãmepai ikimẽkaĩ: “Ha ẽ hanu kashanai anu mã katirumaki”, ikairã— ikaibũ
hanua habu Jesuski sinatakĩ yuikĩ: —Txanima mĩ yushĩ txakabu hayaki. Nukũ shenipabu pepa Abraão inũ Deus hãtxashunika dasibiburi mawakubainibuki. Hakia: “Tsuãra ẽ hãtxa nĩkai mawama ishãkanikiki”, ikĩ mĩ yuiairã, shanẽ ibukĩ mĩ hatu binũkĩ keyua iki ikai? Miarã mĩ tsua iki ikai, haska xinaĩ ibubis keĩnã?— akabu
Eska xinãnãkãwẽ. Cristo hamebi haska ikatsis ikaikiri xinãkĩ katuama iniki. Hakia haska bebũkiri Deusũ hãtxa hakiri kenenibu menei ikũkainiki. Haska Deusũ hãtxa yuishunika Davĩ kenekĩ: “Epaã, mia danãkĩ ea itxakawabu ẽ mia tenehairashunaii”, ini keskakĩ Cristõ menekĩ teneniki.
Haskakẽ Jesus anibu keska wakĩ nukuri nuitapa wakĩ dakewaibu ha bai Jesusũ nuku tatesshũbaini txibãkĩ judeubũ beya ana xinãma nuitapabiai dakeama ikubainãkãwẽ.
Hanushũ matu betsãri xinãkĩ yuikĩ: “Epa Deus ha besti kuxipakẽ ha besti ẽ ikũwaiĩ”, ikĩ mã pe xinãkĩ yuiaii. Haskabiakẽ yushĩ txakabubũ habiaskari ikũwãbiai Deuski datei hawẽ yura txuruĩ saki saki iriamisbuki, kupishanaiki dateirã.