Apocalipse 14:6 - Kaxinawá Bíblia (BR)

⁶ Hanua ana betsa tashniai ẽ uĩayã nai tsuma betsa nai natukanu nayakaũkĩ Deusũ hãtxa kakape bunikatũ mai anu hiwebaunabu nawã mai pakea tibi anu inũ, yurabu shukuabu tibi anu inũ, hãtxa tibiyabu anu inũ, mae tibi anu hiwebaunabu hãtxa ikibi ika hatu yuinũ ika

Kashinawa : Diosun Jesúswen taexun yuba bena yiniki

⁶ Janua ana betsa taxniai en uianyan nai tsuma betsa nai natukanu nayakaunkin Diosun jancha kakape bunikatun mai anu jiwebaunabu nawan mai pakea tibi anu inun, yudabu xukuabu tibi anu inun, jancha tibiyabu anu inun, mae tibi anu jiwebaunabu jancha ikibi ika jatu yuinun ika

Apocalipse 14:6 Referencias Cruzadas

Gênesis 1:6

Ha katxu Deusũ damiwakĩ ana yuikĩ: “Natukã watã hene pashkakĩ meribi watã hau haskanũwẽ”, anikiaki. Deusũ haska watã natukã wakĩ heneri pashkatã haska washũ meribi natukã namã hene washũ manaũriari nai anuri hene warianikiaki.

Salmos 139:24

Haratu baiwẽ ẽ kai uĩkĩ ẽ bai txakabuwẽ kai unãtã ea pekiri iyukĩ mĩ hiwea bai ikibi ikakiri ẽ hawẽ kanũ ea mekekubaĩwẽ.

Isaías 40:8

Basi txushiaya hua utsi shanamiski. Hakia nukũ Deusũ hãtxarã, ha besti hawa betsama mestẽ ipakenũbarikiki”, ikĩ

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 6:2

Hawẽ nai tsuma betsabu serafin txi keska ha mamaki hayaki. Habu tibirã, 6 hawẽ pũyã peiyabuki. Hatũ pũyã peiya dabewẽ hatũ besu bepuabuki. Hanushũ pei dabewẽri hatũ yura bemakis bepuabuki. Hanua pei dabewẽri nuyabaũmisbuki.

Daniel 4:1

Bari betsatiã dasibibũ hau tapĩshanũbũ Nabucodonosorĩ hatu banabimakĩ yuikĩ: “Yurabu dasibi inũ shukuabu betsa betsapa tibi inũ, hãtxa betsa betsapawẽ hãtxamisbu mai hirabi anu hiwebaunabu hawa nuitapama unanuma mã hiwekubaĩshanũbũ ea ẽ shanẽ ibuhaira Nabucodonosorĩ matukiri ẽ shinaiĩ.

Mateus 10:27

Hakia hawara ẽ matu besti yuiai huneama shabakãshũ hatu yuibaũshãkãwẽ. Ha inũ, dĩtu merã hikitã hawẽ beputi bepua keska watã hamapai hune ẽ matu yuimis hemaĩtĩ anushũ hãtxa kuxipawẽ shabakabi hatu yuishãkãwẽ.

Marcos 16:15

hatu yunukĩ: —Mai hirabi anu bukĩ Deusũ kakape ekiri dasibibu hatu yusĩkubaĩshãkãwẽ.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

1 Pedro 1:25

Hakia Yavé Deusũ hãtxarã, betsai keyuisma ipakeai hayaki”, aniki. Na habias hãtxa Jesuskiri kakape hakiri datã aki hawẽ yuinika betsabu matuki txanirianibuki.

Apocalipse 10:11

hanushũ nai tsumabũ ana ea yuikĩ: “Deusũ mia ana yunuairã, mia yuinũ nĩkawe. Mae betsa betsapa anu hiweabukiri inũ, nawa mai pakea betsa betsapakiri inũ, hãtxa tibi hãtxaibukiri inũ, shanẽ ibu kuxipahaira betsa betsapakiri hawẽ hãtxa bena shabakabi hatu keneshũkĩ haska Deusũ hatu haska washanai hatuki txaniriwe”, ea wa ẽ nĩkashuki.

Apocalipse 10:7

Ha sete nai tsumabu hawẽ henea sétimõ hawẽ trombeta txã akaya Deusũ tsumabu hawẽ hãtxa yuishunikabu haska inũbariaikiri Deus hune yubakapauni ma hatishũ besti meneshanikiki”, ikaya

Apocalipse 13:7

ha dikabi yuxibu sheanã hau Deus txibãkĩ Jesus ikũwaĩbube detenamei hau hatu maemanũ kuxipa inãkĩ yunutã yura betsa shukuabu tibi inũ, mae tibi hiwebaunabu inũ, hãtxa tibi yuiaibu inũ, nawa mai pakea tibi anu hiweabu shanẽ ibukũkaĩwẽ, ikĩ hãtxa wakĩ menekẽ

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ

Apocalipse 8:13

hanushũ ana uĩkĩ ẽ nĩkaya tete ewapa nai natukanu nuyakawãkĩ hunĩ hui kuxipa keskawẽ yuikĩ: “Huaai, huaai, nai tsuma dabe inũ bestitũ habũ hatũ trombeta hawaira txã akaya dasibi na mai anu hiweabu nuitapai yumãshãkanikiki”, ikaya