1 Coríntios 4:5 - Kaxinawá Bíblia (BR)

⁵ Hanu unãtiwati iriamabiakẽ matũmebi nuku tibi unãti wakĩ ha akĩ nuku txiteyamakubaĩkãwẽ. Hanu nukũ Shanẽ Ibu huaitiã mananãkãwẽ. Hatũ besti dasibi hune nũ amis shabakabi tashnimashanikiki, na haska huĩti merã nũ haya nuku bepẽshũ uĩmakinã. Hanushũ Deusũ nukũ daya unãkĩ betsa kẽhairawakĩ betsa beshmas kẽwãkĩ ikũwaĩbu tibi Deusũ kẽwãkeakeshanikiki, manakukinã.

Kashinawa : Diosun Jesúswen taexun yuba bena yiniki

⁵ Janu unantiwati idiamabiaken matumebi nuku tibi unanti wakin ja akin nuku chiteyamakubainkanwen. Janu nukun Xanen Ibu juaitian mananankanwen. Jatun besti dasibi june nun amis xabakabi taxnimaxanikiki, na jaska juinti medan nun jaya nuku bepenxun uinmakinan. Januxun Diosun nukun daya unankin betsa kenjaidawakin betsa bexmas kenwankin ikunwainbu tibi Diosun kenwan akeakexanikiki, manakukinan.

1 Coríntios 4:5 Referencias Cruzadas

Provérbios 12:8

Tsuãra pe shinãkĩ hawaira tapĩhairanikarã, haburã, hatu kẽwãkubaĩmisbuki. Hakia tsuara tatima unaĩsmaparã, hawa hatu kẽwãma danãkubaĩmisbuki.

Malaquias 3:18

Haskakẽ habũ mã ea ikũwaĩbu duawakĩ hanua habũ ea nĩkaisbuma yupukĩ ẽ matu haska waitiã mã betsahaira uĩshanaii, hanu ekiri shabakabi unãkinã. Hakia natiã ẽ matu haska washanai mã tapĩriabumaki”, itã,

Mateus 10:26

ana nuku yuikĩ: —Habũ matu itxakawaiburã, hawara habu beparametã hune akubaĩmisburã, Deusũ dasibi shabakabi hatu uĩmashanaiwẽ taea hatuki dateyamashãkãwẽ.

Mateus 24:30

nai anua haskai yurabũ uĩ mai hirabi anua datehairai kashai keyubaunaibũ ẽ matũ Hutxi Kayabi Iuwa shanẽ ibui kuxipahairai txashahaira nai anua nai kuĩ meranua ẽ huai uĩaĩbũ

Mateus 24:46

Hanua shanẽ ibu ana txĩtũkirã haska yunubainima ashũkubainaya ha shanẽ ibu haki nukutuxitã benimahairashanikiki.

Mateus 25:21

hawẽ shanẽ ibũ yuikĩ: “Mĩ ẽ tsuma pehaira kaneismaki. Eskarabes ẽ mia yunubiabaini inãnanãkĩ hawa benuama mĩ pe mekekĩ kaneama ixiãwẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Mateus 25:23

hawẽ shanẽ ibũ hari yuikĩ: “Mĩ ẽ tsuma pehaira kaneismariki. Eskarabes ẽ mia yunubiabaĩyama inãnanãkĩ hawa kaneama mĩ pe mekekubaĩxinawẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Lucas 6:37

Jesusũ ana hatu yusĩkĩ yuikĩ: —Tsuara ha akĩ txitekĩ unãti wayamakãwẽ. Mã hatu haska wamakẽ Deusũri habiaskari wakĩ matu txitekĩ ha akamari ishanikiki. Ha inũ, tsuara hatu dake wayamakãwẽ. Mã hatu dake waismakẽ Deusũri matu dake wama ishanikiki. Ha inũ, tsuabũra matu txakabuwaibu ha xinãma hatu hakimawakĩ buawe. Mã haska waya Deusũri matũ txakabu matu buashũshanikiki.

João 21:22

Jesusũ kemakĩ: —Shanẽ ibui ẽ ana huriamakenã João hiwea mawamas ishanai keska ẽ xinaĩ hawẽ dabanã iyamawe. Mianã, haska ẽ mia yunumis besti akubaĩkĩ ea txibãpakeshãwẽ —akĩ Jesusũ Pedro yuiniki.

João 21:23

Haska bestibianikẽ ikũwaĩbu ekiri yuinamei: “Hawẽ tsuma João Jesusũ abuhairanirã, mawamas ishanikiki”, ikĩ ekiri kakakeakenibuki. Hakia: “Mawama ishanikiki”, akĩ Jesusũ ekiri yuiama hakia: “Shanẽ ibui ẽ ana huriamakẽ João hiwea mawamas ishanai keska ẽ xinaĩ hawẽ dabanã iyamawe”, akĩ Jesusũ Pedro yuibianikenã.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

Romanos 14:4

Ha inũ, habu shanẽ ibukĩ hatu yunuai tibibũ hawẽ dayaru tibi ha akĩ pewamis inũ kẽwãmiskenã, tsuara ibumabia mariastũ mã hatu ha atirumaki. Habiaskari wakĩ nukũ Shanẽ Ibu Jesus Cristõ hamebi hawẽ dayarubu hatu kuxipa wakĩ hawẽ bai kayatapia hatu txibãmakĩ hatu pewakubaĩmiski. Haska hatu yunuai xinãkĩ hau ashuĩ hiwekubainũbunã.

Romanos 2:1

Haska txakabu tibiwẽ yura betsabu ikai tsuãra uĩtã xinãkĩ ha akĩ txitenũ ishũ mã amis kasmai mã atirurã, habias txakabu mã haya matũmebi mã daketapatirubuki. Habiaska tibi habubetã mã abiamiswẽ taearã, haskawẽ taeshũ shanẽ ibu bebũshũ matu txiteaibu mã hawa nematirubumaki.

Romanos 2:16

Haskawẽ taea hanu bari hawẽ heneaitiã Deusũ Jesus Cristowẽ taeshũ haska judeubu inũ judeubuma hawara txakabu inũ pepa hune akubaĩmisbu dasibi hatu unãti wakĩ keyushanikiki. Na haska washanaikiri hawẽ kaka pepa hawẽ meketi Jesus Cristokiri ẽ hatuki txanikũkainaii.

Romanos 2:29

Hakia judeubu kayabitunã, uke merã hawẽ xinãwẽ Deus txibãmisbuki. Deusũ Yushĩ Pepawẽ hatu kaya wakĩ pewakubaĩmiski, hawenabu kayabi wakinã, bemakis besti hawẽ yunuti txibãkĩ hatũ hina kubitxi meshtekea bestiwẽmarã. Tsuara haskaburã, Deusũ hatu uke merã unaĩkiki, bemakis hunibũ uĩaĩ keskamarã.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

1 Coríntios 1:7

Haskakẽ mã Deus ikũwaĩbũ hamapai hawẽ aka tibi Deusũ matu inãkubainai hayatã mã ashũkubaĩmiswẽ taea nukũ Shanẽ Ibu Jesus Cristo naiuria ana butuai mã uĩshanai mã manakubainaii.

1 Coríntios 11:16

Na yusĩawẽ mã ha ikatsis ikairã, ha ikãwẽ. Hakia na haska ẽ matu yusĩaĩnã, habias keskari Jesus ikũwaĩbu itxamisbu tibi anushũri habiaskari xinãkĩ yusĩkanikiki.

1 Coríntios 11:26

Jesus ana huriamakẽ hawẽ xinãmati misi pikĩ inũ hawẽ xinãmati uva vinho akĩ nukũ Shanẽ Ibu nuku mawashuni mã hatu xinã benawamakubaĩshanaii, kaneamarã.

1 Coríntios 15:23

Hanua Cristo hawẽ yura Deusũ bestẽwanikẽ ha habũ ikũwaĩbu hawenabu mawabu haska Cristo ini keskai ana Cristo huaya dasibi hatũ yura Deusũ bestẽwãkĩri keyushanikiki.

1 Coríntios 3:13

Nai anua nukũ Shanẽ Ibuhaira Jesus hukirã haska hawẽ yusĩa txibaĩ nũ hiwemis nuku tibi shabakabi nuku unãti washanikiki. Hanu nuku unãti waitianã, nukũ hiwea inũ nũ hawẽ taea nũ dayamis txiwẽ nuku unãti washanikiki.

1 Coríntios 3:14

Tsuara hiwe kuxipa txĩ menuisma keska hiwemisburã, hawa txĩ menuismawẽ taea hatũ manakuti pepa bishãkanikiki.

1 Coríntios 3:8

Hamẽ maturã, Deusũ hawẽ kakape heshe banamis keska mã hawẽ baiki. Hakia nukurã, nũ bai anu dayai keskakĩ nuku dasibibũ nũ Deus merabewakubainaii. Betsabũ kakape banai inũ betsabũ naximabiaya hamapai daya nuku yunua dasibibũ nũ pe akubainaiwẽ taeshũ Deusũ nuku pakakĩ manakushanikiki, nukũ daya tibi pepawenã. Hunibũ hiwe wamis keska wakĩ Deusũ matu wakatsis ikĩ

2 Coríntios 10:18

Hanua ibubis hawẽ xinãnẽ besti hamẽmẽ keaĩnã, Deusũ abuama hume humepamiski. Hakia tsuara ha nukũ Shanẽ Ibukiri pe hãtxairã, hakiri pe xinãkĩ kẽwãmiski.

2 Coríntios 10:9

Na kene ẽ matu bumaiwenã, hawẽ taeshũ matu datẽnũ, iwanã, ẽ matu bumamaki.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.

Santiago 4:11

Ẽ betsabu inũ ẽ puibuũ, betsabũ ikũwaĩbu betsabukiri hawara txakabu nĩkatã yura betsabu yuibaũkĩ mã habu yuaiĩ, hatukiri haskatimabiakenã. Txanima Deusũ nuku yusĩkĩ: “Matũmebi mã nuimis keskakĩ yura betsa betsapa tibiwẽ nuikĩ hatu duawakubaĩkãwẽ”, iwanã, nuku yusĩniki. Haskakẽ tsuabũra ikũwaĩ betsabu txitekĩ Deusũ yusĩa txiteriakĩ haratura yusĩa mã abuamabia hawẽ besti hatu unãti wakĩ mã hatu txiteakeakeaii, matũ yunukĩ akawakinã. Hatu haska wai mã daki ana Deusũ yusĩa txibãkatsi ikama danaĩ mã haki meseamaki, hawẽ yunutikirã, Deusũ abiashanayarã.

Santiago 5:7

Ẽ betsabu inũ ẽ puibuũ, nukũ Shanẽ Ibu ana hushanaya hĩ hĩ ikama tenetã manakakubaĩkãwẽ. Haska keskariakĩ bai wanikatũ hawẽ yunu banaima tsekashanũ, iwanã, ui ikai manamiski, hĩ hĩ ikamarã.

Santiago 5:9

Ẽ betsabu inũ ẽ puibuũ, Epa Deusũ dasibibu hatu unãti washanai ma hua kemaki. Hau matu hatube unãti watã kupiyamashanũ ana nukũ betsabube ha iki kũyã idabeyamakubaĩkãwẽ.

1 Pedro 1:7

Hanua shanẽ ibuhairai Jesus Cristo ana hushũ matuwẽ benimakĩ hau matu kẽwãshanũ haska ouro mane taxipa txiwẽ pewakĩ has wamisbu keska wakĩ: “Haska mã Jesus ikũwaĩburi pewakĩ matũ xinã mã ma mestẽ matu uĩnũ”, ishũ habũ matu itxakawaibu Deusũ hawẽ matu unãti waikiki. Haska ouro mane taxipa bikatsi imisbu keskakĩ Jesus ikũhairawai txĩtuãma pepakĩ mã hatu binuaiĩ.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.

2 Pedro 3:12

Hanũ hau Deusũ yurabu kupiyunũ manama hawaira hawẽ bakekiri kakape txanikĩ yuibaũkãwẽ, hau samama hurinunã. Hanu ana manama hukinã, nai txiwẽ menuaya ha habuã tsuma txĩ menukĩ metesha niri ishanikiaki.

2 Pedro 3:4

yuka ikĩ: “Cristo yubakai: ‘Ẽ ana hushanaii’, ikainirã, hania? haska mã txanimisrã. Nukũ ibubũ nĩkabaini ma mawanibuki. Haskabia Deusũ mai bawani anu nũ hiwea habiaskas kaikiki”, ikĩ matu yukakubaĩshãkanikiki.

Judas 1:14

Ha dukũ Adãowẽ pakea setewẽ hawẽ baba Enoquetiã ha yurabu txakabukiri bebũkiri Deus hãtxashũkĩ yuikĩ: “Uĩa. Yavé Deus huirã, hawẽ nai tsuma mirima tsuã hati tanatirumaya hushũ

Apocalipse 1:7

Uĩa. Nai anua nukũ Shanẽ Ibu nai kuĩwẽ huai dasibibũ uĩshãkanikiki. Ha dikabi habũ hatu tenãmanibu inũ habũ danãmisbu mai hirabi anu manibaunabũ uĩ datei kashashãkanikiki. Haskashãkanikiki, txanimarã.

Apocalipse 20:12

hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya