Isaías 6:2 - Kaxinawá Bíblia (BR) Hawẽ nai tsuma betsabu serafin txi keska ha mamaki hayaki. Habu tibirã, 6 hawẽ pũyã peiyabuki. Hatũ pũyã peiya dabewẽ hatũ besu bepuabuki. Hanushũ pei dabewẽri hatũ yura bemakis bepuabuki. Hanua pei dabewẽri nuyabaũmisbuki. |
Abrão Deus kẽhairawai hawẽ beyawẽ taea maĩ beua beti ika dakakẽ Deus ana habe hãtxakũkaĩkĩ yuikĩ: —Nĩkawe, ẽ mibe yubakairã. Eanã, ẽ mia yubaii. Miwẽ taeshũ minabu shukua betsa betsapabu itxapahaira ẽ hatu pahairawashanaii. Hanua miarã, mĩ hatũ shenipabu inũbariaii.
haskai nĩkatã hawẽ datei Elias hawẽ yabukutiwẽ hawẽ besu beyabukutã tashnikirã kini kesha nikẽ, hãtxa tashnikĩ yuikĩ: “Eliasiĩ, mĩ hawa shinãbirãshina hanu nia ikai?” aka
shanẽ ibuhaira Acabeki dateama Micaíasĩ yuikĩ: —Haska mĩ ekiri hãtxaiwẽ taeshũ Senhor Deusũ hãtxa nĩkawe. Hawẽ shanẽ ibuhaira tsauti anu Senhor Deus tsaua dasibi hawẽ mekenika nai tsumabu ha namã itxa hatiri hawẽ tae yusiuri mapuabu inũ hatiri hawẽ tae yusmauri mapuabu Senhor Deusũ hatu yuikĩ: “Ramote-Gileade mebinũ ika Síria nawabube detenamei hau tĩ ika mawashanũ tsua mã kai, Acabe parainã?” hatu wa betsã hatũ shinã tibi besti yuiaibũ betsãri hatũ shinã betsakiri yuiriaibũ hakia atimas yushĩ betsa Senhor Deus bebũ nishũ yuikĩ: “Ea ẽ katiruki”, aka Senhor Deusũ kemakĩ: “Mĩ haskatã aki kai?” aka yushinẽ kemakĩ: “Hau txanitxakanũbũ kashũ shanẽ ibuhaira Acabẽ mĩ hãtxa yuishunikabu tibiki hikitã ẽ hatu txanitxakamai kaii”, ikai nĩkatã Senhor Deusũ yuikĩ: “Parãkĩ Acabe mĩ binushanaii. Haska mĩ yuiai keska ashũtãwẽ”, aka huai ẽ uĩshuki.
Hanua shaba betsatiã Senhor Deus bebũ hau benũbũ hawẽ nai tsumabu hatu kena bei itxabũ habiatiãri nai tsuma itxakanika Satanásri hua hatube nikẽ
Ibubis hawẽ tsumabũ Deusũ hau hatukiri pe shinanũ, iwanã, hamẽ ea atirubuki. Habiaskari wakĩ hawẽ nai tsumabũ kanetiruburi Deusũ unaĩkiki.
ana yuikĩ: —Ẽ mĩ shenipabũ mekenika yushĩki. Abraão inũ, Isaque inũ, Jacó ea nĩkakubainiwẽ taeshũ duawakĩ ẽ hatu mekekubainiki— akaya Deus uĩ Moisĩ datekĩ hawẽ mekẽnẽ hawẽ besu atximakẽ
Haska uĩkĩ ẽ shinãbiaya habiatiãri ha serafin txi hi ikai betsa ẽ nia anu nuyakirã hawẽ mane tsumatiwẽ txi tsistu txi tapu anua tsumabirã
Habũ pũyã peiyarã, daberã, manaũri peshaki. Dabe betsarã, pei meshti ibaunaki. Ha pei dabewẽri ha tibitũ hatũ yura bepuabuki.
Haska uĩkĩ ẽ nĩkaya hatũ peiwẽ mapua buirã, hene bai mata txakayama kushipamis keska hawẽ huiki. Ha haskarã, Deus kushipa dasibi binuatũ hui keskai inũ, detenamenikabu mirimahaira kushibainaibu keska habũ pei shũ shũ ibaini ha hiweabu haskabaini niti ika mapua niti itã hatũ pei utsi waibũ
Ea meaya nortekiria niwewã kushipahaira meshu mayakabirani beai ẽ uiãyã nai kuĩ anua kana bakai keskai txi tashnibirani puabaunaya txashahaira baka baka ikai merã mane txasha txasha ikai keska
hikishũ txi tsistuki hawẽ Deus kẽwãti inĩti dau Zacariasĩ hatu kuashunaya hemaĩtĩ anushũ yura itxapabu itxashũ Deus kẽwaĩ dãti ika maniabũ
Hakia hawẽ nai tsumabukiri yuikĩ: “Ẽ daya hau ea ashunũbũ niwe birenepa inũ txi here kuxipa keska wakĩ ẽ nai tsumabũ hau daya betsa betsapa ea habuã ashũkubaĩshanũbũ ẽ hatu yununiki”, anikiaki.
Hanua ana betsa tashniai ẽ uĩayã nai tsuma betsa nai natukanu nayakaũkĩ Deusũ hãtxa kakape bunikatũ mai anu hiwebaunabu nawã mai pakea tibi anu inũ, yurabu shukuabu tibi anu inũ, hãtxa tibiyabu anu inũ, mae tibi anu hiwebaunabu hãtxa ikibi ika hatu yuinũ ika
hatibu seis pũyã peiya habũ yura hirabi hawẽ berunati txasha dakabũ bariri inũ mexu merã Deus kẽwãkĩ habũ heneisbumã yuikĩ: “Mĩ pepahairaki. Mĩ dasibi kuxipa binuaki. Mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana mĩ butushanai nũ unaiĩ”, ikĩ
dasibi Deusũ nai tsumabu inũ, habu hiwea dabe inũ dabe inũ, ha 24 mekenikabu hatibu shanẽ ibũ tsauti anu mapubaunabu Deusũ besuuri maĩ beti ishũ kẽwãkĩ
hanushũ ana uĩkĩ ẽ nĩkaya tete ewapa nai natukanu nuyakawãkĩ hunĩ hui kuxipa keskawẽ yuikĩ: “Huaai, huaai, nai tsuma dabe inũ bestitũ habũ hatũ trombeta hawaira txã akaya dasibi na mai anu hiweabu nuitapai yumãshãkanikiki”, ikaya