Isaías 49:8 - Kaxinawá Bíblia (BR)

⁸ Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Isaías 49:8 Referencias Cruzadas

2 Samuel 7:13

Ha inũ, mĩ bakẽ hanushũ ea kẽwaĩ eki nukuti templo hatũ ea ashũshanikiki. Ẽ hatu putama shanẽ ibu henetiruma ipakeshanaikiri ẽ hatuki yubakaii.

Salmos 2:8

Mĩ ea ea akaya mai pakea hirabi anu dasibi hiweabu ẽ mia yunukĩ mina ẽ mia wamashanaii, hatũ Shanẽ Ibu kayabi mia wakinã.

Salmos 69:13

Hakia Senhor Deusuũ, ẽ mia ea akaii. Ẽ Deusuũ, na habiatiã ea merabewawe! Mĩ nuihairawẽ ea kemawe! Mĩ ea putama ea merabewakubaĩmiswẽ taeshũ ea piskumariwe!

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 42:6

“Ea Senhor Deusũ ẽ mekẽnẽ mia metsũshũ ẽ mia kenaniki, hau mia ikũwaĩ mĩwẽ taea ea anu piskushanũbunã. Mia haska wamakatsi mĩwẽ ẽ yubakaniki, nawa shukuabu tibi unãti wati bĩ peshea keskakĩ mĩ hatu txasha washanunã.

Isaías 44:26

Hamẽ habũ ea txanima txibaĩburã, hatu haska wama hatu hãtxa kayabi yuimakĩ ẽ hatu menemakubaĩmiski. Ẽ hatu yunua habu ẽ hãtxawẽ yubakaiburã, hawara akaibu pe kaĩkũkaĩmiski. Hamẽ eanã, Jerusalém yunukĩ ẽ pewairã, ana txĩtũbirã hanu ana hiweshãkanikiki. Judá maewã tibirã, ana benibaũshãkanikiki. Mae txakabuwanibu eã ẽ hatu benimakĩ keyushanaii.

Isaías 49:19

Mĩ mae dasibi pure pure akĩ yamawakĩ txakabuwanibu mania anurã, natianã, mĩ mae ana hatiuirama pesheishta anu yura hiwebauni dama ishanikiki. Haska inũ, habũ matu yamawaniburã, ma nenuma buyamabuki.

Isaías 54:3

txipu yusiuri inũ yusmauri minabu pai manibaũkĩ nawa shukua itxapa hatu atxitã natiã ha mae hanu tsua hiweabuma anu habũ maewatã hiweshanaibuwẽ taearã.

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Isaías 58:12

Matunabũ mae tekekĩ di anibu nawasãtã ana benishãkanikiki. Ha mishki matũ shenipabũ anibu nenumahairarã, ha mishki tsamabaunibu ana matu pewashũshãkanikiki. Ha matũ mae ana pewakĩ ma haska waibũ matunabu hatu kenakĩ: ‘Mae sheni pewakĩ kenebaunibu beninikabu inũ hiwe tekekĩ di anibu ana benibaunikabuki’, hatu washãkanikiki”, itã,

Isaías 58:5

Matũ mã shinanã, mã samakeaiwẽ ea benimawairã, eska dakati dabanẽ mã ikai, bika teneirã, matũ bushka tiniã daka tawa puaka keska dakarã, tari besha sheni sawetã mapu maputukutã dakarã, ‘Haska dakashũ Senhor Deus ẽ benimawaii’, ikĩ mã yuimiski, samakekinã.

Isaías 61:2

Ea ẽ Senhor Deus ha baritiã ẽ hatuwẽ nuikĩ ẽ hatu merabewashanai hatuki txanitãwẽ. Ha shabatianã, nukũ Deus ha nukuki sinatamisbu nuku hatu kupishũshanikiki, iki hatuki txanirã. Dasibi punu nukabu hatu merabewakĩ ea hatu daewashũtãwẽ.

Isaías 61:4

Hiwe tibi di ini sheni ana benishãkanikiki, matũ shenipabũ hiwe txakabuwanibu pewakinã, ha maewã tibi ana nawasãtã pewatã mã hiwebaũshãkanaii.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Hebreus 12:24

Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.

Hebreus 8:6

Hakia Cristo nuku hãtxashunika kayabirã, ha hawẽ Epabe nuku hãtxashũkĩ nukukiriri xinaĩ nukuwẽ dabanã Deus hakiri yuba bena pehaira ana tsuã betsa watima waniki, hawẽ taeshũ hawa kanetima txanima yuba mestẽwãkinã.