Isaías 6:3 - Kaxinawá Bíblia (BR)

³ Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

Isaías 6:3 Referencias Cruzadas

Esdras 3:11

betsabũ kẽwaĩ kãtaibũ betsabũri kemakĩ: “Senhor Deus pepaki. Israelĩ enabu betxipai nuimis hawẽ nui keyutimahairaki. Pepawakĩ benimawanãkãwẽ”, ikubainaibũ Senhor Deus kẽwãti hiwe bena wakĩ ma taewaibuwẽ taea yurã kaiã benima txakayamai sai sai ikĩ Senhor Deus kẽwãkubainaibũ

Salmos 8:2

Bakebu inũ bakeishtahaira txutxu akaibũ mia kẽwãkĩ pashati hiwe keska waibu nĩkatã mia haska waibu betxipaiama habu miki sinatamisbuwẽ taeshũ ha txakabubu inũ nĩkaisbuma mĩ kushipahairawẽ mĩ hatu dakewama harakiri yuitima ishãkanikiki.

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Isaías 40:5

Mã ma haska washũkẽ hanushũ Shanẽ Ibũ hawẽ kushipa pepa hatu uĩmai huaya dasibi yurabu haki itxashũ uĩshãkanikiki. Hamebi Shanẽ Ibũ haska yuikiki”, ikaya

Isaías 54:5

Mia hatũ dami wanitũ natiã ana miki nukukĩ mia aĩwãkĩ akawatã mia haska duawakĩ dasibi mĩ hiwea betsahaira washanikiki, hawẽ kena Dasibi Kushipa Binuhaira Senhor Deusũnã. Mĩ mebikinanika Israelĩ Deus meribi ha dasibi mai hirabi dami wani Deusũnã, mia haska washanikiki.

Habacuque 2:14

Ha haskaitianã, mai hirabi anu hiwebaunabu dasibibũ Senhor Deusũ kushipakiri unãshãkanikiki, ianẽwã matai dasibibũ uĩmisbu keskairã.

Números 14:21

Hakia ẽ hiwea inũ ẽ kushipa mae hirabi anushũ uĩmisbuwẽ taea haska ẽ mia yuiai txanima kayabiki.

Efésios 1:18

Deus matu yukashũkinã, Deusũ hau matũ xinã hunemawatã shabakabi nĩkamakĩ manakamanũ inũ, hau tsuabura hawenabu kayabi katutã hawẽ pepawẽ duahairawakĩ matu unãmashanũ ẽ matu yukashũmiski.