Isaías 49:10 - Kaxinawá Bíblia (BR)

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 49:10 Referencias Cruzadas

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Isaías 33:16

haburã, txanima hatũ hiwea mestẽki. Hanu pashai hiwei meketiruburã, hatũ hiwe kushiparã, mishki hiweki. Habu hiweabu anurã, piti hamẽ ikai inũ ũpash hawa yupama ishãkanikiki.

Isaías 35:6

Mestẽtiya tiri iki mapuabu txashu ishtxumisbu keskai bĩtu bĩtu itã titi ishãkanikiki. Huyubu hãtxa pesei sai sai ishãkanikiki. Hanu tsua hiweabuma anu mai tsusĩ anua hene tuebaini pashkukaini kushibaĩshanikiki.

Isaías 35:7

Hanu tsua hiweabuma anua betsai iã tsaushanikiki. Mai tsusĩhairabia hanu pashku debu itxapa hayashanikiki. Natiã hanu kamã inu besti hiwemis anurã, tsu ati tawa inũ ha una wati basi pepa beneshanikiki.

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 41:17

Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Isaías 43:19

Eanã, mã haska hiweisma betsa bena ẽ matu ashuaĩ natiã tashniai ibubis mã uĩshanaii. Hanu tsua hiweabuma anu ẽ matu bai pesashũshanaii. Ha mai anu hawa hukuĩsma anu hene tuekĩ ẽ habawashanaii.

Isaías 52:12

Habu mã kaĩbaĩshanaiburã, Israelbũ Senhor Deusũ matu keshea akekebainaiwẽ taea kairã, hĩ hĩ iki hawaira kaĩbainama inũ hunebaini pashayamashãkãwẽ.

Isaías 54:10

Mati matipa ibubis maebiai inũ mawa matekei niri ibiaya hakia ẽ nui ikibi ika miwẽ taearã, hawa betsai maetiruma inũ ẽ yubakani hawẽ unanuma hiwemati hawa betsa wakĩ ẽ maewatirumariki’ ”, iki Senhor Deus miwẽ nui hãtxaikiki.

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Isaías 58:11

Mã haskakenã, earã, matube ketashamea matu mekekubaĩkĩ hanu buniaibutiã mã pinũbũ hanu tsua hiweabuma anu piti hamẽ ikai ẽ matu washũshanaii. Matũ yura babuaya ẽ matu ana kushipa washanaii. Mã mibã bana matu nashima keska wakĩ ẽ matu duawashanaii, txatxa ũpash hawa hene netsutima keska wakinã.

Jonas 4:8

bari mapekeaya bari huaikiria niwe shanabiri ikai Deusũ shũku imabirana hawẽ bushka barĩ kuahaira Jonas unãyamasi mawakatsis ikĩ yuikĩ: —Haskarã, peki, ẽ mawarã, ẽ ana hiweyamanunã— ikaya

Miquéias 7:14

Mai pepa kesua anu hi shukua anu txashuwã huĩrukũmisbu keskai minabu hau tari hiwekubaĩshanũbũ mĩ aniki. Senhor Deusuũ, ha minaburã, hatu mekeshũ uĩrakubaĩshãwẽ. Mae Basã inũ mae Gileade anu basi pepa anu hatũ shenipabu mĩ hatu iyuni keska wakĩ pepas anu hatu ana iyushãwẽ.

Mateus 5:6

—Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.

João 6:35

Jesusũ ana hatu yuikĩ: —Hiwekuĩmati misirã, habia ẽ eaki. Tsuabũra ea nĩkakĩ xinã betsa watã eki txiti ikaibu ẽ hatũ yushĩ kuxipa wa ana buniama keska ishãkanikiki. Ha inũ, tsuabũra ea ikũwãkĩ ẽ hãtxa nĩkakubainaibu ẽ hatu xinã txãkãwã ana ũpash manui tetsusinama keska ishãkanikiki.