João 1:19 - Kashinawa : Diosun Jesúswen taexun yuba bena yiniki

¹⁹ Jaska Nashimanika Juanen Jesúskidi jatu unanmani en matu yuiai ninkakanwen. Jerusalén anuabun Juan kakaya judio mae xanen ibubun jau Juan yuka tapintanunbun Diosbe nukunabu janchaxunikabu inun Jacobun bake Levín baba betsabu jabu yunuabu Nashimanika Juan anu bexun jatun xanen ibubu yukaxunkin: —¿Miadan, min tsuamen? ¿Min Mesías Cristomen?— akabu

Kaxinawá Bíblia (BR)

¹⁹ Haska Naximanika Joãonẽ Jesuskiri hatu unãmani ẽ matu yuiai nĩkakãwẽ. Jerusalém anuabũ João kakaya judeu mae shanẽ ibubũ hau João yuka tapĩtanũbũ Deusbe nukunabu hãtxashunikabu inũ Jacõ bake Levĩ bababũ enabu betsabu habu yunuabu Naximanika João anu beshũ hatũ shanẽ ibubu yukashũkĩ: —Miarã, mĩ tsuamẽ? Mĩ Messias Cristomẽ?— akabu

João 1:19 Referencias Cruzadas

João 1:7

jawen Shinain Janchatikidi jau dasibibun ninkakin ikunwanxanunbun bebunkidi jatu yui juniki, Juanan.

João 10:24

xanen ibubun bebuntexun yukakin: —Jatixuinda nun ana jamen bika teneyamanun menan jawa kushi xabakabi nuku yuidiwe, jabia min nukun Mesías Cristomenkainan— akabu

João 10:31

mishki tunkuwen tsakanun ixun judio xanen ibubun bitanaibun

João 2:18

judio xanen ibubu bexun Jesús yukakin: —¿Min jaska waxudan, pemen? Ja kushipawen min jatu akaidan, jawen nun mia unanti wanun jawada dami atimaska wakin nuku axunwen— akabu

João 2:20

jaska janchaiwen taexun mishki jiwe shinankin xanen ibubun Jesús ja akin yuikin: —46 año dayakunkainkin na Templo menediabumaki. ¿Jaska watan xaba dabe inun besti min ana benikin bena watidumen?— akabu

João 5:10

judio xanen ibubun yukakin: —¿Jaskakin juindukuntitian min dakati iabainkin Moisin nuku nemani min chibanma kaneai?— akabu

João 5:15

ja juni jaska wa kaxun judio xanen ibubu jatu yuikin: —Na en xuxaxu man ea yukadan, Jesúsun ea akakiaki— jatu wa

João 5:16

juindukuntitian Jesúsun xuxawawen taea jaki sinatakin judio xanen ibubun Jesús danankin yuainbun

João 5:18

ninkatan june judio xanen ibubu yuinamei: —Sábado juindukuntitian yununi kaneai bestimaki. Chakabu betsa wadiai jamebi Dios keskakatsis ikin yuikin: “Dios en Epaki”, ikin yuidiaikiki— ikaiwen taea jaki sinatajaidakin Jesús tenankatsis ichakayamaibun

João 6:41

“Dios anua misi butunidan, en eaki”, iki daketapai itsakin jatu yuiaiwen taea judio xanen ibubu june Jesúski ja ikin yuain

João 6:52

ninkama e itan judio xanen ibubu jancha tibiwen yuinamei ja ikaibun: —¿Jaskakin nun pinun jawen nami nuku inantidumen? Juni kuinen namidan, nun pitaskatidumaki— ikaibun

João 7:1

Januxun judio xanen ibubun Jesús detekatsi ikin benaibuwen taea Judea anu ana kakatsi ikama Galilea anu besti mae tibi anu kakunkaunkin jatu uinkin yusinkubaunaya

João 7:11

nawai taeaibun Jesús benakin judio xanen ibubun jatu yukakubauni: —¿Jania man uiain, ja juni Jesúsdan?— ikaibun

João 7:15

xanen ibubun uin e itan jaki sinatai yuinamei: —¿Jaskatan jaska yusian unanjaidai ikimenkain, nukubetan kene tapinsmabiadan?— ikaibun

João 8:22

ninkai judio xanen ibubu yuinamei: —Ja jaska yuiaidan, jamebi tenanmepai ikimenkain: “Ja en janu kaxanai anu man katidumaki”, ikaidan— ikaibun

João 8:48

januxun judio xanen ibubun Jesús yuikin: —Chanima nun mia yuiaidan, yushin chakabu jaya dikabia min Samarianawaki, unainsmapadan— akabu

João 8:52

janua jabu Jesúski sinatakin yuikin: —Chanima min yushin chakabu jayaki. Nukun xenipabu pepa Abraham inun Dios janchaxunika dasibibudi mawakubainibuki. Jakia: “Tsuanda en jancha ninkai mawama ixankanikiki”, ikin min yuiaidan, ¿xanen ibukin min jatu binunkin keyua iki ikai? ¿Miadan min tsua iki ikai, jaska shinain ibubis keinan?— akabu

João 8:57

ninkai e itan yuikin: —Min anibui 50 badi kadiamabia, ¿jaskatan nukun xenipabu Abraham min uinimen?— akabu

Hechos 13:25

ma jawen daya menei kauankin Juanen ana jatu yuikin: “Ja matun medabenan Diosun yunuxanai yuinibudan, ¿en, eamen man ea shinain? En jamaki. Jakia xanen ibu kushipajaidatun ea binuan chipu juxanikiki. Jaskawen taea eadan, jawen tsumapan jawen daya axunmis keska wakin en jawen jawaumajaidatun ean medabewakin en duawatidumaki, jawen bichi tae mexpun tsitauxun en pekaxuntidumadan”, jatu waniki.

Hechos 19:4

Pablon ana jatu yuikin: —Juanen jatu nashimakin jau jatun chakabu jenekin jatun shinan betsa watan jau Dios anu benunbun aniki. Januxun jatu ana yuikin: “Kushipajaida ea kachu chipu juikiki. Ikunwanxankanwen”, jatu wakubainikiaki. Ja kushipadan, Jesúski— jatu wa

1 João 1:5

Dios dasibi xaba keska pepajaidaki, jawa padanananti chakabu jayamadan. Jesucriston na kaka pepa jaskakidi nuku yusiain nun ninkani januxun jabiasdi yusiin nun matuki chanikunkainaii.