Mateus 6:2 - Kaxinawá Bíblia (BR)

² Haskakẽ nuitapaibu mã merabewairã, tsua hatu banabimakĩ shabakabi hatu uĩmakĩ pawayamakubaĩshãkãwẽ. Hakia habu beparamemisbũ nuitapaibu hatu merabewakĩ hau yurabũ ea kẽwãnũbũ, iwanã, itxati hiwe anushũ inũ bai namakishũ hawara hatu inãkĩ shabakabi wamisburã, yurabũ manakuti ma hayabuki. Haskawẽ taeshũ ikũ kẽmisbu Deusũ ana hatu kẽwãma ishãkanikiki.

Kashinawa : Diosun Jesúswen taexun yuba bena yiniki

² Jaskaken nuitapaibu man medabewaidan, tsua jatu banabimakin xabakabi jatu uinmakin pawayamakubainxankanwen. Jakia jabu bepadamemisbun nuitapaibu jatu medabewakin jau yudabun ea kenwanunbun, iwanan, ichati jiwe anuxun inun bai namakixun jawada jatu inankin xabakabi wamisbudan, yudabun manakuti ma jayabuki. Jaskawen taexun chanima kenmisbu Diosun ana jatu kenwanma ixankanikiki.

Mateus 6:2 Referencias Cruzadas

Salmos 37:21

Huni txakabũ tsuara ea akĩ hawẽ hawara biãyutanã, hawa ana inãkĩ pakanũ, iwanã, shinaĩsmaki. Hakia huni pepatunã, nuikĩ hawẽ hamapai yaushiama ha haya hatu inãmiski.

Provérbios 19:17

Nuitapaibu merabewakĩ hau hawẽ dayanũ mã hatu pei inãyumisrã, Senhor Deus mã inãyua keskaki. Nuitapai pewaima keska wakĩ Senhor Deusũ manakukĩ ana inãshanikiki.

Provérbios 20:6

“Hatube yubakatã betsa wama ẽ menemiski”, iki itxapabu hãtxabiamisbukẽ txanima tsuã haskatã menetirubumaki. Haskawẽ taeshũ hunĩ hawara akĩ menemis benakĩ tsuã hania betxitirubumaki.

Isaías 58:7

Tsuabura buniaibu matũ piti pashkashũ hatu pimakãwẽ. Nuitapai hiweuma mapuabu matũ hiwetã hatu ishũ hatu ushãkãwẽ. Tsuara tariuma matũ tari betsa hatu sawemakãwẽ. Minabu kayabi hatu merabewakĩ heneyamakubaĩkãwẽ.

Mateus 15:7

—Bebũkiri Isaías mã beparamenikabukiri Deusũ yuimakĩ:

Mateus 16:3

Hanua penayari yuikĩ: “Ikis nai taxipa ma nai kuĩ mexu mexuikiki. Natiã ui bekatsis ikikiki”, ikĩ haska ui inũ niwe bemis unãbiakĩ hanu hawẽ txakabu kupititiã ma kemai ẽ matu yusĩtxakayamabiakubaina hawẽ unãmati mã uĩtirumamẽ?

Mateus 22:18

haki beparameaibu Jesusũ unãkĩ hatu yuikĩ: —Beparamenikabuũ, hãtxa pewẽ mã ea beparanũ ika ikanai?

Mateus 23:5

Ha inũ, “Deusũ hãtxa ẽ txibãhairai uĩkĩ dasibibũ hau ea kẽwãnũbũ”, ika tari txaipa dauya panã panãyã sawetã Deusũ hãtxa kene bitxi bau pixtaki nanea bitxiwẽ neshea betũku anu sawekĩ netãtã pũti anuri netãriatã hau ea uĩnũbũ ika hatu kẽwãmai mapumisbuki.

Mateus 23:6

Ha inũ, pi itxashũ shanẽ ibu dapishũ pinũ, iwanã, benamisbuki. Ha inũ, hanu itxati hiwe anu hikikaĩ haki tsauti pepa hanu dasibibũ hatu uĩtirubu anu tsaukatsis imisbuki.

Mateus 24:51

manaka txakabube kupihairashanikiki, beparamemisbubetã hau bika tenehairai kashai sheta yẽsh yẽsh anunã— iwanã,

Mateus 5:18

Txanima nai anua inũ mai keyuriamakẽ Deusũ hãtxa yuishunikabubetã haska Moisés hatu yusĩni hãtxa ikũnã, eã ẽ matu yuiairã, hawa tsuã nemakĩ inũ hawa betsa wama hãtxa tibi menepakeshanikiki.

Mateus 6:16

—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.

Mateus 6:3

Nuitapaibu merabewakĩ tsua yuiyamakubaĩshãkãwẽ, mĩ haibuhaira yuikĩ unãmamarã.

Mateus 6:5

ana hatu yuikĩ: —Ha inũ, betsarã, ha hatũmebi kẽmisbũ itxati hiwe anu kasmai hemaĩtĩ anu nishũ hau ea nĩkakĩ kẽwãnũbũ ika hui kuxipawẽ Deus kẽwãmisbuki. Haska waibu Deusũ abuama yurabũ besti hatu abumisbuwẽ taea maturã, haskayamakubaĩshãkãwẽ.

Mateus 7:5

Hakia bemakis beparamei hãtxamisbuũ, maturi txakabubia betsã txakabuai uĩkĩ mã ha amiski. Mã hi hirabi betimanabia tsekashũ puta keska watã matũ huĩti meranua matũ txakabu ewapa putatã ana kaneama merabenãkĩ hi pese mĩ haibũ beru anua bia keska wakĩ huni betsã txakabu beshmas hayari merabewakĩ mã yusĩtiruki.

Marcos 12:39

Haska inũ, hanu itxati hiwe anu hikikaĩ haki tsauti pepa hanu dasibibũ hatu uĩtirubu anu tsaukatsis imisbuki. Ha inũ, itxatã pinũ, iwanã, hanu shanẽ ibubu dakai bashti ishũ pimisbu benariamisbuki.

Marcos 7:6

Jesusũ hatu yuikĩ: —Mã yusĩmis keska akama mã beparamemisbukiri ikũ bebũkiri Deusũ matukiri yuikĩ: ‘Na yurabunã, hatũ hãtxawẽ ea kẽwãbiakĩ hatũ huĩtiwẽ ea xinaĩsbumaki. Ha inũ, itxatã hawa ea kẽwãkĩ pewaisbumaki. Hakia hunibũ yunuawẽ besti hatu yusĩkubaĩmisbuki’, aka hawẽ hãtxa yuishunika Isaíasĩ nĩkatã keneniki.

Lucas 11:41

Ha inũ, ha dukũ matũ xinã pewatã Deus duawakatsi ikĩ yauxiama nuitapaibu inãkuĩ mã pepakũkaĩshanaii.

Lucas 11:43

Fariseubuũ, maturã, matũ itxati hiwe anu hikikaĩ haki tsauti pepa hanu dasibibũ matu uĩtirubu anu mã tsaukatsis imisbuki. Ha inũ, bai tanai nia hau ea duawanũbũ, ika kemutapa mã nimiski. Mã haskaya Deus matuki sinatamis mã nuitapaii.

Lucas 12:33

Matũ mabu hawara ma hayawẽ nuiama matũ mabu betsawẽ pei bitã hawẽ nuitapaibu merabewakubaĩshãkãwẽ. Hamẽ ha pei matũ kapãkãki mã arua yumetsubũ bibaĩtirubuki. Ha inũ, hawẽ masãnẽ pesa pesa atiruki. Hakia matũ pei yauxiama mã inãnanãmisbu pewẽ matu kupikĩ nai anua hawa txapui keyuisma Deusũ matu inãshanikiki.

Lucas 12:56

Beparamemisbuũ, haska ui inũ niwe bemis unãbiamisshũ hanu txakabu betsa betsapa kaĩakeakeai uĩbiakĩ haskai mã hiwea matu kupishanai mã unãmamẽ?— iwanã

Lucas 13:15

hanushũ Jesusũ hatu txitekĩ yuikĩ: —Mĩ haska xinaĩ keska minabubetã xinaĩ mã beparamemisbuki. Huĩrukũtitiãbiakẽ matubũ matũ ina awa inũ matũ burro hawẽ nuikĩ tepebaĩ mã hatu ũpash amamiski.

Lucas 20:46

—Deusũ hãtxa kenenibu yusĩnanãmisburã, hatu uĩrakãwẽ. Hatũ tari txaipa hawẽrua sawea mae hemaĩtĩ ewapa praça anu ẽ kawanai ea abukĩ ea kẽwãkĩ hau hãtxa pewẽ ea duawanũbũ ika mapumisbuki. Haska inũ, hanu itxati hiwe anu hikikaĩ haki tsauti pepa hanu dasibibũ hatu uĩtirubu anu tsaukatsis imisbuki. Ha inũ, itxatã pinũ, iwanã, hanu shanẽ ibubu dakai bashti ishũ pimisbu benariamisbuki.

Lucas 6:24

mapuaburi yuikĩ: —Hamẽ maturã, mabuwẽ hiwei keĩ “Ẽ mabu mirima hayaki”, iki tsuabura natiã mã hawẽ benimaii. Hakia uatiã mã nuitapashanaii.

Lucas 6:42

Hakia bemakis beparamei hãtxamisbuũ, maturi txakabubia betsa txakabuai uĩkĩ mã ha amiski. Mã hi hirabi betimana tsekashũ puta keska wakĩ matũ huĩti meranua matũ txakabu ewapa putatã ana kaneama merabewakĩ hi pese mĩ haibũ beru anua bia keska wakĩ huni betsã txakabu beshmas hayari mã merabewakĩ yusĩtiruki— iwanã,

João 5:41

Hawara pepa ekiri yuiaibu besti ẽ nĩkakatsi ikamaki, yurabũ hãtxawenã.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

João 7:18

Hamẽ huni betsa ibubis hatu kẽwãmakatsi ikirã, yusĩnã pepai hawẽruamisbuki. Hakia hatũ ea yununi ẽ matu kẽwãmakatsis ikaiwẽ taea txakabuuma pepa besti yui ẽ txani txakamaki. Haskawẽ taeshũ tsuã ha yusĩakiri ekiri metutirubumaki.

Hechos 10:2

ha huni pepa enayamistũ hawẽ hiwe anu hatube hiweabubetãs Deus kẽwãkubainikiaki, hanushũ judeubu nuitapaibuwẽ nuikĩ merabewanũ, iwanã, hatu pei inãshuni inũ Deusbe hãtxai heneismarã.

Hechos 10:31

ea yuikĩ: “Cornélioõ, mĩ Deusbe hãtxakĩ dayuimis inũ haska dasibi nuitapaibu mĩ merabewamis Deusũ uĩkĩ xinãkubaĩmisshũ ma miwẽ benimaikiki. Haskawẽ taeshũ mia yuinũ nĩkawe.

Hechos 10:4

hakiri besushũ uĩ datehairakĩ yukakĩ: —Shanẽ ibuũ, hawamẽ?— aka hanushũ nai tsumã yuikĩ: —Deus kẽwãkĩ mĩ dayuimis inũ haska dasibi nuitapai hawa hayabuma mĩ hatu merabewamis Deusũ nĩkatã ma miwẽ benimaikiki. Haskawẽ taeshũ mia yuinũ nĩkawe.

Hechos 11:29

Haskaibũ Judéia anushũ ikũwaĩ nuitapaibu hatu merabewanũ, ishũ, yuinametã hatu pei itxawashũkĩ pei itxapayabũ itxapa inãkĩ eskarabes hayabũ eskarabes inãkĩ hatu itxawashũtã hanua

Hechos 24:17

Haska inũ, betsarã, bari itxapa mai hirabi mae tibi kakũkaũtani enabu inãkuĩ hatu beshuĩ inũ Deus kẽwãkĩ txashuwã hatu kuamatanũ ika ẽ ana txĩtũkirãxinaki.

Hechos 9:36

Ha bari haskaitiã mae betsa txaima Jope anushũ aĩbu betsã Jesus ikũwaĩ hawẽ kena Tabita, Grego hãtxawẽ hawẽ kena Dorcasrã, aĩbu duapatũ hawauma nuitapaibu hatuwẽ dabanã ikĩ hatu merabewakubaĩmis

Romanos 12:8

Haska inũ, tsuabura Deus anua xinã txãkãwẽ hatu txibãmatiru kuxipa bitã ikũwaĩbu betsabu merabewakĩ hau Jesus Cristo hatu txibãmakubainũbũwẽ. Haska inũ, tsuãra hawara bitã merabenãkatsis imisburã, yauxiama hau hatu inãkĩ uĩmakubainũbũwẽ. Haska inũ, tsuabura ikũwaĩbu betsabu merabewakĩ meketiru kuxipa wakĩ haya waburã, kaneama hau uĩrakubainũbũwẽ. Haska inũ, tsuabura yura betsa nuitapaibuwẽ nuimis kuxipa haya xinã txãkãwẽ hau hatu merabewariakubainũbũwẽ.

1 Coríntios 13:3

Haska inũ, hamapai ẽ haya inãtã hawẽ pei bitã ha nuitapai yumaĩbu pimai inũ, Jesus Cristo ikũwãkĩ ẽ hawẽ kakape yusĩkubaunaya huni betsã ea atxishũ ẽ nĩkai ea kuabiaburã, ẽ nuikipamakẽ Deusũ ea hawawẽ manakuama ishanikiki.

Gálatas 2:10

Eska besti nuku yununibuki, nuitapaibu nũ hatu hakimayamanũbunã, eã ma ẽ habiaska wabiamiskẽ ana nuku xinãmakinã.

Efésios 4:28

Ha inũ, metimai mã yumetsumisburã, hanũ matũ yumetsu henetã xinã betsa watã hanũ matũ mekenẽ daya xinãbaũ hamapai tibi dayakĩ pawarikãwẽ. Hanushũ ha dabukũ pashkashũ yura nuitapaibu mã hatu inãtirubuki.

1 Tesalonicenses 2:6

Ha inũ, Jesusũ kuxipayakĩ nũ matu yunutirubia matu inũ yura betsabu hau nuku shanẽ ibu wakĩ kẽwãnũbũ nũ hari yunukĩ matu hãtxa wama ikimaki.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

Filemom 1:7

Jesus Cristowẽ ẽ betsaã, mĩ nuikipawẽ taea miwẽ taea benimai ẽ xinã txãkaiĩ, ikũwaĩbu Deusunabu meribi huĩti xinã txãkãwãkĩ mĩ hatu nuikipa wakubaĩmiswẽ taearã.

Hebreus 13:16

Ha inũ, Deus xinã txãkãwanũ, iwanã, ana matũ hamapaiwẽ nuiama pepakĩ ikũwaĩ betsabuwẽ nuikĩ hatu merabewai hawara mã haya itxapa kasmai eskarabes pashkashũ yauxiama hatu inãkĩ heneyamakubaĩkãwẽ, haska wakĩ Deus xinã txãkãwãkinã.

1 Pedro 4:11

Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.

1 Samuel 15:30

Saulũ Samuel ana yuikĩ: —Txanima kanei ẽ txakabushinaki. Hakia ẽ mia yukakĩ ea akaii. Hau Israelĩ enabu inũ hatũ anibu unanepabũ nũ kai uĩkĩ hau ea shanẽ ibuai eki meseyunũbũ haskama ebe kashũ mĩ Senhor Deus ea duawakĩ ea kewãmayui kawe— aka