Isaías 6:1 - Kaxinawá Bíblia (BR)

¹ Ha baritiã Uzias shanẽ ibuhaira mawaya Senhor Deus ẽ uĩmakiri matu yuinũ nĩkakãwẽ. Hawẽ tsauti keyatapahaira anu tsaua hawẽ Templo kesha tari di akĩ keyubima tsaua ẽ uĩmaki.

Isaías 6:1 Referencias Cruzadas

1 Reis 22:19

shanẽ ibuhaira Acabeki dateama Micaíasĩ yuikĩ: —Haska mĩ ekiri hãtxaiwẽ taeshũ Senhor Deusũ hãtxa nĩkawe. Hawẽ shanẽ ibuhaira tsauti anu Senhor Deus tsaua dasibi hawẽ mekenika nai tsumabu ha namã itxa hatiri hawẽ tae yusiuri mapuabu inũ hatiri hawẽ tae yusmauri mapuabu Senhor Deusũ hatu yuikĩ: “Ramote-Gileade mebinũ ika Síria nawabube detenamei hau tĩ ika mawashanũ tsua mã kai, Acabe parainã?” hatu wa betsã hatũ shinã tibi besti yuiaibũ betsãri hatũ shinã betsakiri yuiriaibũ hakia atimas yushĩ betsa Senhor Deus bebũ nishũ yuikĩ: “Ea ẽ katiruki”, aka Senhor Deusũ kemakĩ: “Mĩ haskatã aki kai?” aka yushinẽ kemakĩ: “Hau txanitxakanũbũ kashũ shanẽ ibuhaira Acabẽ mĩ hãtxa yuishunikabu tibiki hikitã ẽ hatu txanitxakamai kaii”, ikai nĩkatã Senhor Deusũ yuikĩ: “Parãkĩ Acabe mĩ binushanaii. Haska mĩ yuiai keska ashũtãwẽ”, aka huai ẽ uĩshuki.

Jó 42:5

Uatiã mikiri yusiaĩbu nĩka bestikĩ haska bestiwẽ ẽ mia unãkubaĩshinaki. Hakia natiã ibubis miki nukutã ẽ beruwẽ ẽ mia uiaiĩ.

Salmos 46:10

“Ea kẽwãkĩ ea unãti wakãwẽ!” Earã, ẽ Senhor Deuski! Hiwebaunabu mamaki ẽ ea hiweaki! Mai hirabi mamaki ẽ niaki!

Êxodo 24:9

hanua Arão inũ, Nadabe inũ, Abiú inũ, 70 Israelĩ enabu shanẽ ibubu hatu iyui Moisés ana mapekeshũ

Isaías 1:1

Haska ikũkaĩshanai Amozĩ bake Isaías nama keskawẽ Deusũ hawẽ hãtxa shabakabi bebũkiri unãmanikiaki, hawenabu Judákiri inũ hatũ maewã Jerusalémkiri hatũ shanẽ ibuhairabu Uzias inũ, Jotão inũ, Acaz inũ, Ezequias Judá anu habu shanẽ ibuhairakubainaibutianã.

Isaías 66:1

Hanushũ Senhor Deusũ ana hatu yuikĩ: “Nai anurã, hanu shanẽ ibui ẽ tsaumiski. Hamẽ maikirã, ẽ tae ẽ hanu kẽyãmiski. Ea hanu huĩrukũmanũ ishũ hani tsuã ea duawakĩ shaba betsa anu ea hiwe washũtirumẽ? Tsuã atirumaki.

Ezequiel 1:1

Ha shaba 5 inũ, ushe 4 inũ, ano 30tiã Babilônia anu Nabucodonosorĩ enabũ hatu iwenibube ea Ezequiel ẽ hiwea shaba betsatiã hene hawẽ kena Quebar kesha anu ẽ nikẽ nai bepemanakainai anua nama keskakĩ Deus ẽ uiniki.

Números 12:8

Habe hãtxairã, beisinãbukuĩ ẽ habe hãtxamiski, hãtxa shabakabiwenã. Haskai ea uĩ ebe beisinãbiamiskẽ haki dateama mã haki hãtxa txakabui ikai?” hatu wai

Mateus 25:31

na miyuiwẽ nuku ana yusĩ pewakĩ: —Ẽ matũ Hutxi Kayabi Iuwa Shanẽ Ibu txashahaira hui ẽ nai tsumabube hushũ yurabu hãtxa betsa betsapa tibi shukuabu unãti watanũ ika Shanẽ Ibũ tsauti pepaki ẽ tsaukẽ

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

João 12:41

Hanushũ Isaíasĩ namai keskakĩ Jesusũ kuxipa uĩtã hakiri txanikĩ hatu keneshuniki.

1 Timóteo 6:16

Ha ibubis mawatiruma inũ, ha besti hiwemis shaba txashakapa hiweaki tsua hari haki kematirumarã, tsuã uĩtiruma inũ tsuã uĩnakama hiweaki. Haskakẽ hawẽ kuxipa pae nukaisma duawakĩ hau kẽwãpakenũbũwẽ, niti ikamarã. Haskakirã.

Apocalipse 15:8

Deus kuxipa duapahaira txi kuĩ keska hawẽ meribi dĩtu mata anua huikiki. Ha sete nai tsumabu habu tibitũ itxakawatiwẽ yurabu itxakawakĩ keyuriabumakẽ Deusũ Templo anu yane hikitirubumaki.

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.

Apocalipse 4:10

ha 24 mekenikabũ kẽwãriakĩ dãti ishũ shanẽ ibuhairawakĩ habũ hatũ ouro mane maiti mabikitã inãkĩ hawẽ tae namã mãtxĩtã yuikĩ:

Apocalipse 4:2

hawaira ea betsa watã ẽ yushĩki dasitã ea uĩma nai anu inashũ ẽ uĩshu matu yuinũ nĩkakãwẽ. Hari Shanẽ Ibu haki tsautiki nukũ Epa Deus tsauwa ẽ uĩshuki.

Apocalipse 4:3

Ha tsauwa hawẽ yurarã, jaspe keska kasmai sardônica keska nẽkati karuhaira txashahaira bakamana bakamana ikaya hawẽ tsauti kesukawana namakis nawã bai tapia esmeralda nẽkati nãketapa keska txasha txasha ikikiki.

Apocalipse 4:9

Deus niti ikama hiwea ha dabe inũ dabe hiweabũ hamapai pepa hakiri xinãkĩ hawẽ pepakiri yuikĩ kẽwaĩbũ

Apocalipse 5:1

Hanushũ ẽ nĩkaya una sebi kene dabeya uke merã inũ bemaki keneya sete hawẽ tsamia tsuã hune mekĩ bepẽtiruma inũ txureriama unãtiwẽ tsami dakabirana Deus hawẽ tsautiki tsaushũ hawẽ mekẽ yusiuriawẽ tsuma ẽ uĩayã

Apocalipse 5:7

Hanushũ txashuwã bake ha Deus hanu tsau anu kemashũ hawẽ mekẽ yusiuri anua una sebi bitã tsumakẽ

Apocalipse 6:16

haki hunenũ ishũ mati inũ mixkipãwãbu yuikĩ: “Hanu kupi ma hua tsuã nematirumaki. Epa Deus hawẽ shanẽ ibũ tsautiki tsauwa inũ hawẽ bake txashuwã bake nukuki sinataiwẽ taea nuku hunei nukuki di irikãwẽ.