Isaías 49:7 - Kaxinawá Bíblia (BR)

⁷ Deusũ enabu shukua betsabũ habu hatu itxakahairawamisbu inũ, shukua betsabũ danãkĩ hatu betxipaisbuma inũ, huni pubẽ shanẽ ibubũ hatu atxitã hatũ tsuma escravo hatu wamisbu Senhor Deus mekenã mebikinanika Israelbũ Deus meribitũ hawenabu hatu yuikĩ: “Ea Israelbũ Senhor Deus meribitũ ẽ matu katuni hãtxai ẽ yubakamis ẽ matuwẽ meneshanaii. Ẽ matu haska washanaiwẽ taeshũ shanẽ ibubu inũ hatũ huni bakebu shanẽ ibubũri matu uĩ e itã matu bebũshũ kẽwaĩ dãti ishãkanikiki”, itã,

Isaías 49:7 Referencias Cruzadas

Salmos 69:19

Haska ibubis ẽ mikiri txakabuima ẽ hawẽ dakeai inũ yurabũ ana ea betxipaiama ẽ bika teneairã, mĩ unãhairaii. Ha dikabi hatira eki sinataibu mĩ unãriaii.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 49:1

Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Isaías 49:26

Habũ matu yunu yunu akĩ bika tenemamisburã, ibubis hatunabubetãri bika teneshãkanikiki, hatũ nami ibubis piai keska wakinã. Ibubis hatũ himiwẽ paẽshãkanikiki, vinhowẽ paeã keskairã. Haskaibũ ha dasibi yura hiwebaunabũ ea ẽ Senhor Deus matũ mekenã piskumanika inũ ea ẽ Jacó kushipahaira inũ ea ẽ matũ mebikinanika habũ ea unãshãkanikiki”, itã,

Isaías 50:6

Hau ea kakush kakush anũbũ ẽ petxi ẽ hatu inãkĩ yunumiski. Ẽ keshni ea tseka tseka akaibu ẽ hawa hatu nemaismaki. Habũ ea itxakawakĩ eki kemu mitxuaibũ ẽ besu hunei ẽ hawa tinĩsmaki.

Isaías 52:15

Haska uatiã nawa shukuabu tibi inũ hatũ shanẽ ibubũ hawa uĩsbuma na habiatiã uĩkĩ nĩkai hakiri tapĩkĩ hawa hãtxa yuitiruma e iki hawẽ dateshãkanikiki”, ikaya,

Isaías 53:3

Yurabũ hakiri txakabu shinãkĩ danãshãkanikiki, ha hunĩ isĩ betsa betsapa mekĩ beyawai nuitapairã. Tsua dabanẽ hawa unãma uĩsma akawakĩ nukubũ nũ danãshanaii.

Isaías 60:10

Matunabuma nawa betsabũ matũ mae kene ana benibaũshãkanikiki. Ha habu shanẽ ibuhairamisbũ matu dayashũkĩ matu duawashãkanikiki. Ea Senhor Deus matuki sinatakĩ ẽ matu kupibiani natiã ẽ duapawẽ ana ẽ matuwẽ nuishanaii.

Isaías 60:16

Nawa shukua tibibũ hatũ piti pepahaira beshũ matu inãshãkanikiki. Nawa shanẽ ibubũ hatũ mabu hawẽrua karuhaira matu beshũshãkanikiki. Matu haska waibu uĩkĩ ea Senhor Deus ẽ matũ piskumanika mã unãshanaii, Jacó merabenanika kushipahaira earã, ẽ matũ mebikinanikarã.

Isaías 60:3

ha uĩtã nawa shukuabu tibi matũ mekenã uĩ beshãkanikiki. Shanẽ ibuhairabũ matũ kushipa penai keska uinũ ika matu anu beshãkanikiki.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Mateus 26:67

itxakawakĩ taewakĩ betsabũ besuki kemu mitxukĩ kuxaibũ betsabũri tãpais akĩ

Lucas 22:27

Eska yurabũ uĩkĩ xinãmisbuki. Na bashti ika dakashũ pimisbu shanẽ ibuki. Hamẽ hatũ hatu pimakĩ duawairã, shanẽ ibumaki, iwanã, xinãmisbuki. Hamẽ eãnã, matu anushũ matu tapĩmanũ ishũ ẽ matu bestibu duawakĩ uĩmakubainaii. Haska keskakĩ haratutũra ea txibãkĩ betsabu mã binuai mã unãtiruki— iwanã,

Lucas 23:23

nĩkamas yura itxapabũ unãshubima ana yuikĩ: —Cruzki nuku mastashũwẽ— akĩ haska xinaĩbu keska hau hatu ashunũ yunukĩ heneabumakẽ

Lucas 23:35

habianuri shanẽ ibubu inũ yura itxapabũ uĩkĩ kashe wakĩ yuikĩ: —Huni betsabu merabewamiski. Hamebiri hau pasharianũwẽ. Haska Deusũ Katua Messias kayamẽkaĩ cruz anua na habiatiã butuai uĩkĩ nũ ikũwãtiruki— ikaibũ

João 18:40

dasibibũ hui kuxipawẽ yunukĩ: —Ha nuku ashũama ha huni betsa Barrabás yumetsubiakẽ nuku ha kaĩmashũwẽ— akaibũ

João 19:15

haki sinatakĩ hãtxa kuxipawẽ yuikĩ: —Tenãriwe! Tenãriwe, cruzki hatu mastãmatanã!— ikubainaibũ Pilatõs ana hatu yukakĩ: —Haskakĩ matũ shanẽ ibu kayabi hatu mastamapa?— hatu wa Deusbe nukunabu hãtxashunika shanẽ ibubũ yuikĩ: —Nukurã, nũ shanẽ ibu betsa hayamaki! César besti nukũ shanẽ ibu kayabiki. Hatu mastamariwe!— akabu

João 19:6

uĩkĩ Deusbe nukunabu hãtxashunika shanẽ ibubu inũ Templo mekenikabũ hui kuxipawẽ Pilatos yuikĩ: —Cruzki mastawe! Cruzki mastawe!— akeakeabu haska washũ atirubuma unãbiakĩ Pilatõs hatu kashe wakĩ ana yuikĩ: —Hawa txakabu hayamaki. Matũmebi iyushũ aritãkãwẽ— hatu wa

1 Coríntios 1:9

Ha inũ, Deusũ bake nukũ Shanẽ Ibu Jesus Cristobe mã hiwekubaĩshanũbũ Deusũ matu katunitũ duawakĩ hawa matu hakimakĩ henebainama ishanikiki, haska yubakani amis betsa wakĩ kaneismawẽ taearã.

1 Pedro 2:4

Jesus hiwe mestẽwãti mixki keska hunibũ danãbianibũ Deusũ abuhairakĩ katuni bestibu tibi ha mixki hiwea pepa haibu wai haki ketashamekubaĩkãwẽ.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 3:7

Ana Jesusũ ea yuikĩ: “Hatũ Deusũ hãtxa yuinika Filadélfia anu itxamisbu mekea na hãtxa ẽ mia yuiai keneshũriwe: ‘Ea ẽ meribi inũ ẽ txanimahaira Davi kuxipa ini keska binua hawẽ bepẽti chave ẽ hayaki. Tsuãra ha mae bepeã tsuã beputiruma inũ ha mae bepua tsuã bepẽtirumaki. Haska mekeatũ ẽ matu yuiaii.