Mateus 6:1 - Kaxinawá Bíblia (BR)

¹ ana hatu yuikĩ: —Yura betsabu mã merabewai hau matu uĩ bestikĩ kẽwãnũbũ haskayamakubaĩshãkãwẽ. Hakia yurabũ berubi besti mã hatu merabewakĩ duawamiskenã, Epa Deus nai anuatũ hawa ana betsawẽ matu manakuama ishanikiki, kẽwãmarã.

Kashinawa : Diosun Jesúswen taexun yuba bena yiniki

¹ ana jatu yuikin: —Yuda betsabu man medabewai jau matu uin bestikin kenwanunbun jaskayamakubainxankanwen. Jakia yudabun bedubi besti man jatu medabewakin duawamiskenan, Epa Dios nai anuatun jawa ana betsa matu manakuama ixanikiki, kenwanmadan.

Mateus 6:1 Referencias Cruzadas

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Mateus 16:27

Hamẽ ẽ matũ Hutxi Kayabi Iuwarã, ẽ Epã kuxipaya Shanẽ Ibui hawẽ nai tsumabube ana hushũ tsuabũra ea txibaĩ hiwei pemisbu inũ txakabumisbu habu tibi ẽ hatu manakushanaii, pepa inũ txakabuwenã— iwanã

Mateus 16:6

Jesusũ nuku yuikĩ: —Xinaĩrakãwẽ. Fariseubu inũ saduceubũ misi shashawati meseki. Uĩrashãkãwẽ— nuku wa

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Mateus 23:5

Ha inũ, “Deusũ hãtxa ẽ txibãhairai uĩkĩ dasibibũ hau ea kẽwãnũbũ”, ika tari txaipa dauya panã panãyã sawetã Deusũ hãtxa kene bitxi bau pixtaki nanea bitxiwẽ neshea betũku anu sawekĩ netãtã pũti anuri netãriatã hau ea uĩnũbũ ika hatu kẽwãmai mapumisbuki.

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Mateus 5:16

Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,

Mateus 5:46

Hamẽ governo pei bishunikabu txakabubiai duanamemisbu keskakĩ tsuabũra matu duawaibu hatube besti mã duanameaya matuwẽ Epa Deus benimamaki, hawa manakuti pepa matu inãmarã.

Mateus 5:48

Haskakẽ matũ Epa Deus pepa nuikipa keskai maturi pepai dasibibube nuiriakubaĩshãkãwẽ— iwanã,

Mateus 6:16

—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.

Mateus 6:9

Eska watiki, dayuikinã: —Nukũ Epa nai anuatuũ, mĩ kena meribirã, mia duawakĩ hau mia kẽwãkubainũbũwẽ.

Marcos 8:15

Jesusũ bebũkiri hatu banabimakĩ yuikĩ: —Fariseubu inũ shanẽ ibu Herodesĩ misi shasha wati meseki. Uĩrakubaĩkãwẽ— hatu wa

Lucas 11:35

Hakia mã bĩ hayarã, mã mexu merã hiwea keskatirubumaki. Uĩrakubaĩkãwẽ.

Lucas 12:1

Hanushũ Jesus haska waibũ ana mirimahaira haki itxabu hani ni peshũ nĩkatirubumabia nĩkaibũ Jesusũ haki txiti ikabus dukũ yusĩ taewakĩ yuikĩ: —Fariseubu yusĩnanaĩ beparamemisbu misi shasha wati keskabuki. Hatũ yusĩa matuki hikitã matu kanematiruki. Hatũ yusĩa uĩrakãwẽ.

Lucas 12:15

yurã kaiã yuikĩ: —Mã mabuwẽ kemuairã, matu yuinũ nĩkakãwẽ. Mã mabuyabia hatũ matu hiwematirumawẽ taea hamapai mabu xarabu besti abui ha hayanũ ika mã kemukũkainairã, uĩrakãwẽ— iwanã,

Lucas 16:15

Jesusũ hatu yuikĩ: —Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,

João 12:43

Jesus xinãbiakĩ hawenabu kẽwãmayukatsis ikĩ Deuskiri beshmas kẽwãkĩ dateyabi xinãkinã.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

Hechos 3:12

haskaibũ Pedrõ hatu uĩkĩ yuikĩ: —Israelbuũ, haskai nuku uĩ mã e ikanai? Na huni nũ shushawashu benitã nia uĩkĩ nukũ kuxipawẽ nũ ashu mã xinaĩmẽkaĩ? Deus keskakĩ nũ huni pepahairawẽ taeshũ nũ shushawashu mã daka xinaĩ?

Gálatas 6:12

Hi cruzkia mawakĩ nukũ txakabu Cristõ buaniki, haska hari hãtxakatsi ikama ha yusĩnanaĩ parananaĩbũ hau judeubũ hatu dakewakĩ danãkĩ hatu bika tenemayamanũbũ ishũ hau hatukiri pe xinãnũbũ, iwanã, nĩkamas maturi hina kubitxi meshtekatsis ikanikiki. Hatu uĩrakãwẽ.

Hebreus 11:26

Hanushũ Deus ikũwãkĩ hawara Deus yubakani manakĩ Egitonawabũ mabu pepa betsa betsapa Moisés inaĩbuwẽ taea Messias Cristo ha kẽwãma shanẽ ibu wabu hawẽ kẽtiru unãbiai shanẽ ibũ hiwe anua kaĩkaini Deus kẽwaĩ hatũ merabenã Messias Cristo hawenabubetã manakai bika tenei yumãbiai manakuti pepa Deus anua hawa benuama inãshanai Moisés haska katunikiaki.

Hebreus 2:1

Deusũ bakẽ nai tsumabu binuatũ hamebi hatu yusĩni haskakiri hãtxa nũ nĩkanirã, ana hakiri nĩkahairakubainãkãwẽ, ha henetã bai betsawẽ nũ buyamanũbunã.

Hebreus 6:10

Ha inũ, Jesus ikũwaĩbu betsabu merabewai hatuwẽ nuikĩ abukĩ mã Deus abukĩ Deusũ haska abuai akĩ mã benimawamiswẽ taeshũ hawa kanema matũ pepari hakimama matu duawakĩ matu hawa danãma iriashanikiki, haska natiã mã ariakubainaibuwenã.

2 João 1:8

Jesus ikũwãkĩ hawẽ daya nũ amiswẽ taeshũ hau matũ pepawẽ Deusũ matu manakushanai mã bishanai benukatsi ikamarã, txĩtuãma ha parananaĩbu hatu uĩrakubaĩkãwẽ.