João 1:19 - Kaxinawá Bíblia (BR)

¹⁹ Haska Naximanika Joãonẽ Jesuskiri hatu unãmani ẽ matu yuiai nĩkakãwẽ. Jerusalém anuabũ João kakaya judeu mae shanẽ ibubũ hau João yuka tapĩtanũbũ Deusbe nukunabu hãtxashunikabu inũ Jacõ bake Levĩ bababũ enabu betsabu habu yunuabu Naximanika João anu beshũ hatũ shanẽ ibubu yukashũkĩ: —Miarã, mĩ tsuamẽ? Mĩ Messias Cristomẽ?— akabu

Kashinawa : Diosun Jesúswen taexun yuba bena yiniki

¹⁹ Jaska Nashimanika Juanen Jesúskidi jatu unanmani en matu yuiai ninkakanwen. Jerusalén anuabun Juan kakaya judio mae xanen ibubun jau Juan yuka tapintanunbun Diosbe nukunabu janchaxunikabu inun Jacobun bake Levín baba betsabu jabu yunuabu Nashimanika Juan anu bexun jatun xanen ibubu yukaxunkin: —¿Miadan, min tsuamen? ¿Min Mesías Cristomen?— akabu

João 1:19 Referencias Cruzadas

João 1:7

hawẽ Xinaĩ Hãtxatikiri hau dasibibũ nĩkakĩ ikũwãshanũbũ bebũkiri hatu yui huniki, Joãonã.

João 10:24

shanẽ ibubũ bebũteshũ yukakĩ: —Hatishuĩra nũ ana hamẽ bika teneyamanũ menã hawa kuxi shabakabi nuku yuiriwe, habia mĩ nukũ Messias Cristomẽkainã— akabu

João 10:31

mixki tũkuwẽ tsakanũ ishũ judeu shanẽ ibubũ bitanaibũ

João 2:18

judeu shanẽ ibubu beshũ Jesus yukakĩ: —Mĩ haska washurã, pemẽ? Ha kuxipawẽ mĩ hatu akairã, hawẽ nũ mia unãti wanũ hawara dami atimaska wakĩ nuku ashũwẽ— akabu

João 2:20

haska hãtxaiwẽ taeshũ mixki hiwe xinãkĩ shanẽ ibubũ Jesus ha akĩ yuikĩ: —46 ano dayakũkaĩkĩ na Templo meneriabumaki. Haska watã shaba dabe inũ besti mĩ ana benikĩ bena watirumẽ?— akabu

João 5:10

judeu shanẽ ibubũ yukakĩ: —Haskakĩ huĩrukũtitiã mĩ dakati iabaĩkĩ Moisés nuku nemani mĩ txibãma kaneai?— akabu

João 5:15

ha huni haska wa kashũ judeu shanẽ ibubu hatu yuikĩ: —Na ẽ shushashu mã ea yukarã, Jesusũ ea akakiaki— hatu wa

João 5:16

huĩrukũtitiã Jesusũ shushawawẽ taea haki sinatakĩ judeu shanẽ ibubũ Jesus danãkĩ yuaĩbũ

João 5:18

nĩkatã hune judeu shanẽ ibubu yuinamei: —Sábado huĩrukũtitiã yununi kaneai bestimaki. Txakabu betsa wariai hamebi Deus keskakatsis ikĩ yuikĩ: “Deus ẽ Epaki”, ikĩ yuiriaikiki— ikaiwẽ taea haki sinatahairakĩ Jesus tenãkatsis itxakayamaibũ

João 6:41

“Deus anua misi butunirã, ẽ eaki”, iki daketapai itsakĩ hatu yuiaiwẽ taea judeu shanẽ ibubu hune Jesuski ha ikĩ yuaĩ

João 6:52

nĩkama e itã judeu shanẽ ibubu hãtxa tibiwẽ yuinamei ha ikaibũ: —Haskakĩ nũ pinũ hawẽ nami nuku inãtirumẽ? Huni kuĩnẽ namirã, nũ pitaskatirumaki— ikaibũ

João 7:1

Hanushũ judeu shanẽ ibubũ Jesus detekatsi ikĩ benaibuwẽ taea Judéia anu ana kakatsi ikama Galiléia anu besti mae tibi anu kakũkaũkĩ hatu uĩkĩ yusĩkubaunaya

João 7:11

nawai taeaibũ Jesus benakĩ judeu shanẽ ibubũ hatu yukakubauni: —Hania mã uĩaĩ, ha huni Jesusrã?— ikaibũ

João 7:15

shanẽ ibubũ uĩ e itã haki sinatai yuinamei: —Haskatã haska yusĩa unãhairai ikimẽkaĩ, nukubetã kene tapĩsmabiarã?— ikaibũ

João 8:22

nĩkai judeu shanẽ ibubu yuinamei: —Ha haska yuiairã, hamebi tenãmepai ikimẽkaĩ: “Ha ẽ hanu kashanai anu mã katirumaki”, ikairã— ikaibũ

João 8:48

hanushũ judeu shanẽ ibubũ Jesus yuikĩ: —Eska nũ mia yuiaii. Mĩ yushĩ txakabu haya dikabia mĩ Samarianawaki, unaĩsmaparã— akabu

João 8:52

hanua habu Jesuski sinatakĩ yuikĩ: —Txanima mĩ yushĩ txakabu hayaki. Nukũ shenipabu pepa Abraão inũ Deus hãtxashunika dasibiburi mawakubainibuki. Hakia: “Tsuãra ẽ hãtxa nĩkai mawama ishãkanikiki”, ikĩ mĩ yuiairã, shanẽ ibukĩ mĩ hatu binũkĩ keyua iki ikai? Miarã mĩ tsua iki ikai, haska xinaĩ ibubis keĩnã?— akabu

João 8:57

nĩkai e itã yuikĩ: —Mĩ anibui 50 bari kariamabia, haskatã nukũ shenipabu Abraão mĩ uĩnimẽ?— akabu

Hechos 13:25

ma hawẽ daya menei kawãkĩ Joãonẽ ana hatu yuikĩ: “Ha matũ merabenã Deusũ yunushanai yuiniburã, ẽ, eamẽ mã ea xinaĩ? Ẽ hamaki. Hakia shanẽ ibu kuxipahairatũ ea binũa txipu hushanikiki. Haskawẽ taea earã, hawẽ tsumapã hawẽ daya ashũmis keska wakĩ ẽ hawẽ hawaumahairatũ eã merabewakĩ ẽ duawatirumaki, hawẽ bitxi tae meshpũ tsitaushũ ẽ pekashũtirumarã”, hatu waniki.

Hechos 19:4

Paulõ ana hatu yuikĩ: —Joãonẽ hatu naximakĩ hau hatũ txakabu henekĩ hatũ xinã betsa watã hau Deus anu benũbũ aniki. Hanushũ hatu ana yuikĩ: “Kuxipahaira ea katxu txipu huikiki. Ikũwãshãkãwẽ”, hatu wakubaĩnikiaki. Ha kuxiparã, Jesuski— hatu wa

1 João 1:5

Deus dasibi shaba keska pepahairaki, hawa parananãti txakabu hayamarã. Jesus Cristõ na kaka pepa haskakiri nuku yusĩaĩ nũ nĩkani hanushũ habiasri yusĩ nũ matuki txanikũkainaii.