Isaías 41:17 - Kaxinawá Bíblia (BR)

¹⁷ Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Isaías 41:17 Referencias Cruzadas

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

1 Reis 17:8

hanushũ Senhor Deusũ Elias ana yunukĩ: —Benitã Sidom mai pakea anu mae betsa Sarepta anu katãwẽ. Hari niti ika hiweyutãwẽ. Aĩbu betsa hawẽ bene ma mawani hiwea anu hau hatũ mia pimakubaĩshanũ mia pewashũkĩ ma ẽ mia yunushũshinaki— aka

Salmos 22:15

Ẽ hiwea babui ẽ kushipa beshmasi ẽ hashpa mai kẽti tuash keska tsusiãki. Ũpash manui ẽ hana tashkai ẽ hashakaki tsamiaki. Ẽ ma mawa ea akawakĩ mai kuru anu mĩ ea putabainaki.

Salmos 34:6

Nuitapakĩ ẽ Senhor Deus kena ea nĩkakĩ kemakĩ ẽ bika teneai dasibi ea putamaniki.

Salmos 37:25

Ẽ berunãtũ uini inũ natiã mestebukĩ ẽ uĩkubainairã, huni pepabu Senhor Deusũ henebainai ẽ uĩsmaki. Hanua hatũ bakeburi hawa ea iki daketapai mapuaibu ẽ hatu uĩsmahairaki.

Salmos 42:2

Deusũ ea hiwea inãmis putakatsi ikama ũpash manuai keskai ẽ habe nikũkainaii. Hatiã ana txĩtũkirã Deus bebũ ẽ nishanai?

Êxodo 17:3

nĩkabiatã yurabũ ũpash manuhairakĩ Moiséski ana ha ikĩ yuikĩ: —Haskakĩ nuku ũpash manumakĩ nuku inũ nukũ bakebu inũ nukũ inabu debu wanũ, iwanã, nuku bika wakĩ: “Bunãkãwẽ”, akawãkĩ Egito anua mĩ nuku iweimamẽ?— akubaunabu

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 43:20

Habu enabu wakĩ hau ea kẽwãshanũbũ ẽ hatu katuni habu ekiri txanibaũshãkanikiki. Hanu tsua hiweabuma inũ hanu hawa hukuĩsmanu ũpash tuekĩ ẽ hatu habawashũshanaii. Ẽ hatu haska washuna ha ũpash akaibũ hanushũ yuinaka pianã betsa betsapabu inũ, kamã inu inũ, pupũ habũri ea duawashãkanikiki.

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 55:1

“Tsuabũra mã ũpash manuaiburã, ea anu beshũ akãwẽ. Tsuabura mã pei hayamabia bekãwẽ, hawa pakama shekiwã trigo inũ, uva vinho inũ, awa txutxu bi beirã.

Isaías 58:11

Mã haskakenã, earã, matube ketashamea matu mekekubaĩkĩ hanu buniaibutiã mã pinũbũ hanu tsua hiweabuma anu piti hamẽ ikai ẽ matu washũshanaii. Matũ yura babuaya ẽ matu ana kushipa washanaii. Mã mibã bana matu nashima keska wakĩ ẽ matu duawashanaii, txatxa ũpash hawa hene netsutima keska wakinã.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Isaías 65:24

Habũ ea kenakĩ ea ea ariabuma eã dukũ hatu kemakĩ: ‘Hawamẽ?’ ẽ hatu wakubaĩshanaii. Ebe hãtxakĩ hawarakiri ea yuka keyuriabuma ẽ hawaira hatu nĩka keyukubaĩshanaii.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Mateus 5:3

—Benimatirubukiri matu yuinũ nĩkakãwẽ. Tsuabura kẽkubaĩsbuma Deus shanẽ ibukĩ hatu duawashanaiwẽ taea benimapaketi xinaĩ benimakubaĩkanikiki, manairã.

Mateus 5:6

—Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.

Lucas 16:24

sai ikĩ yuikĩ: “Epa Abraãoneẽ, ewẽ nuiwe. Txi here anua ẽ yumaiĩ. Ũpash metsabirã hau ẽ hana ea matsi wayunũ Lázaro ea yunushũwẽ”, aka

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

Apocalipse 21:6

ana ea yuikĩ: “Dasibi haskashanai ẽ yuinirã, ma ẽ akĩ keyuaki. Ea dukũ ẽ ini inũ niti ikama ẽ hiwepakeshanaii. Tsuabũra ũpash akatsis ikĩ manuaibu keska ea anu beaibu ẽ hatu hiwea inãshanaii, hawa hatu pakamamarã.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.