La Biblia Online

Anuncios


Toda la Biblia A.T. N.T.




João 12:43 - Kaxinawá Bíblia (BR)

Jesus xinãbiakĩ hawenabu kẽwãmayukatsis ikĩ Deuskiri beshmas kẽwãkĩ dateyabi xinãkinã.

Ver Capítulo

Kashinawa : Diosun Jesúswen taexun yuba bena yiniki

Jesús shinanbiakin jawenabu kenwanmayukatsis ikin Dioskidi bexmas kenwankin dateyabi shinankinan.

Ver Capítulo



João 12:43
20 Referencias Cruzadas  

Dasibi shanẽ ibu kushipabu hatũ hamapai mirima haya hawẽ hiwekanikiki. Hakia dasibibu mawai ana mai mishpushanaibuwẽ taeshũ dasibibũ dãti ishũ hau Senhor Deus besti kẽwãshanũbũwẽ, habu ibubis hiwea hayatirubumakirã.


Haskakẽ nuitapaibu mã merabewairã, tsua hatu banabimakĩ shabakabi hatu uĩmakĩ pawayamakubaĩshãkãwẽ. Hakia habu beparamemisbũ nuitapaibu hatu merabewakĩ hau yurabũ ea kẽwãnũbũ, iwanã, itxati hiwe anushũ inũ bai namakishũ hawara hatu inãkĩ shabakabi wamisburã, yurabũ manakuti ma hayabuki. Haskawẽ taeshũ ikũ kẽmisbu Deusũ ana hatu kẽwãma ishãkanikiki.


Jesusũ hatu yuikĩ: —Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,


hawẽ shanẽ ibũ yuikĩ: “Pehairaki. Mĩ ẽ dayanika pepaki. Eskarabes mĩ pe mekexinawẽ taea mia manakukĩ dez mae hati mekei ea shanẽ ibushũyuwe”, akaya


Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,


Hawara pepa ekiri yuiaibu besti ẽ nĩkakatsi ikamaki, yurabũ hãtxawenã.


Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.


Hamẽ huni betsa ibubis hatu kẽwãmakatsi ikirã, yusĩnã pepai hawẽruamisbuki. Hakia hatũ ea yununi ẽ matu kẽwãmakatsis ikaiwẽ taea txakabuuma pepa besti yui ẽ txani txakamaki. Haskawẽ taeshũ tsuã ha yusĩakiri ekiri metutirubumaki.


—Emebi ẽ keaĩnã, pemaki. Hakia ẽ Epã ea kẽwãmiski. Unãmabia: “Nukũ Deuski”, ikĩ ẽ Epakiri mã yuimiski. “Eari ẽ Deus unãmaki”, iki ẽ txani txakakeanaii, matu keskairã. Hakia ẽ Epa Deus unãkĩ hawẽ yunua ẽ txibãmiski.


Hakia judeubu kayabitunã, uke merã hawẽ xinãwẽ Deus txibãmisbuki. Deusũ Yushĩ Pepawẽ hatu kaya wakĩ pewakubaĩmiski, hawenabu kayabi wakinã, bemakis besti hawẽ yunuti txibãkĩ hatũ hina kubitxi meshtekea bestiwẽmarã. Tsuara haskaburã, Deusũ hatu uke merã unaĩkiki, bemakis hunibũ uĩaĩ keskamarã.


Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.


Hanu unãtiwati iriamabiakẽ matũmebi nuku tibi unãti wakĩ ha akĩ nuku txiteyamakubaĩkãwẽ. Hanu nukũ Shanẽ Ibu huaitiã mananãkãwẽ. Hatũ besti dasibi hune nũ amis shabakabi tashnimashanikiki, na haska huĩti merã nũ haya nuku bepẽshũ uĩmakinã. Hanushũ Deusũ nukũ daya unãkĩ betsa kẽhairawakĩ betsa beshmas kẽwãkĩ ikũwaĩbu tibi Deusũ kẽwãkeakeshanikiki, manakukinã.


Hanua ibubis hawẽ xinãnẽ besti hamẽmẽ keaĩnã, Deusũ abuama hume humepamiski. Hakia tsuara ha nukũ Shanẽ Ibukiri pe hãtxairã, hakiri pe xinãkĩ kẽwãmiski.


Ha inũ, Jesusũ kuxipayakĩ nũ matu yunutirubia matu inũ yura betsabu hau nuku shanẽ ibu wakĩ kẽwãnũbũ nũ hari yunukĩ matu hãtxa wama ikimaki.


Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki.


Saulũ Samuel ana yuikĩ: —Txanima kanei ẽ txakabushinaki. Hakia ẽ mia yukakĩ ea akaii. Hau Israelĩ enabu inũ hatũ anibu unanepabũ nũ kai uĩkĩ hau ea shanẽ ibuai eki meseyunũbũ haskama ebe kashũ mĩ Senhor Deus ea duawakĩ ea kewãmayui kawe— aka


hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.