João 12:26 - Kaxinawá Bíblia (BR)

²⁶ Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

Kashinawa : Diosun Jesúswen taexun yuba bena yiniki

²⁶ Tsuabunda ea duawakatsi ikinan, jau ea chibankubainunbunwen. Januxun ea chibankin ea duawaibudan, ebe jiwediaxankanikiki. Jaskawen taexun tsuabuda en Epa Diosun jatu duawaya janu en jiwexanai anu ebe idiaxankanikiki, jabun ea duawamisbudan— iwanan,

João 12:26 Referencias Cruzadas

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Números 14:24

Hatũ shinã keskama ẽ tsuma Calebe bestitũ shinãkĩ txanimahaira ẽ hãtxa nĩkakĩ ea ashũkubaĩmiski. Haskawẽ taeshũ hanu hatubetã uĩbaũtanimanu Calebe hau hikinũ ẽ nemama hikishanikiki. Hanua hawenabu pai hiwekubaĩshãkanikiki.

Mateus 16:24

hanua Jesusũ nũ hawẽ tsumabu nuku yuikĩ: —Tsuara eki txiti ikatsis ikirã, haska hamebi xinãmis hakimatã: “Ẽ habe mawatiruki”, ikĩ hau ea txibãkubainũbũwẽ.

Mateus 25:21

hawẽ shanẽ ibũ yuikĩ: “Mĩ ẽ tsuma pehaira kaneismaki. Eskarabes ẽ mia yunubiabaini inãnanãkĩ hawa benuama mĩ pe mekekĩ kaneama ixiãwẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Marcos 8:34

hanushũ Jesusũ hawẽ tsumabu inũ yurabu habe buaibu kenashũ yuikĩ: —Tsuabura eki txiti ikatsis ikirã, hamebi haska xinãmis hakimatã: “Bika tenei ẽ hawẽ taea mawatiruki”, ikĩ hau ea txibãkubainũbũwẽ.

Lucas 12:37

Hanũkaĩ hatiã huimẽkainã? yamenapũ kasmai takara keui taeaya kasmai hiwe ibu hukĩ hawẽ tsuma ushabuma betxituxiaya hawẽ tsumabu benimahairashãkanikiki. Hanushũ hiwe ibũ hawẽ tsumabu duawakĩ hau habetã pinũbũ hatu bashti imatã hatu pimashanikiki.

Lucas 6:46

Jesusũ hatu yusĩkubaĩkĩ yuikĩ: —Shanẽ Ibuũ, Shanẽ Ibuũ, akĩ mã ea kenabiamis haskakĩ ẽ matu yusĩa mã aismamẽ?

Lucas 9:23

hanushũ yurã kaiã hatu itxawashũ hatu yusĩkĩ yuikĩ: —Tsuabũra ea txibãkatsis iki ibubis hawenakiri haska xinãmis hau ana haska xinãyamakubainũbũwẽ. Haska inũ, “Bika tenei Jesuswẽ hawa dakeama ha keskai ẽ habe mawatiruki”, hau ikubainũbũwẽ.

João 10:27

Ẽ txashuwanẽ ea unãkĩ ẽ hui nĩkakĩ ea txibãbainaibu eãri ẽ hatu unaiĩ.

João 13:16

Ikũkĩ ẽ matu yuiai nĩkakãwẽ. Dayakapã hawẽ tsuma binuĩsmaki. Haska inũ, tsuara yunua hawẽ yunua ashũkĩ binuĩsmariki.

João 14:15

ana nuku yuikubaĩkĩ: —Txanima mã ea abuairã, haska ẽ matu yusĩkĩ yunumis xinãkĩ ẽ hãtxa mã txibãkubaĩshanaii.

João 14:3

Hanu maturi ka ẽ hiweai anu mã iriatiruwẽ taea kashũ bebũkiri ẽ matu pewashuĩ kashanaii. Ana hushũ ẽ matu iyushanaii, hanu nũ hiwenũbunã— itã

João 15:20

Ẽ matu yuishurã, xinaĩrakãwẽ: “Dayakapã hawẽ tsuma binuismaki”, akĩ ẽ matu yuishuki. Haskakẽ ea itxakawanishũ habiabũri maturi itxakawashãkanikiki. Hakia betsabũri ẽ hãtxa nĩkanishũ matũ hãtxari nĩkakĩ ariashãkanikiki.

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

João 21:22

Jesusũ kemakĩ: —Shanẽ ibui ẽ ana huriamakenã João hiwea mawamas ishanai keska ẽ xinaĩ hawẽ dabanã iyamawe. Mianã, haska ẽ mia yunumis besti akubaĩkĩ ea txibãpakeshãwẽ —akĩ Jesusũ Pedro yuiniki.

Romanos 1:1

Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.

Romanos 14:18

Ma haska hiwekĩ Cristo duawakĩ hawẽ Epa Deus benimawaya yurabũri matu uĩkĩ kẽwãtirubuki.

2 Coríntios 4:5

Haska inũ, mai damiwakĩ Deusũ yuikĩ: “Mexu anua hau shabayunũwẽ”, anishũ habiatũri nukũ huĩti anu shaba peshani keska wakĩ Deusũ Cristo nuku unãmaya hawẽ kaka pepa Cristokiri nũ shabakabi matu unãmakubainaii. Haskakẽ yusĩkĩ: “Jesus Cristo nukũ Shanẽ Ibu kayabiki”, ikĩ, “Jesus Cristo abuhairakĩ nũ matũ dayaru bestiki”, ikĩ shabakabi dasibibuki txani ibubis nũ keĩsmaki.

2 Coríntios 5:8

Na nukũ yura nũ henebaĩshanaii, nukũ Shanẽ Ibube hiwei kakinã. Hawa dateama punu nukama nũ hiweyukũkainaii.

Gálatas 1:10

Matũmebi xinã pewakãwẽ. Tsua ẽ benimawaimẽkainã? Ea ikirã, yurabu ẽ datã akĩ kẽwãmakatsi ikamaki. Hakia Deus besti datã akĩ ẽ hatu kẽwãmakatsis ikaii, yurabũ hau ea kẽwãnũ hatu abumairã. Haska abuaibu keska ẽ hatubetã pewakeanaii. Hatubetã haska akirã, ẽ Cristõ tsuma ikeanamaki.

Filipenses 1:23

Eã ibubis haska dabe ẽ katuarã, bikahairaki. Ẽ xinãnã, mawatã ẽ Cristobe ma hiwei kai pehairaki, enarã.

Colosenses 3:24

Ha inũ, nukũ Shanẽ Ibu Cristo matũ yununika kayabitũ matu yunua nĩkakĩ mã ashũkĩ mã benimawamisrã, ana matu manakukĩ itxapa matu binumakĩ haska yubakani hiwekuĩa matu inãshanai mã ma unaiĩ.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

1 João 5:3

Deus nũ abuairã, hawẽ yunuti inũ hawẽ nemati nũ txibãkubainaii. Hawẽ yunuti txibaĩnã, shãkamama bikamaki.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.